Dawˬ tsoˆ 3:2 - Akha

² Dehꞈ le-eu yamˬ baw-eu loꞈ-ehˇ, shiˇ-eu aˇ yamˬ kʼawꞈ baw-eu meh. Toeˬ ka-eu yamˬ baw-eu loꞈ-ehˇ, gʼawˇ doˆ-eu yamˬ kʼawꞈ baw-eu meh.

Dawˬ tsoˆ 3:2 ပူးပေါင်းရင်းမြစ်များ

Aˇ dahˬ 17:21

Ehˇ kʼawꞈ, naˬ yaꞈ kʼoꞈ heu yamˬ-ahˇ dehꞈ le-eu Saˬlaˇ-euˬ aˬ li Iˇtsaˆ gʼaˬ nehˬ-ehˇ, ngaˬ-euˬ dawˬ ma saˇ jaˇ ngaˇ taˬ ma.”

Aˇ dahˬ 47:29

Aˬ yawꞈ ziˇ jiˇ-eu dawˬ peh peh laˇ ngeh, aˬ yawꞈ-euˬ aˬ li Yoˇsehˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ aˬ laꞈ ngaˬ-euˬ shaˬ pyaˬ yaw kaˬ-ahˇ cawˬ ahˇ-awˇ, nawˇ ngaˬ-ahˇ Iˇjiˇtuˆ miˇ kʼahˬ laꞈ kʼoeˇ maˬ baꞈ pahˬ lehˇ saˇ jaˇ dzaˬ-awˬ.

1 Sahˬpaˬ 13:2

Miˬyehˇ gʼaˇ duˬ ngehˬ dah-eu kʼoeˇ gʼaˬ, Sahˬpaˬ Miˬyehˇ neh kʼaˇ kʼehˇ-euˬ loꞈ-ehˇ lawˇ duˬ-ahˇ yaˬ kʼehˇ yaˬ-awˇ ehˇ-eu, “Lawˇ duˬ-oˇ, Lawˇ duˬ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. Yawˇshiˆ lehˇ myahˇ-euˬ aˬ li tiˬ li Daˬbiˇ-euˬ nymˇ jiˇ laꞈ kʼoeˇ dehꞈ le tehꞈ-a. Aˬ cawˬ tsawˇ jeuˬ-euˬ lawˇ duˬ-ahˇ gaˇ mˇ-eu piˇ ma geuꞈ-awˇ nawˬ-euˬ kʼoeˇ taˆ lawˇ-eu shehˇ-eu jeˬ mˇ luꞈ-eu tsawˇ haˬ kʼoeˇ deuˬ-ahˇ, nawˬ-euˬ kʼoeˇ taˆ aˬ yawꞈ sehꞈ daˆ-awˇ, tsawˇ haˬ-euˬ shaˬ yoeˬ kʼawꞈ nawˬ-euˬ kʼoeˇ taˆ aˬ yawꞈ dzah puiˆ tehꞈ-a.”

2 Sahˬpaˬ 4:16

Eˇliˇshehˇ aˬ yawꞈ-ahˇ ehˇ nehˬ-eu, “Naꞈ yaꞈ kʼoꞈ heu yamˬ keuˆ laˇ ngeh, nawˬ-euˬ bawˇ kʼahˇ-ahˇ aˬ li tiˬ li ciˬ luꞈ tehꞈ-a.” Zaˬ miˬ zaˬ kʼoeˇ gʼaˬ ehˇ-eu, “Ngaˬ-ahˇ toˆ-ehˇ jaˬ myawꞈ taˬ myawꞈ nehˬ laꞈ. Nawˇ-aˬ, Miˬyehˇ-euˬ tsawˇ haˬ meh.”

Yawˇbaˆ 14:14

Tsawˇ haˬ zaˬ shiˇ dzeuˇ shaw naˇ paˇ dehꞈ laˇ nya ta loˇ. Ehˇ kʼawꞈ, muiˬ-eu aˇ nah aˇ yamˬ-ahˇ ngaˇ dawˬ keuˆ ma. Shaˬ-eu zahˬ-eu aˇ nah aˇ yamˬ heu deuˬ dzeuˇ-iˇ ngeh keuˆ ni dawˬ ma.

Yawˇbaˆ 14:5

Tsawˇ haˬ-euˬ ziˇ hawˇ-eu aˬ yawꞈ ya dehꞈ-eu ba la aˇ siˬ-ahˇ, yaw beh neh diˬ tsehˆ taˬ-euˬ meh. Nawˬ neh laˆ tsaˬ jiˇ taˬ-euˬ miˇ neh maˬ paˇ laˆ paˇ nya meh.

