Dawˬ tsoˆ 5:13 - Akha

¹³ Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Dawˬ tsoˆ 5:13 ပူးပေါင်းရင်းမြစ်များ

Aˇ dahˬ 14:16

Kʼoeˇ naˇ, aˬ yawꞈ maꞈ neh yuˇ gʼeh-euˬ pyuˇ shuiˇ myawˬ gahˬ dawˬ tawˆ luꞈ paˇ za kʼoꞈ jiˇ-euˬ uˬ taꞈ, Lawˇtaˬ-ahˇ kʼawꞈ aˬ yawꞈ-euˬ pyuˇ shuiˇ myawˬ gahˬ deuˬ nehˬ-ehˇ tiˬ kawˆ loꞈ-ehˇ sheuˬ kʼoꞈ doˆ laꞈ-euˬ meh. Aˬ cawˬ neh bi nyehꞈ gʼeh-euˬ zaˬ miˬ zaˬ deuˬ hawˇ-eu nui deuˬ-ahˇ kʼawꞈ, Lawˇtaˬ nehˬ-ehˇ tiˬ kawˆ loꞈ-ehˇ sheuˬ-awˇ gʼoꞈ laˇ-euˬ meh.

Aˇ dahˬ 19:14

Kʼoeˇ ngeh, Lawˇtaˬ-aˬ, aˬ yawꞈ-euˬ aˬ buˇ deuˬ-ahˇ sheuˬ dahˬ dzaˬ-eu lehˇ lehˬ hmˬ luꞈ-eu kʼaˬ dzeˇ zaˬ zaˬ guˬ deuˬ jawˇ gaˇ iˇ-awˇ, “Yaw kawˇ-ehˇ lehˬ hmˬ-awˇ, meuˬ heu meuˬ laꞈ kʼoeˇ neh doˆ-iˇ-awˬ. Meuˬ heu meuˬ-ahˇ Sahˬpaˬ Miˬyehˇ laˆ cawˆ-eu lehˇ lehˬ hmˬ luꞈ meh” lehˇ ehˇ nehˬ-euˬ meh. Ehˇ kʼawꞈ, aˬ yawꞈ maꞈ-ahˇ Lawˇtaˬ naˬ gʼa le-euˬ nga lehˇ aˬ yawꞈ maꞈ noeˬ-euˬ meh.

Aˇ dahˬ 19:26

Ehˇ kʼawꞈ, Lawˇtaˬ-euˬ miˬ zaˬ-aˬ, naˇ kʼah nahˇ gʼoꞈ gʼoꞈ haw-euˬ miˇ neh, saˬ deuꞈ kʼawˇ zeuˇ pyeuꞈ-iˇ-euˬ meh.

Yawˇbaˆ 20:20

Aˬ yawꞈ-euˬ nui kʼahˇ naˬ leˇ duˬ maˬ jaˆ-a.

Dawqdaq 1:19

Heu-aˬ, yaw haiˬ mˇ-awˇ dehꞈ dzaˬ-eu deuˬ ya iˇ-eu, maˬ law-iˇ nya-eu gaˇ ma meh. Aˬ cawˬ-ahˇ tahˇ joe joe-eu tsawˇ haˬ, yawˬ ha-euˬ saꞈ laˇ maˬ lahˇ dzeuˇ-a.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 27:24

Aˬ jeˬ miˇ neh ehˇ naˇ, pyuˇ shuiˇ myawˬ gahˬ aˬ myah luꞈ maˬ gmˬ-ehˇ, miˇ kʼahˬ kʼawꞈ aˬ myah luꞈ maˬ ziꞈ-a.

Dawˬ tsoˆ 4:8

Yawˬ ha tiˬ gʼaˬ tehꞈ-ehˇ dahˬ dzaˬ-eu tsawˇ haˬ tiˬ gʼaˬ jawˇ-eu meh. Aˬ yawꞈ aˬ yuiꞈ aˬ nyiˇ maˬ baw, zaˬ maˬjawˇ kʼawꞈ, aˬ yawꞈ-euˬ pyuˇ shuiˇ myawˬ gahˬ-ahˇ nui kʼahˇ maˬ shiˇ-ehˇ, maˬ naˬ leˇ ni mˇ dui dui-eu meh. Yawˬ ha-euˬ gʼawˇ mawˇ yaw saˇ maˬ oꞈ ni aˬ suˇ gʼaˬ gʼaˇ duˬ aˬ yawꞈ mˇ luꞈ-eu gaˇ kawˆ, aˬ yawꞈ maˬ shaˇ noeˬ-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a. Maˬ mˇ paˬ-ehˇ gʼeh-eu gaˇ meh.

Dawˬ tsoˆ 5:14

Ehˇ kʼawꞈ, yawˬ ngehꞈ-ehˇ smˬ-iˇ jiˇ-awˇ, zaˬ-ahˇ jeˬ biˇ biꞈ yaꞈ-eu maˬ dzeˇ-a.

Dawˬ tsoˆ 8:9

Tsawˇ haˬ zaˬ tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ-eu nahˇ ma heu siˬ uˬ moˆ, kʼaˇ pyeuꞈ luꞈ-eu gaˇ kawˆ deuˬ-ahˇ ngaˇ shaˇ sawˇ haw ngeh, heu deuˬ dawˬ tawˆ luꞈ-ahˇ ngaˇ ya mawˇ-euˬ ma.

Iˇsaˬyaˇ 2:20

Aˇ nah kʼoeˇ nah keuˆ laˇ ngeh, yawˬ ha neh tehˆ-euˬ pyuˇ hawˇ-eu shuiˇ tahˬ pahˬ aˬ ma mawˇ kawˇ deuˬ-ahˇ, ho kʼaˬ, boeˇ kʼaˬ jawˇ duˬ-ahˇ baꞈ dzeh yaꞈ jiˇ tehꞈ-a.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 19:8

Saˬgehˇ tuˇ-awˇ, Sahˬpaˬ Yeˬsuˇ-ahˇ ehˇ nehˬ-eu, “Sahˬpaˬ-oˇ, ngaˬ-euˬ pyuˇ shuiˇ myawˬ gahˬ tiˬ paˆ, shaˬ-eu zahˬ-eu tsawˇ haˬ deuˬ-ahˇ biꞈ ma. Ngaˬ neh tsawˇ haˬ tiˬ gʼaˬ na-ahˇ tiˬ jeˬ paˬ myawꞈ dzaˬ taˬ-euˬ jaˆ naˇ, oeˬ bymˇ tsoeˬ kʼoꞈ nehˬ ma.”