Dawˬ tsoˆ 2:11 - Akha

¹¹ Ngaˬ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ-ahˇ ngaˇ shaˇ sawˇ duˬ haw ngeh, ngaˇ aˇ naˆ ni shaˬ shaˬ-ehˇ mˇ dzeuˇ shaˇ dzeuˇ yaꞈ-euˬ nga. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ law hawˇ ngaˬ lehˇ ngaˇ siˬ duˬ-eu ma. Jaˬ lehˇ mehˬ nah teh-eu loꞈ-ehˇ yawꞈ ngehꞈ meh. Nahˇ ma heu siˬ uˬ moˆ tiˬ jeˬ-iˬ mˇ za shaˇ za-euˬ maˬ baw-a.

Dawˬ tsoˆ 2:11 ပူးပေါင်းရင်းမြစ်များ

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Jaceuq 89:47

Ngaˬ-euˬ ziˇ aˇ naˆ ni nymˇ gaˇ noeˬ keuˆ nehˬ laꞈ-awˬ. Tsawˇ haˬ dawˬ tawˆ luꞈ nawˬ neh beh taˬ-euˬ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ gaˇ noeˬ keuˆ nehˬ laꞈ-awˬ.

Doˆ-iˇ 39:43

Yawˬ jeˬ na luꞈ-ahˇ Moˇseˬ pyehˆ tseˇ haw ngeh, Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ aˬ yawꞈ maꞈ mˇ gʼaˬ taˬ jiˇ-euˬ gaˇ ya mawˇ-euˬ meh. Kʼoeˇ naˇ, aˬ yawꞈ maꞈ-ahˇ Moˇseˬ dawˬ ngehˬ gʼeh nehˬ-euˬ meh.

Dawˬ tsoˆ 1:14

Mˬ heu siˬ-euˬ uˬ moˆ kʼaˇ pyeuꞈ luꞈ-eu yawˬ jeˬ na luꞈ ngaˇ mawˇ duˬ-euˬ ma. Gaˇ dahˇ tsoeˬ-eu tiˬ jeˬ-iˬ maˬ jaˆ-a. Jaˬ lehˇ mehˬ nah teh-eu loꞈ-ehˇ tehꞈ meh.

Dawˬ tsoˆ 1:17

Zaˬ siˬ tsawˇ gahˇ gaˇ kawˆ hawˇ-eu aˬ dzawˬ aˇ gah-euˬ gaˇ kawˆ maˬ ehˇ, yaw muiˬ yaw doeˇ tseˇ paˆ nya-eu nui gahˇ hawˇ-eu tsawˇ uˬ-euˬ gaˇ kawˆ maˬ ehˇ, ngaˇ pyehˆ tseˇ duˬ-euˬ ma. Ehˇ kʼawꞈ, dawˬ tawˆ luꞈ jaˬ lehˇ mehˬ nah teh gaˇ duˇ-eu tehꞈ meh.

Dawˬ tsoˆ 1:3

Nahˇ ma uˬ moˆ tsawˇ haˬ zaˬ neh, kʼaˇ mˇ kʼaˇ shaˇ-euˬ jeˬ dawˬ tawˆ, aˬ jeˬ guiˬ lahˬ baw-eu jaˆ ta.

Dawˬ tsoˆ 3:9

Gaˇ mˇ-eu tsawˇ haˬ aˬ jeˬ guiˬ lahˬ za ta.

Dawˬ tsoˆ 5:10

Pyuˇ shuiˇ-ahˇ gaˬ-eu nui ma aˇ saˬ saˬ-eu maˬ baw-a. Smˇ muiˬ muiˬ laˇ mawꞈ-eu tsawˇ haˬ, nui kʼahˇ tiˬ jawˇ-iˬ maˬ byah-a. Heu kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 5:16

Heu-aˬ, nui ma cawˆ dui dui laˇ paˬ-ehˇ gʼeh-eu meh. Aˬ dui kʼaˇ dehꞈ doˆ le-euˬ loꞈ-ehˇ neˇ myawˆ ni ya gʼoꞈ leˇ-awˇ, aˬ dui neh mˇ-euˬ shaˇ-euˬ aˬ jeˬ guiˬ lahˬ baw ta. Jaˬ lehˇ mehˬ nah teh-eu loꞈ-ehˇ tehꞈ meh.

Haˬbaˬkuˆ 2:13

miˇkʼahˬ tsawˇjeuˬ shaˬdoeˇ-euˬ kʼoeˇ, gaˇ dahˇ tsoeˬ leˇ duˬ maˬ jaˆ ni, Baoˬ huiˬ-eu Sahˬpaˬ Miˬyehˇ neh, noeˬ tsehˆ daˇ tsehˆ jiˇ taˬ-euˬ meh.

1 Tiˆmoˇseˬ 6:6

Ngeuˇ tehꞈ-a. Tsawˇ haˬ tiˬ gʼaˬ yawˬ ha kʼaˇ jaˆ-eu myaˆ ni nui kʼahˇ shiˇ coeˇ naˇ, uˬ duˬ tahˬ-eu zahˇ sahˇ kʼoꞈ-aˬ, aˬ yawꞈ-ahˇ smˇ muiˬ bi muiˬ laˇ tehꞈ-a.