Dawˬ tsoˆ 2:8 - Akha

⁸ Ngaˬ neh kʼaˇ uˆ lahˇ keuˆ-euˬ miˇ kʼahˬ deuˬ kʼoeˇ taˆ, sahˬ paˬ sahˬ ma geuꞈ luꞈ-eu deuˬ neh taꞈ nehˬ laꞈ-euˬ pyuˇ hawˇ-eu shuiˇ deuˬ, duˬ gahˬ gahˬ taˬ-euˬ loꞈ-ehˇ ngaˇ jaˆ ma. Dawˬ caˇ caˇ-eu kʼaˬ dzeˇ zaˬ deuˬ hawˇ-eu zaˬ miˬ zaˬ deuˬ jawˇ-awˇ, kʼaˬ dzeˇ zaˬ tiˬ gʼaˬ nui kʼahˇ kʼaˇ jaˆ-eu loꞈ-ehˇ, zaˬ miˬ zaˬ gʼawˬ mya ni ngaˇ jawˇ-eu ma.

Dawˬ tsoˆ 2:8 ပူးပေါင်းရင်းမြစ်များ

2 Saˬmeuˬlaˆ 19:35

Ngaˬ-euˬ aˇ kʼoꞈ yehꞈ tseˇ byah laˇ gʼaˬ-awˇ, tiˬ jeˬ-ahˇ-iˬ byawˬ gʼa mawꞈ-eu nui ma maˬ paˇ ahˇ miˇ-a. Dzaˬ-eu dawˇ-eu jeˬ kʼawꞈ, dzaˇ kuiˇ dzaˇ myehˇ maˬ paˇ siˬ laˇ miˇ-a. Aˬ cawˬ caˇ dawˬ caˇ-eu teˇ saˇ kʼawꞈ, maˬ paˇ gaˬ duˬ laˇ miˇ-a. Kʼoeˇ miˇ neh, nawˬ nehˬ-ehˇ le-eu ehˇ-eu-aˬ, maˇ maˇ ni nawˬ-ahˇ laˆ bahˬ leˇ gaˇ duˇ-eu tehꞈ miˇ-a.

1 Sahˬpaˬ 10:10

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, myaˬ dui dui-eu dzaˇ muiˇ dzaˇ sawˇ deuˬ hawˇ-eu tsiˇ yaw saw jeˬ maˬ ehˇ, aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Aˬ yawꞈ neh biꞈ-euˬ dzaˇ muiˇ dzaˇ sawˇ hawˇ-eu tsiˇ yaw saw kʼoeˇ deuˬ myaˆ ni myaˬ-eu laꞈ sawˬ deuˬ, sahˬ paˬ Sawˇlaˬmoˬ tiˬ jawˇ-iˬ maˬ za haw-aˬ.

1 Sahˬpaˬ 10:14

Aˬ yawꞈ kʼoꞈ yawꞈ sahˬ paˬ Sawˇlaˬmoˬ za-euˬ shuiˇ-aˬ, tiˬ muiˇ smˬ heˇ yehꞈ yaˇ jawꞈ-i ehˇ gʼaˬ ni byah-eu meh.

1 Sahˬpaˬ 10:21

Sawˇlaˬmoˬ-euˬ iˇ cuꞈ dawˇ-eu naˬ bo dawˬ tawˆ luꞈ shuiˇ neh tehꞈ-ehˇ jahˇ taˬ-awˇ, Leˬbaˬnoˬ sahˬ kʼaˆ lehˇ kuˇ-eu Hawˇ nymˇ-ahˇ kʼaˇ jaˆ-eu mˇ myawˬ dawˬ tawˆ luꞈ, maˇ jawˆ ni gʼeh-eu shuiˇ neh tehꞈ-ehˇ jahˇ taˬ-euˬ meh. Sawˇlaˬmoˬ-euˬ aˇ nah aˇ yamˬ laꞈ kʼoeˇ, pyuˇ aˇ poeˬ maˬ baw-eu miˇ neh, pyuˇ neh jahˇ taˬ-euˬ mˇ myawˬ keu ka tiˬ jeˬ-iˬ maˬ jaˆ-a.

1 Sahˬpaˬ 11:3

Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

1 Sahˬpaˬ 14:27

Dehˬ daˬ duˬ kʼoeˇ deuˬ-euˬ dah zaˇ, sahˬ paˬ Leˬhawˇbamˬ neh guiˬ shuiˇ dehˬ daˬ duˬ deuˬ paˇ jahˇ-awˇ, sahˬ paˬ-euˬ hawˇ nymˇ gʼoˆ kʼehˬ-ahˇ loꞈ-eu yaw huiˬ yaw mahˇ deuˬ-ahˇ a nehˬ-awˇ bi haw piˇ-euˬ meh.

1 Sahˬpaˬ 9:14

Hiˇlamˬ neh Sawˇlaˬmoˬ-ahˇ shuiˇ nyiˬ heˇ oeˬ yaˇ jawꞈ-i dzehˬ ni biꞈ gʼeh taˬ-euˬ meh.

