Dawˬ tsoˆ 3:3 - Akha

³ Sehꞈ-eu aˇ yamˬ baw-eu loꞈ-ehˇ, jaˆ gʼaˬ yaˇ-eu aˇ yamˬ baw meh. Deh pyaˆ-eu yamˬ baw-eu loꞈ-ehˇ, tsoˆ muiˬ kʼoꞈ-eu yamˬ baw-eu meh.

Dawˬ tsoˆ 3:3 ပူးပေါင်းရင်းမြစ်များ

Aˇ dahˬ 9:6

Tsawˇ haˬ zaˬ-ahˇ, Miˬyehˇ-ahˇ duˇ ni beh taˬ-euˬ meh. Kʼoeˇ miˇ neh, tsawˇ haˬ-ahˇ sehꞈ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ sehꞈ gaˇ paˇ ya daˬ tehꞈ-a.

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬlaˬmiˇ 45:4

“Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh tsoˆ doˆ taˬ-euˬ jeˬ deh pyaˆ-awˇ, ngaˬ neh ka dehꞈ taˬ-euˬ jeˬ gʼawˇ lehˆ-eu ma. Miˇ kʼahˬ kʼahˬ lah ni ngaˇ kʼoeˇ loꞈ-ehˇ jahˇ nehˬ ma.

Yeˬsaˬgeˬlaˇ 13:14

Aˬ yawꞈ maꞈ neh lu boeˬ lehꞈ pyuˇ taˬ-euˬ meuˬ lahˇ kʼoeˇ, bi coˬ pyaˆ bi coꞈ shaˆ jiˇ-awˇ, dawˬ pehˬ buˇ law ni bi mawˇ laˇ ma. Meuˬ lahˇ kʼoeˇ coˬ le-awˇ, naw maꞈ-ahˇ deh sehꞈ jiˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Haˬgaiˇ 1:2

“Uˬ duˬ tahˬ nymˇ nymˇ ma tsoˆ muiˬ-eu aˇ yamˬ maˬ keuˆ laˇ-aˬ siˬ lehˇ, tsawˇ haˬ teu deuˬ ehˇ luꞈ meh” lehˇ, Haˬgaiˇ-ahˇ Sahˬpaˬ Miˬyehˇ ehˇ nehˬ-euˬ meh.

Haˬgaiˇ 1:4

“Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ luꞈ ngeh, naw maꞈ nymˇ muiˬ tsoˆ-awˇ ya jawˇ ta loˇ.

Zaˬkaˬliˇ 1:12

Kʼoeˇ ngeh, mahˬ yaw neˇ dziꞈ luꞈ-eu mˬ taˆ gʼaˬ kʼehˇ kʼoeˇ gʼaˬ ehˇ-eu, “Baoˬ huiˬ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ nui ma pehˇ luꞈ-eu shiꞈ tseˇ kʼoꞈ byah laˇ-euˬ meh. Aˬ yawꞈ maꞈ-ahˇ nawˇ gʼawˬ shaˬ maˬ gaˬ nehˬ ni aˇ myah keuˆ ni paˇ byehˇ taˬ-eu gʼeh te.”

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.