Dawˬ tsoˆ 3:1 - Akha

¹ Mˬ heu siˬ-euˬ uˬ moˆ, kʼaˇ pyeuꞈ kʼaˇ jaˆ-eu jeˬ dawˬtawˆ, yawˬ yamˬ yawˬ law baw luꞈ-eu meh.

Dawˬ tsoˆ 3:1 ပူးပေါင်းရင်းမြစ်များ

2 Sahˬpaˬ 5:26

Ehˇ kʼawꞈ, Eˇliˇshehˇ heu loꞈ-ehˇ ehˇ-eu meh. “Tsawˇ haˬ kʼoeˇ gʼaˬ mahˬ laˆ lawˬ-ahˇ neh tsawˬ ka-awˇ, nawˬ-ahˇ tahˬ puˬ le ngeh, yaw sahˇ laꞈ kʼoeˇ ngaˇ kʼoeˇ gaˇ jawˇ luꞈ-eu siˬ nya ma loˇ. Aˇ yamˬ heu yamˬ-aˬ, pyuˇ maˬ ehˇ, mehˬ tsoeˬ maˬ ehˇ, saˬ loˬ yaˇ kmˇ maˬ ehˇ, aˬ gaꞈ yaˇ kmˇ maˬ ehˇ, yawˇ maˬ ehˇ, mawˇ neˇ maˬ ehˇ, zaˬ kʼaˆ maˬ ehˇ, ya ha geuꞈ-eu aˇ yamˬ maˬ ngeuˇ-a.

2 Laˬsaˬbaˬ 33:12

Aˬ yawꞈ kʼoeˇ loꞈ-ehˇ ya daˬ ngeh, nui ma nahˬ laˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw noeˬ pyawˇ kʼoꞈ laˇ-awˇ, caw ba nehˬ laꞈ-awˬ lehˇ shaˇ-euˬ meh.

Dawqdaq 15:23

dawˬ tsaˬ tmˇ-eu nui saˇ bi oꞈ-awˇ, dawˬ muiˬ ngeh-eu laˬ kʼaˬ bi cehˇ-eu meh.

Dawqdaq 24:27

Deh ma baw laˇ-awˇ, dzaˬ duˬ dawˇ duˬ maˬ dah laˇ kʼoeˇ keuˆ ni, nymˇ tsoˆ-awˇ nymˇ dahˬ taˬ dahˬ dzaˬ.

Dawˬ tsoˆ 1:13

Zaˬ siˬ tsawˇ gahˇ-ahˇ gʼoe-awˇ, mˬ heu siˬ-euˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ-ahˇ pyehˆ tseˇ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ-ahˇ Miˬyehˇ neh ciˬ baꞈ ciˬ pi nehˬ-euˬ kʼaˆ behˆ aˇ naˆ ni kah-eu nga.

Dawˬ tsoˆ 2:17

Yaw dehꞈ dehꞈ-eu jeˬ-ahˇ ngaˇ bye dui dui nya. Aˬ jeˬ miˇ neh ehˇ naˇ, nahˇ ma heu siˬ uˬ moˆ kʼaˇ mˇ kʼaˇ shaˇ-euˬ dawˬ tawˆ luꞈ, ngaˬ-ahˇ bi noeˬ shaˬ-eu jeˬ tehꞈ meh. Gaˇ dahˇ tsoeˬ-eu tiˬ jeˬ-iˬ maˬ jaˆ-ehˇ, jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 2:3

Yaw muiˬ yaw doeˇ tseˇ paˆ nya-eu nui gahˇ-ahˇ poˆ duˬ tseˇ duˬ mawꞈ-eu nui kʼahˇ baˬ da neh, jiˇ baˬ dawˇ-awˇ dehꞈ byawˬ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ laꞈ kʼoeˇ, aˬ geu jeˬ mˇ-eu gaˇ dahˇ tsoeˬ dzehˬ nga lehˇ ngaˇ siˬ duˬ mawꞈ-eu ma.

Dawˬ tsoˆ 3:17

Kʼaˇ pyeuꞈ laˇ-eu yawˬ jeˬ na luꞈ, aˬ yawꞈ neh toꞈ taˬ-euˬ yamˬ law-ahˇ pyeuꞈ laˇ-eu miˇ neh, tsawˇ muiˬ tsawˇ doeˇ maˬ tseˇ paˆ ni, tiˬ kawˆ loꞈ-ehˇ Miˬyehˇ yaˇ kʼaˬ daˇ-eu nga lehˇ, ngaˇ yawˬ haˇ yawˬ ha ehˇ-euˬ ma.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 46:17

“Iˇjiˇtuˆ sahˬ paˬ-ahˇ tsawˇ myahˇ myahˇ paˇ nehˬ-awˬ. ‘Aˇ yamˬ dawˬ dzeuˇ-eu kʼahˬ sehˇ mehˬ lawꞈ’ lehˇ myahˇ nehˬ-awˬ.

Maꞈtehˬ 16:3

Uˬ shawˬ yaw naꞈ-ehˇ mˬ neˇ naˆ naˆ naˇ, uˬ yehˇ yehˇ le ngaˇ lehˇ naw maꞈ ehˇ-eu meh. Naw maꞈ mˬ-ahˇ haw haw-ehˇ, uˬ yehˇ uˬ tsaˇ toꞈ nya-eu meh. Ehˇ kʼawꞈ, aˇ yamˬ aˇ law-ahˇ taꞈ-eu bi siˬ bi mawˇ-eu jeˬ-ahˇ naw maꞈ dawˬ tsuiꞈ maˬ yuˇ doˆ nya-a.