1 Sahˬpaˬ 9:28

Awˇpiˇlaˆ miˇ kʼahˬ paw aˬ yawꞈ maꞈ saˇ baoˬ dziˬ gʼeh-awˇ, Sawˇlaˬmoˬ-ahˇ shuiˇ gʼoeˬ heˇ koꞈ yaˇ jawꞈ-i ehˇ gʼaˬ ni tawˬ kʼoꞈ nehˬ laꞈ-euˬ meh.

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

1 Laˬsaˬbaˬ 25:6

Aˬ yawꞈ-euˬ aˬ li heu deuˬ dawˬ tawˆ luꞈ, aˬ da gʼaˬ neh mehˬ nehˬ tsoˆ nehˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, deuˇ-mˬ diˬ-awˇ cehˇ lehˇ ciˆ-euˬ meh. Kʼoeˇ naˇ, Aˬsaˆ, Yeˬduˇdoˬ, Heˬmaˬ aˬ ha smˇ gʼaˬ-aˬ, sahˬ paˬ neh kʼaˇ kʼehˇ-euˬ loꞈ-ehˇ ya mˇ-eu meh.

2 Laˬsaˬbaˬ 9:11

Sahˬ paˬ Sawˇlaˬmoˬ-aˬ, daˇ kawˬ kʼoeˇ deuˬ-ahˇ, Uˬ duˬ tahˬ nymˇ nymˇ ma hawˇ-eu aˬ yawꞈ jawˇ-eu sahˬ paˬ-euˬ hawˇ nymˇ ahˇ dawˬ dzm tsoꞈ gaˇ maˬ ehˇ, caˇ dawˬ caˇ-eu tsawˇ haˬ deuˬ zmˬ-eu gʼaˇ duˬ, deuˇ-mˬ deuˬ jahˇ gaˇ maˬ ehˇ, geuꞈ-euˬ meh.

Eˇzaˬlaˬ 2:65

Kʼaˬ dzeˇ zaˬ hawˇ-eu zaˬ miˬ zaˬ zaˬ kʼaˆ deuˬ, shiꞈ heˇ smˬ yaˇ smˬ tseˇ shiꞈ gʼaˬ, Caˇ dawˬ caˇ-eu kʼaˬ dzeˇ zaˬ hawˇ-eu zaˬ miˬ zaˬ deuˬ, nyiˬ yaˇ gʼaˬ,

Dawˬ tsoˆ 1:2

Dawˬ mehˬ dawˬ tsoˆ tsoˆ-eu gʼaˬ ehˇ-eu, Yawꞈ ngehꞈ meh. Yawꞈ ngehꞈ meh. Yaw dehꞈ dehꞈ-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a. Maˇ maˇ ni gaˇ dahˇ maˬ tsoeˬ-a.

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”

Daˬyeˬlaˇ 3:5

daˇ heh baw-awˇ, bawˬ law baw, deuˇ-mˬ diˬ-eu teˇ saˇ naw maꞈ ya gaˬ tehꞈ-a. Kʼoeˇ naˇ, caˇ dawˬ caˇ gaˇ diˬ-eu baw-eu keu ka dawˬ tawˆ luꞈ diˬ-eu baw-eu teˇ saˇ mahˇ doˆ laˇ tehꞈ-a. Kʼoeˇ loꞈ-ehˇ mahˇ doˆ laˇ-eu nehˬ-ehˇ, naw maꞈ dawˬ tawˆ luꞈ awˆ byaˆ-awˇ, sahˬ paˬ Neˬbuˬkaˬneˬzaˬ neh ka tuˇ-euˬ shuiˇ mawˇ kawˇ-ahˇ uˬ duˬ ya tahˬ meh.

Daˬyeˬlaˇ 3:7

Kʼoeˇ naˇ, caˇ dawˬ caˇ gaˇ diˬ-eu baw-eu keu ka deuˬ-euˬ teˇ saˇ mahˇ doˆ laˇ-euˬ nehˬ-ehˇ, miˇ kʼahˬ dawˬ tawˆ luꞈ-ahˇ neh kʼaˇ uiˬ laˇ taˬ-euˬ tsawˇ jeuˬ dawˬ tawˆ luꞈ, sahˬ paˬ Neˬbuˬkaˬneˬza neh ka tuˇ taˬ-euˬ shuiˇ mawˇ kawˇ-ahˇ awˆ byaˆ-awˇ uˬ duˬ tahˬ-euˬ meh.

Aˬmoˆ 6:5

Daˬbiˇ caˇ dawˬ yuˇ doˆ-awˇ deuˇ-mˬ diˬ niˇ gʼa-eu loꞈ-ehˇ, naw maꞈ kʼawꞈ kʼoeˇ loꞈ-ehˇ jahˇ mawꞈ-eu meh.