Yawˇbaˆ 7:1

Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Jaceuq 113:9

Maˬ baw aˬ ma-ahˇ aˬ yawꞈ taˬ huiˬ nehˬ-awˇ, zaˬ jawˇ le-awˇ laˬ kʼaˬ bi cehˇ-eu meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 52:5

Kʼoeˇ miˇ neh, mˬ maˬ maˬ byaˆ zaˇ ziˇ naw maꞈ-ahˇ Miˬyehˇ laˆ luˬ laˆ seˇ nehˬ laꞈ tehꞈ-a. Naw maꞈ-ahˇ aˬ yawꞈ tsuˆ tehˬ-awˇ, naw maꞈ-euˬ nymˇ jiˇ laꞈ kʼoeˇ neh gʼeu doˆ gʼeh tehꞈ-a. Yaw dehꞈ zaˬ jawˇ-eu miˇ kʼahˬ-ahˇ neh, naw maꞈ-ahˇ aˬ yawꞈ sheu dzeh byoˆ tehꞈ-a.

Dawqdaq 24:27

Deh ma baw laˇ-awˇ, dzaˬ duˬ dawˇ duˬ maˬ dah laˇ kʼoeˇ keuˆ ni, nymˇ tsoˆ-awˇ nymˇ dahˬ taˬ dahˬ dzaˬ.

Iˇsaˬyaˇ 28:24

Deh ma mˇ-eu tsawˇ haˬ, tsehˬ gʼaˬ-euˬ maˬ baw ni tsehˬ-awˇ, kaˆ gʼaˬ-euˬ maˬ baw ni kaˆ kaˆ-ehˇ jawˇ nmˇ loˇ.

Iˇsaˬyaˇ 38:1

Aˇ yamˬ kʼoeˇ yamˬ-ahˇ, sahˬ paˬ Heˬsaˬgiˇ shiˇ taw tehˬ ni naˇ luꞈ-eu meh. Aˬmoˆ-eu aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ yawꞈ-ahˇ haw leˇ-awˇ ehˇ-eu, “Yawˬ jeˬ na luꞈ lehˬ hmˬ laˆ dah yaꞈ jiˇ-awˬ. Aˬ jeˬ miˇ neh ehˇ naˇ, nawˇ naˇ-eu maˬ paˇ taˬ leˇ nya meh. Shiˇ-eu gʼaˇ duˬ lehˬ hmˬ-awˬ lehˇ Sahˬpaˬ Miˬyehˇ ehˇ-eu meh.”

Iˇsaˬyaˇ 38:5

“Heˬsaˬgiˇ jawˇ gaˇ paˇ le-awˇ, heu loꞈ-ehˇ ehˇ nehˬ leˇ-awˬ. Nawˬ-euˬ aˬ poeˬ Daˬbiˇ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ nawˬ-euˬ shaˇ dawˬ gaˬ-awˇ, nawˬ-euˬ myaˆ biˇ-ahˇ ya mawˇ-euˬ ma. Ngaˇ nawˬ-ahˇ tseˇ ngaˬ kʼoꞈ paˇ bi dehꞈ ma.

Iˇsaˬyaˇ 54:1

Yeˬluˇsaˬlehˬ meuˬ-oˇ, nawˇ maˬ baw aˬ ma-ahˇ duˇ kʼawꞈ, nymˬ-mˇ laˬ kʼaˬ cehˇ-eu caˇ dawˬ caˇ-awˇ guˇ nya-eu meh. Aˬ jeˬ miˇ neh ehˇ naˇ, kʼaˬ dzeˇ zaˬ-ahˇ maˬ gʼawˬ-iˇ-eu aˬ ma gʼaˬ naˆ maˬ tseˇ, kʼaˬ dzeˇ zaˬ maˬ baw-eu aˬ ma zaˬ myaˬ dzehˬ le tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 45:4

“Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh tsoˆ doˆ taˬ-euˬ jeˬ deh pyaˆ-awˇ, ngaˬ neh ka dehꞈ taˬ-euˬ jeˬ gʼawˇ lehˆ-eu ma. Miˇ kʼahˬ kʼahˬ lah ni ngaˇ kʼoeˇ loꞈ-ehˇ jahˇ nehˬ ma.

Maꞈtehˬ 13:41

Tsawˇhaˬ-euˬ Zaˬmaˇ-aˬ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ pyehˬ gʼeh leꞈ-awˇ, aˬ cawˬ iˬ baˇ mˇ ni jahˇ-eu tsawˇ haˬ dawˬ tawˆ luꞈ hawˇ-eu, yaw haiˬ jeˬ kʼaˇ mˇ-eu tsawˇ haˬ dawˬ tawˆ luꞈ-ahˇ, aˬ yawꞈ-euˬ Miˇ kʼahˬ laꞈ kʼoeˇ neh bi sheuˬ doˆ uiˬ tehꞈ-a.

