Dawˬ tsoˆ 3:8 - Akha

⁸ Gaˬ-eu aˇ yamˬ baw-eu loꞈ-ehˇ, bye-eu aˇ yamˬ kʼawꞈ baw-eu meh. Guiˇ deuˆ-eu yamˬ baw-eu loꞈ-ehˇ, tsaˬ leˇ tsahˇ leˇ yamˬ baw-eu meh.

Dawˬ tsoˆ 3:8 ပူးပေါင်းရင်းမြစ်များ

1 Sahˬpaˬ 5:4

Ehˇ kʼawꞈ, nymˬ-mˇ poˆ jawˇ ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ-euˬ miˇ kʼahˬ yawˬ coeˇ na luꞈ coꞈ ngehˇ ni bi jaˆ-awˇ, ngaˬ-ahˇ muiˇ-eu miˇ kʼahˬ maˬ jaˆ-eu miˇ neh, guiˇ deuˆ le gaˇ guˆ kʼaˇ maˬ za-a.

2 Sahˬpaˬ 9:22

Yeˬhuˇ-ahˇ Yoˇlamˬ mawˇ-awˇ, “Yaw muiˬ jeˬ mˇ le-euˬ ma loˇ” lehˇ naˇ haˬ-euˬ meh. Yeˬhuˇ ehˇ-eu, “Nawˬ ma Yeˬsaˬbeˬlaˇ neh aˇ dahˬ beh taˬ yaꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, jaˬ nehꞈ ja maw kʼoeˇ deuˬ kʼaˇ jaˆ kʼoeˇ keuˆ ni, gaˇ kawˆ yaw muiˬ maˬ jaˆ kʼmˬ-aˇ.”

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

Jaceuq 101:3

Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.

Jaceuq 105:25

Iˇjiˇtuˆ tsawˇ haˬ deuˬ aˬ yawꞈ-euˬ tsawˇ haˬ deuˬ-ahˇ bye ni aˬ yawꞈ jahˇ-awˇ, aˬ yawꞈ-euˬ zaˬ kʼaˆ deuˬ kʼoeˇ taˆ smˇ kʼaˆ bi kʼaˆ-euˬ meh.

Jaceuq 139:21

Sahˬpaˬ Miˬyehˇ-oˇ, nawˬ-ahˇ bye-eu tsawˇ haˬ deuˬ-ahˇ ngaˇ bye dui dui-awˇ, nawˬ-ahˇ puiˬ-eu tsawˇ haˬ deuˬ-ahˇ ngaˇ nui daˆ daˆ dui dui nya.

Dawqdaq 13:5

Yaw tsaˬ yaw dawˇ tsawˇ haˬ-aˬ, maˬ tsaˬ-eu jeˬ-ahˇ bye-awˇ, haiˬ-eu tsawˇ haˬ daˬ ga-eu jeˬ mˇ doˆ laꞈ-eu meh.

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

Eˇpeˇsu 5:25

Kʼaˬ dzeˇ zaˬ deuˬ-oˇ, Ka li zaˬ aˇ muˇ-ahˇ Ka li gaˬ-eu miˇ neh gʼawˇ mawˇ lawˇ nehˬ-euˬ gaˇ duˇ ni, yawˬ ha-euˬ miˬ zaˬ-ahˇ gaˬ-awˬ.

Tiˇtuˆ 2:4

Aˬ yawꞈ maꞈ-aˬ, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ yawˬ ha-euˬ kʼaˬ dzeˇ zaˬ hawˇ-eu zaˬ deuˬ-ahˇ gaˬ nya laˇ ni mehˬ-eu tsoˆ-eu tsawˇ haˬ ya bi pyeuꞈ meh.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

Panmaeq 2:2

Nawˬ neh mˇ taˬ-euˬ gaˇ deuˬ ngaˇ siˬ nya ma. Nawˇ aˇ naˆ ni leh jeh-awˇ mˇ-euˬ gaˇ kawˆ maˬ ehˇ, aˇ naˆ ni oˇ-euˬ gaˇ kawˆ maˬ ehˇ, ngaˇ siˬ nya ma. Haiˬ-eu tsawˇ haˬ deuˬ-ahˇ nawˇ maˬ bi dzeuˇ-iˇ-euˬ gaˇ kawˆ maˬ ehˇ, Miˬyehˇ gaˇ mˇ-eu gʼaˬ kʼehˇ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ deuˬ-ahˇ nawˇ lawˬ haw-euˬ gaˇ kawˆ maˬ ehˇ, aˬ yawꞈ maꞈ jaˬ myawꞈ myawꞈ-eu tsawˇ haˬ meh lehˇ nawˇ caw duˬ-euˬ gaˇ kawˆ maˬ ehˇ, ngaˇ siˬ nya ma.