Dawˬ tsoˆ 2:1 - Akha

¹ “Laˇ-awˬ. Byawˬ-eu mo-eu jeˬ aˇ naˆ ni muiˬ-eu nga lehˇ, ngaˇ nawˬ-ahˇ nui kʼahˇ tiˬ shiˇ bi byawˬ bi muˆ gʼa nyaˇ” lehˇ, ngaˇ yawˬ haˇ yawˬ ha ehˇ-euˬ ma. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ gaˇ ya mawˇ-euˬ ma.

Dawˬ tsoˆ 2:1 ပူးပေါင်းရင်းမြစ်များ

Aˇ dahˬ 11:7

Aˬ yawꞈ maꞈ tiˬ gʼaˬ neh ngehˬ-euˬ dawˬ tiˬ gʼaˬ maˬ gʼoˆ siˬ nya-ehˇ bi pyeuꞈ-iˇ-eu gʼaˇ duˬ, aˬ dui zaꞈ ka-iˇ-awˇ, aˬ yawꞈ maꞈ-euˬ dawˬ-ahˇ laˆ bahˬ laˆ baˆ nehˬ kaˇ-euˇ.”

2 Sahˬpaˬ 5:5

Kʼoeˇ ngeh, “Iˇsaˬleˬlaˆ sahˬ paˬ jawˇ gaˇ iˇ-awˇ, sahˬ boꞈ heu taꞈ yuˇ gʼeh nehˬ-awˬ” lehˇ, sahˬ paˬ ehˇ-eu meh. Kʼoeˇ naˇ, Neˬmaˬ-aˬ, pyuˇ maˇ byaˆ smˬ muiˇ byaˆ, shuiˇ maˇ byaˆ koꞈ heˇ byaˆ hawˇ-eu, muiˬ dui dui-eu mehˬ tsoeˬ tseˇ shehˆ yuˇ-awˇ iˇ-euˬ meh.

Jaceuq 10:6

“Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

Jaceuq 14:1

Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Dawqdaq 14:13

Kʼaˇ uiˇ ngeh laˬ kʼaˬ cehˇ-eu maˬ ngeuˇ-a. Nui cehˇ mehˬ nah myaˆ biˇ caw-eu meh.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Dawˬ tsoˆ 2:10

Ngaˇ-aˬ, kʼaˇ geuꞈ mawꞈ-eu jeˬ za-euˬ tsawˇ haˬ ma. Kʼaˇ byawˬ kʼaˇ mo mawꞈ-eu jeˬ, maˬ ya byawˬ maˬ ya mo-ehˇ dzahˬ tehˬ-euˬ tiˬ poˆ-iˬ maˬ jaˆ. Ngaˬ neh kʼaˇ mˇ kʼaˇ shaˇ doˆ-euˬ jeˬ-ahˇ ngaˇ nui kʼahˇ shiˇ-awˇ kʼahˬ sehˇ jehˆ-eu ma. Heu-aˬ, ngaˬ neh mˇ za-euˬ guiˬ lahˬ ma.

Dawˬ tsoˆ 2:15

Aˬ dzawˬ aˇ gah hawˇ-eu ngaˇ, aˬ yawꞈ tiˬ gaˇ ya shiˇ leˇ-eu tehꞈ meh lehˇ ngaˇ noeˬ duˬ-euˬ ma. Toˆ-ehˇ ngeuˇ naˇ, ngaˇ zaˬ siˬ tsawˇ gahˇ heu naˆ naˆ-ehˇ ahˇ-eu baˬ da neh, aˬ jeˬ guiˬ lahˬ baw ta. Tiˬ jeˬ-iˬ guiˬ lahˬ maˬ baw-a lehˇ ngaˇ ehˇ-eu ma. Maˇ maˇ ni tiˬ jeˬ-iˬ guiˬ lahˬ maˬ baw-a.

Dawˬ tsoˆ 2:25

Dzaˬ-eu dawˇ-eu jeˬ hawˇ-eu nui saˇ oꞈ-eu jeˬ-ahˇ, yawˬ haˇ yawˬ ha aˬ gaˇ poˆ doˆ laˬ-iˇ nya nmˇ.

Dawˬ tsoˆ 7:4

Zaˬ siˬ tsawˇ gahˇ ahˇ-eu nui ma , tsawˇngoeˇngoeˇ-eu nymˇ-ahˇ jaˆ-awˇ, aˬ dzawˬ aˇ gah deuˬ-euˬ nui ma , byawˬ gʼa-eu nymˇ-ahˇ jaˆ-eu meh.

Dawˬ tsoˆ 8:15

Kʼoeˇ miˇ neh, tsawˇ haˬ zaˬ byawˬ gʼa mo gʼa-eu jeˬ mˇ-eu tsaˬ meh lehˇ ngaˇ noeˬ duˬ taˬ-euˬ ma. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ dehꞈ ngeh aˬ yawꞈ gʼaˇ duˬ nui kʼahˇ shiˇ kʼaˇ za-eu-aˬ, dzaˬ byawˬ dawˇ byawˬ byawˬ-awˇ, byawˬ-eu mo-eu jeˬ mˇ-eu heu tehꞈ meh. Miˬyehˇ neh nahˇ ma heu siˬ uˬ moˆ aˬ yawꞈ-ahˇ bi dehꞈ-euˬ aˇ yamˬ laