Dawˬ tsoˆ 2:14 - Akha

¹⁴ Zaˬ siˬ tsawˇ gahˇ ahˇ-eu deuˬ yawˬ ha ya iˇ-eu gaˇ ma siˬ nya kʼawꞈ, aˬ dzawˬ-aˬ, yaw zahˇ laꞈ kʼoeˇ cah luꞈ gaˇ duˇ-eu meh. Ehˇ kʼawꞈ, aˬ yawꞈ tiˬ gaˇ shiˇ leˇ-eu tehꞈ meh lehˇ ngaˇ siˬ nya ma.

Dawˬ tsoˆ 2:14 ပူးပေါင်းရင်းမြစ်များ

Jaceuq 19:10

Shuiˇnaˆmaˬtseˇ poeˬdui dui-awˇ, byaˬuiˇmaˬtseˇ coeˇdzehˬ-eu meh.

Jaceuq 49:10

Aˬ dzawˬ aˇ gah deuˬ ziˇ dehꞈ jiˇ-eu loꞈ-ehˇ, tsawˇ gahˇ ahˇ-eu deuˬ kʼawꞈ ziˇ jiˇ luꞈ gaˇ, yawˬ gʼaˬ na luꞈ ya mawˇ luꞈ meh. Yawˬ gʼaˬ na luꞈ yawˬ ha-eu pyuˇ shuiˇ myawˬ gahˬ-ahˇ, nahˬ zaˬ laꞈ-ahˇ ya taˬ nehˬ yaꞈ-eu meh.

Jaceuq 49:11

Aˬ yawꞈ maꞈ deh ma baw-awˇ dehꞈ yaꞈ-euˬ kʼawꞈ, lmˬ bymˇ aˬ yawꞈ maꞈ-euˬ nymˇ pyeuꞈ-awˇ, mˬ maˬ maˬ byaˆ zaˇ ziˇ kʼoeˇ gaˇ ya jawˇ-eu meh.

Dawqdaq 14:8

Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

Dawqdaq 17:24

Noeˬ siˬ noeˬ mawˇ nya-eu gʼaˬ zaˬ siˬ tsawˇ gahˇ-ahˇ haw tsoˆ taˬ-awˇ, dawˇ ga gʼaˬ mˬ dzeˇ miˇ dzeˇ-ahˇ baꞈ leuˇ haw-eu meh.

Dawˬ tsoˆ 2:16

Aˬ dzawˬ aˇ gah-ahˇ aˬ cawˬ maˬ noeˬ keuˆ-eu loꞈ-ehˇ, zaˬ siˬ tsawˇ gahˇ ahˇ-eu gʼaˬ-ahˇ kʼawꞈ, aˬ cawˬ maˬ noeˬ keuˆ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, dawˬ tawˆ luꞈ-ahˇ aˬ cawˬ ngehˇ jiˇ tehꞈ-a. Tsawˇ gahˇ ahˇ-eu deuˬ maˬ ehˇ, aˬ dzawˬ aˇ gah deuˬ maˬ ehˇ, tiˬ nah ya shiˇ byoˆ jiˇ tehꞈ-a.

Dawˬ tsoˆ 3:19

Uˬ duˬ duˬ laˇ ngeh-aˬ, tsawˇ haˬ zaˬ hawˇ-eu jeˬ zaˬ tiˬ gaˇ shiˇ leˇ-eu meh. Nyiˬ jeˬ luꞈ shiˇ-eu jeˬ tehꞈ meh. Nyiˬ jeˬ luꞈ saꞈ tiˬ kawˆ loꞈ-ehˇ gʼawˇ-awˇ, beu gaˇ duˬ maˬ jaˆ-a. Aˬ jeˬ miˇ neh ehˇ naˇ, nyiˬ jeˬ luꞈ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 6:6

Tsawˇ haˬ kʼoeˇ gʼaˬ aˇ kʼoꞈ nyiˬ heˇ dehꞈ dzehˬ kʼawꞈ, aˬ yawꞈ jaˆ-eu pyuˇ shuiˇ myawˬ gahˬ aˬ yawꞈ-euˬ nui noeˬ maˬ ya zmˬ-a. Aˇ saˬ saˬ laˇ ngeh, nyiˬ gʼaˬ luꞈ aˬ yawꞈ tiˬ tsahˇ-ahˇ uˬ duˬ duˬ leˇ-eu tehꞈ meh.

Dawˬ tsoˆ 6:8

Tsawˇ gahˇ ahˇ-eu tsawˇ haˬ hawˇ-eu aˬ dzawˬ aˇ gah aˬ jeˬ beu gaˇ duˬ jaˆ ta. Iˇ shaˬ zaˬ tiˬ gʼaˬ aˬ joˆ-ehˇ ya dehꞈ ya jawˇ ya ngehˬ ya tmˇ-eu gaˇ kawˆ aˬ jeˬ paˇ siˬ nya-eu loˬ ta.

Dawˬ tsoˆ 7:2

Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

Dawˬ tsoˆ 8:1

Zaˬ siˬ tsawˇ gahˇ ahˇ-eu tsawˇ haˬ-ahˇ duˇ-eu aˬ suˇ gʼaˬ jawˇ ta. Aˬ yawꞈ loꞈ-ehˇ dawˬ tsuiꞈ beuˬ doˆ mehˬ nya-eu aˬ suˇ gʼaˬ jawˇ ta. Zaˬ siˬ tsawˇ gahˇ-aˬ, tsawˇ haˬ zaˬ-euˬ myaˆ pyawˬ-ahˇ shiˬ keuˇ ni bi jaˆ-awˇ, nahˬ jawˆ ni bi pyeuꞈ laˇ-eu meh.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Dawˬ tsoˆ 9:16

Zaˬ siˬ tsawˇ gahˇ-aˬ, baoˬ naˆ maˬ tseˇ aˇ poeˬ kʼaˆ dzehˬ meh lehˇ ngaˇ aˬ myah luꞈ ehˇ-eu ma. Ehˇ kʼawꞈ, iˇ shaˬ zaˬ-euˬ zaˬ siˬ tsawˇ gahˇ-ahˇ aˬ cawˬ yaw zeu maˬ baw-ehˇ, aˬ yawꞈ neh ngehˬ-euˬ dawˬ-ahˇ maˬ naˇ haˬ mawꞈ-a.

1 Yoˇhaˬ 2:11

Ehˇ kʼawꞈ, yawˬ ha-euˬ cawˬ Ka li zaˬ deuˬ-ahˇ bye-eu tsawˇ haˬ-aˬ, yaw zahˇ laꞈ kʼoeˇ jawˇ luꞈ-eu meh. Yaw zahˇ laꞈ kʼoeˇ cah luꞈ-awˇ, yawˬ ha aˬ gaˇ iˇ luꞈ-eu gaˇ kawˆ maˬ siˬ nya-a. Aˬ jeˬ miˇ neh ehˇ naˇ, yaw zahˇ kʼoeˇ aˬ yawꞈ-ahˇ myaˆ behꞈ bi behꞈ-iˇ-euˬ meh.