Dawˬ tsoˆ 3:4 - Akha

⁴ Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Dawˬ tsoˆ 3:4 ပူးပေါင်းရင်းမြစ်များ

Aˇ dahˬ 21:6

Saˬlaˇ ehˇ-eu, “Ngaˬ-euˬ kʼoeˇ taˆ, laˬ kʼaˬ cehˇ-eu jeˬ hawˇ-eu uiˇ yoeˇ laˇ paˬ-ehˇ gʼeh-eu jeˬ Miˬyehˇ bi keuˆ le-euˬ meh. Gaˇ kawˆ heu kʼaˇ ya gaˬ-eu tsawˇ haˬ dawˬ tawˆ luꞈ, ngaˬ nehˬ-ehˇ tiˬ kawˆ loꞈ-ehˇ caw uiˇ tehꞈ-a.”

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Dawˬ tsoˆ 3:5

Kʼaˬ lo byaˆ dzeh-eu yamˬ baw-awˇ, gʼoˆ bymˇ kʼoꞈ-eu yamˬ baw-eu meh.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Iˇsaˬyaˇ 40:1

“Ngaˬ-euˬ tsawˇ haˬ deuˬ-oˇ, nui saˇ za-awˬ. Nui saˇ za-awˬ” lehˇ naw maꞈ-euˬ Miˬyehˇ ehˇ-eu meh.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Maꞈtehˬ 11:17

‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’

Maꞈtehˬ 9:15

Yeˬsuˇ ehˇ-eu, “Oeˇ mˇ baˇ gaˇ laˇ-euˬ tsawˇ haˬ deuˬ, miˬ zaˬ sheuˬ daˆ-eu gʼaˬ aˬ yawꞈ maꞈ nehˬ-ehˇ kʼaˇ jawˇ kʼoeˇ keuˆ ni noeˬ shaˬ tehꞈ-a loˇ. Miˬ zaˬ sheuˬ daˆ-eu tsawˇ haˬ kʼoeˇ gʼaˬ aˬ yawꞈ maꞈ nehˬ-ehˇ maˬ ya jawˇ ni bi sheuˬ byoˆ gʼeh-eu tiˬ nah keuˆ le tehꞈ-a. Kʼoeˇ ngeh jawˇ, aˬ yawꞈ maꞈ maˬ dzaˬ-eu zahˇ jahˇ tehꞈ-a.

Luˇkaꞈ 1:58

Aˬ yawꞈ-euˬ dawˬ peh jawˇ-eu tsawˇ haˬ deuˬ hawˇ-eu, aˬ yawꞈ-euˬ aˬ yuiꞈ aˬ nyiˇ deuˬ, SahˬpaˬMiˬyehˇ neh aˬ yawꞈ-ahˇ gʼawˬ shaˬ gaˬ dui dui neh-euˬ gaˇ kawˆ ya gaˬ ngeh, aˬ yawꞈ nehˬ-ehˇ laˬ kʼaˬ caw cehˇ-euˬ meh.

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

2 Gawˇliˬtu 7:10

Miˬyehˇ nui ma tsaˬ-eu laꞈ kʼoeˇ ya noeˬ shaˬ-eu jeˬ-aˬ, nui ma-ahˇ bi noeˬ paˇ-awˇ, ka kʼoꞈ-eu jeˬ za ni sheuˬ gʼeh-eu jeˬ pyeuꞈ-eu meh. Kʼoeˇ baˬ da neh nui ma maˬ saˇ-ehˇ gʼeh-eu maˬ loˬ-a. Ehˇ kʼawꞈ, tsawˇ haˬ zaˬ-ahˇ taꞈ leˇ-awˇ noeˬ shaˬ-eu jeˬ-aˬ, shiˇ-eu jeˬ-ahˇ uˬ duˬ duˬ leˇ-eu meh.

Yaˬkoˆ 4:9

Noeˬ shaˬ dui dui-awˇ ngoeˇ dui dui-awˬ. Naw maꞈ uiˇ-euˬ jeˬ-ahˇ ngoeˇ-eu jeˬ bi pyeuꞈ-iˇ-awˇ, laˬ kʼaˬ cehˇ-euˬ jeˬ-ahˇ noeˬ shaˬ-eu jeˬ bi pyeuꞈ-iˇ-awˬ.