Maꞈtehˬ 15:13

Yeˬsuˇ ehˇ-eu, “Mˬ kʼoeˇ taˆ jawˇ-eu ngaˬ Da neh maˬ ka taˬ-euˬ aˇ bawˇ yawˬ bawˇ na luꞈ, gʼawˇ lehˆ dzeh gaˇ ya daˬ tehꞈ-a.

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Luˇkaꞈ 1:20

Aˇ yamˬ tsaˬ laˇ ngeh maˇ maˇ ni pyeuꞈ laˇ-eu gaˇ kawˆ heu-ahˇ ngaˇ tsaꞈ gaˬ le-eu kʼawꞈ, nawˇ maˬ jah-eu miˇ neh, ngaˬ neh ehˇ-euˬ loꞈ-ehˇ maˬ pyeuꞈ laˇ kʼoeˇ keuˆ ni, nawˇ dawˬ maˬ ngehˬ nya ni ciˬ cuˇ ya jawˇ tehꞈ-a.”

Luˇkaꞈ 1:36

Maˬ baw aˬ ma lehˇ sawˇ taˬ-euˬ nawˬ-euˬ nawˬ-euˬ aˇ jeuˬ aˇ ca Eˇliˇsaˬbehˆ-ahˇ haw sheˇ. Teu naˆ ni mawˬ laˇ-euˬ kʼawꞈ, aˬ nyiˇ pi luꞈ-eu ba la koꞈ siˬ byah laˇ-euˬ meh.

Yoˇhaˬ 16:21

Zaˬ miˬ zaˬ tiˬ gʼaˬ zaˬ baw-eu lehˇ gʼeh ngeh, shaˬ zahˬ ya mˇ-eu aˇ yamˬ keuˆ le-euˬ miˇ neh noeˬ shaˬ-eu meh. Ehˇ kʼawꞈ, zaˬ ciˬ doˆ leꞈ gʼaˬ ngeh, shaˬ zahˬ naꞈ-eu jeˬ-ahˇ ngehˇ jiˇ-eu meh. Aˬ jeˬ miˇ neh ehˇ naˇ, zaˬ tiˬ gʼaˬ miˇ tsaˬ kʼoeˇ taˆ dehꞈ doˆ le-euˬ miˇ neh, aˬ yawꞈ laˬ kʼaꞈ cehˇ-eu meh.

Yoˇhaˬ 7:30

Kʼoeˇ ngeh, aˬ yawꞈ maꞈ aˬ yawꞈ-ahˇ nyehꞈ-eu lehˇ gʼeh-eu meh. Ehˇ kʼawꞈ, aˬ yawꞈ-euˬ aˇ yamˬ maˬ keuˆ le dah-euˬ miˇ neh aˬ yawꞈ-ahˇ tiˬ gʼaˬ-iˬ maˬ nyehꞈ nya-a.

Gʼaˬkʼehˇ 7:17

“Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ loꞈ-ehˇ bi byah laˇ-eu aˇ yamˬ tsaˬ laˇ ngeh, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu aˬ dui-euˬ tsawˇ jeuˬ myaˬ dui dui laˇ taˬ-euˬ meh.

Gʼaˬkʼehˇ 7:20

Kʼoeˇ ngeh yamˬ-ahˇ Moˇsehˬ dehꞈ le-euˬ meh. Aˬ yawꞈ-aˬ, muiˬ dui dui-eu aˬ li tiˬ li pyeuꞈ-eu meh. Ba la smˇ siˬ byah ni aˬ yawꞈ-ahˇ iˇ kahˇ laꞈ kʼoeˇ bo saˆ-awˇ cu-euˬ meh.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

Dawˬmehˬ 34:5

Kʼoeˇ naˇ, Sahˬpaˬ Miˬyehˇ neh ehˇ taˬ-eu loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Mawˇbaˆ miˇ kʼahˬ-ahˇ shiˇ-euˬ meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

1 Saˬmeuˬlaˆ 2:5

Yaw beh ya dzaˬ ya dawˇ-euˬ deuˬ, nymˬ-mˇ gʼaˬ mahˇ ya mahˇ dzaˬ-awˇ, yaw beh mehꞈ-euˬ shuꞈ-euˬ tsawˇ haˬ, nymˬ-mˇ maˬ paˇ dzaˬ jiˇ coeˇ meh. Maˬ baw aˬ ma zaˬ maˬ jawˇ-euˬ, nymˬ-mˇ zaˬ shiꞈ gʼaˬ jawˇ le-awˇ, zaˬ myaˬ dui dui-euˬ aˬ ma gʼaˬ, zaˬ tiˬ gʼaˬ-iˬ maˬ paˇ jawˇ meh.