Dawˬ tsoˆ 5:14 - Akha

¹⁴ Ehˇ kʼawꞈ, yawˬ ngehꞈ-ehˇ smˬ-iˇ jiˇ-awˇ, zaˬ-ahˇ jeˬ biˇ biꞈ yaꞈ-eu maˬ dzeˇ-a.

Dawˬ tsoˆ 5:14 ပူးပေါင်းရင်းမြစ်များ

1 Sahˬpaˬ 14:26

Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu myawˬ gahˬ dawˬ tawˆ luꞈ, aˬ yawꞈ yuˇ geuꞈ gʼeh-euˬ meh. Shuiˇ neh jahˇ taˬ-euˬ sahˬ paˬ Sawˇlaˬmoˬ-euˬ dehˬ daˬ duˬ kʼoeˇ deuˬ kʼawꞈ, yuˇ geuꞈ gʼeh-euˬ meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Yawˇbaˆ 5:5

Mehꞈ-eu shuꞈ-eu tsawˇ haˬ deuˬ tsawˇ uˬ-euˬ dzaˬ la gʼo cehˇ yehˬ dzaˬ tehꞈ-a. Aˬ gah baw duˆ yaw kaˬ-ahˇ dehꞈ gaˇ kʼawꞈ yehˬ dzaˬ tehꞈ-a. Maˬ jaˆ-eu tsawˇ haˬ deuˬ aˬ yawꞈ-euˬ pyuˇ shuiˇ myawˬ gahˬ-ahˇ mehˇ juiˇ juiˇ tehꞈ-a.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 49:18

Tsawˇ haˬ tiˬ gʼaˬ heu ziˇ laꞈ kʼoeˇ nui kʼahˇ shiˇ duˬ byah-awˇ, dehꞈ bym nya-eu miˇ neh aˬ cawˬ ja ceuˬ nehˬ kʼawꞈ,

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawˬ tsoˆ 2:26

Miˬyehˇ-aˬ, aˬ yawꞈ nui ma tsaˬ-eu tsawˇ haˬ deuˬ-ahˇ, yaw muiˬ yaw doeˇ tseˇ paˆ nya-eu nui gahˇ maˬ ehˇ, zaˬ siˬ tsawˇ gahˇ maˬ ehˇ, nui saˇ oꞈ-eu jeˬ maˬ ehˇ, biꞈ nehˬ-eu meh. Ehˇ kʼawꞈ, iˬ baˇ zaˬ deuˬ pyuˇ poˆ shuiˇ poˆ-awˇ jeˬ hmˬ taˬ nya ni, aˬ yawꞈ jahˇ nehˬ-eu meh. Kʼoeˇ-aˬ, aˬ yawꞈ nui kʼahˇ shiˇ-eu tsawˇ haˬ-ahˇ biꞈ nya ni bi poˆ uiˬ taˬ-euˬ gaˇ duˇ-eu meh. Heu deuˬ dawˬ tawˆ luꞈ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Dawˬ tsoˆ 5:15

Dehꞈ le ngeh tiˬ jeˬ-iˬ maˬ hehˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ yuˇ gʼeh nya-a.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

1 Saˬmeuˬlaˆ 2:36

Nawˬ-euˬ zaˬ nawˬ-euˬ uˆ deuˬ laꞈ kʼoeˇ maˬ shiˇ-ehˇ kʼaˇ dehꞈ yaꞈ-euˬ deuˬ piˇ ma kʼoeˇ gʼaˬ jawˇ gaˇ le-awˇ, pyuˇ hawˇ-eu dzaˬ dzaˬ dawˇ dawˇ ya shaˇ leˇ gaˇ keuˆ tehꞈ-a. ‘Nga maꞈ maˬ ya mehꞈ sehꞈ-eu gʼaˇ duˬ, nawˬ-ahˇ caw mˇ paˬ-ehˇ gʼeh-eu gaˇ jaˆ naˇ bi mˇ laꞈ-awˬ’ lehˇ, piˇ ma kʼoeˇ gʼaˬ-ahˇ aˬ yawꞈ maꞈ ya shaˇ leˇ tehꞈ-a.”