Dawˬ tsoˆ 4:10 - Akha

¹⁰ Tiˬ gʼaˬ coˬ-iˇ naˇ, tiˬ gʼaˬ gʼeu tuˇ nehˬ nya-eu meh. Ehˇ kʼawꞈ, tiˬ gʼaˬ tehꞈ-ehˇ jawˇ-eu coˬ-iˇ ngeh, shaˬ dui dui meh. Aˬ jeˬ miˇ neh ehˇ naˇ, gʼeu tuˇ nehˬ-eu gʼaˬ maˬ jawˇ-a.

Dawˬ tsoˆ 4:10 ပူးပေါင်းရင်းမြစ်များ

Aˇ dahˬ 4:8

Kʼoeˇ naˇ, Gaˬiˇnaˆ gʼaˬ, aˬ yawꞈ-euˬ aˬ nyiˇ Aˬbeˬlaˆ-ahˇ, “Deh ma-ahˇ iˇ kaˇ-euˇ” lehˇ cawˬ-euˬ meh. Aˬ yawꞈ nyaꞈ nmˇ deh yaˇ-ahˇ iˇ keuˆ-awˇ jawˇ ngeh, Gaˬiˇnaˆ tsawˬ tuˇ-awˇ, aˬ yawꞈ-euˬ aˬ nyiˇ-ahˇ sehꞈ-euˬ meh.

2 Saˬmeuˬlaˆ 11:27

Tsawˇ ngoeˇ ngoeˇ-euˬ aˇ nah aˇ yamˬ dzeuˇ-iˇ ngeh, Daˬbiˇ tsawˇ haˬ pyehˬ gʼeh-awˇ, aˬ yawꞈ-ahˇ bi sheuˬ laˬ-iˇ-euˬ meh. Aˬ yawꞈ Daˬbiˇ-euˬ miˬ zaˬ pyeuꞈ laˇ-awˇ, Daˬbiˇ gʼaˇ duˬ aˬ li tiˬ li ciˬ-euˬ meh. Ehˇ kʼawꞈ, Daˬbiˇ kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-a.

2 Saˬmeuˬlaˆ 14:6

Ngaˇ aˬ li nyiˬ li jawˇ-awˇ, tiˬ nah keuˆ laˇ ngeh, aˬ yawꞈ nyaꞈ nmˇ deh yaˇ-ahˇ ceh dzaˬ-euˬ meh. Kaˬ piˇ nehˬ-eu gʼaˬ maˬ jawˇ-eu miˇ neh, tiˬ gʼaˬ neh yawˬ gʼaˬ yawˬ-ahˇ sehꞈ-euˬ meh.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Dawˬ tsoˆ 4:11

Yaw gaˆ gaˆ ngeh nyiˬ gʼaˬ tiˬ kawˆ loꞈ-ehˇ yuꞈ naˇ lmˇ laˇ-eu meh. Ehˇ kʼawꞈ tiˬ gʼaˬ tehꞈ naˇ, yawˬ haˇ yawˬ ha aˬ joˆ-ehˇ laˆ lmˇ nmˇ.

Dawˬ tsoˆ 4:9

Tsawˇ haˬ nyiˬ gʼaˬ-aˬ, tiˬ gʼaˬ tehꞈ naˆ maˬ tseˇ gaˇ dahˇ tsoeˬ dzehˬ-eu meh. Aˬ jeˬ miˇ neh ehˇ naˇ, nyiˬ gʼaˬ mˇ naˇ gaˇ za myaˬ dzehˬ-eu meh.

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

1 Teˇsaˬloˇni 5:11

Kʼoeˇ miˇ neh, nymˬ-mˇ naw maꞈ tiˬ gʼaˬ tiˇ gʼaˬ gʼaˬ biꞈ-awˇ caw dehˬ caw toˆ luꞈ-eu loꞈ-ehˇ, mehˬ hu paw kʼawꞈ kʼoeˇ loꞈ-ehˇ dehꞈ daˆ le-awˬ.

1 Saˬmeuˬlaˆ 23:16

Daˬbiˇ jawˇ-eu Hawˇlehˆ-ahˇ Yawˇnaˆshaˬ le-awˇ, “Miˬyehˇ nawˬ-ahˇ haw piˇ nehˬ laꞈ tehꞈ-a” lehˇ ehˇ-awˇ gʼaˬ biꞈ nehˬ-euˬ meh.