Dawˬ tsoˆ 3:5 - Akha

⁵ Kʼaˬ lo byaˆ dzeh-eu yamˬ baw-awˇ, gʼoˆ bymˇ kʼoꞈ-eu yamˬ baw-eu meh.

Dawˬ tsoˆ 3:5 ပူးပေါင်းရင်းမြစ်များ

2 Sahˬpaˬ 3:25

Meuˬ deuˬ-ahˇ aˬ yawꞈ maꞈ laˆ cawˆ nehˬ jiˇ-awˇ, deh yaˇ kʼaˇ muiˬ-eu kʼaˬ lo lo gahˬ pyeuꞈ jiˇ ni, tiˬ gʼaˬ-euˬ kʼaˬ lo tiˬ siˬ yawˬ gʼaˬ na luꞈ biˬ ahˇ-euˬ meh. Iˇ cuꞈ lah duˬ deuˬ-ahˇ aˬ yawꞈ maꞈ duˬ tsoeˬ-awˇ, aˇ siˬ aˇ bawˇ deuˬ tuˇ dzeh-euˬ meh. Aˇ saˬ saˬ laˇ ngeh, sahˬ paˬ jawˇ-eu meuˬ pyeuꞈ-eu Kiˇlaˆheˬyehˆ meuˬ tiˬ meuˬ tehꞈ-ehˇ maˬ cawˆ-iˇni dzeˇ-eu meh. Caˬ oeˬ pi luꞈ-eu deuˬ meuˬ kʼoeˇ meuˬ-ahˇ loꞈ jawˬ-awˇ guiˇ deuˆ-euˬ meh.

Doˆ-iˇ 19:15

“Saˇ pehˬ nah keuˆ laˇ ngeh, yawˬ gʼaˬ na luꞈ lehˬ hmˬ dah jiˇ-awˇ, heu yaw kaˬ-ahˇ, zaˬ miˬ zaˬ hawˇ-eu kʼaˬ dzeˇ zaˬ yaw kaˬ taˬ yuꞈ taꞈ” lehˇ aˬ yawꞈ maꞈ-ahˇ Moˇseˬ ehˇ nehˬ-euˬ meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.

Yawˇlaˆ 2:16

Tsawˇ haˬ dawˬ tawˆ luꞈ kuˇ uiˬ-awˇ, muiˬ-eu shawˇ-eu baꞈ dzah dzah-awˬ. Tsawˇ mawˬ, zaˬ guˬ dawˬ tawˆ hawˇ-eu, aˬ coeˇ dawˇ zaˬ deuˬ kʼawꞈ kuˇ-awˬ. Sheuˬdahˬdzaˬ-euˬ tiˬ dehˬ pyeuꞈ-eu, miˬ zaˬ yo zaˬ yaw shuiꞈ deuˬ kʼawꞈ, tiˬ gʼaˬ-iˬ taˬ bi jawˇ tehˬ yaꞈ.

1 Gawˇliˬtu 7:5

Tiˬ kʼehˬ tiˬ yamˬ laꞈ kʼoeˇ maˬ yuꞈ taꞈ ni guiˬ lahˬ shaˇ-eu gʼaˇ duˬ nyiˬ gʼaˬ luꞈ nui ma tsaˬ-awˇ ehˇ tsehˆ taˬ-euˬ aˇ yamˬ laꞈ kʼoeˇ maˬ ngeuˇ naˇ, tiˬ gʼaˬ tiˇ gʼaˬ maˬ yuꞈ taꞈ lehˇ ehˇ-eu maˬ tsaˬ-a. Aˇ yamˬ kʼoeˇ dzeuˇ naˇ, tiˬ kawˆ loꞈ-ehˇ paˇ yuꞈ paˇ jawˇ taꞈ-awˬ. Kʼoeˇ loꞈ-ehˇ maˬ jahˇ naˇ, naw maꞈ yawˬ ha-euˬ nui ma-ahˇ maˬ gʼaˬ leˇ-eu miˇ neh, nehꞈ Saˬdaˬ muˇ juˇ juˇ gaˇ maˬ dzeuˇ-iˇ nya-a.

Yawˇshuˆ 10:27

Nahˇ ma ga ahˇ ngeh, Yawˇshuˆ dawˬ biꞈ-awˇ, shiˇ taˬ-euˬ sahˬ paˬ kʼoeˇ deuˬ-euˬ gʼawˇ mawˇ bi baꞈ ka-awˇ, aˬ yawꞈ maꞈ neh dzuˇ zaꞈ-euˬ lo kʼahˬ-ahˇ bi biˬ ahˇ-iˇ-euˬ meh. Huiˬ-eu kʼaˬ lo deuˬ neh lo kʼahˬ-ahˇ ngawˬ tsoeˬ-awˇ, iˬ nah keuˆ ni kʼoeˇ loꞈ-ehˇ bi jaˆ-euˬ meh.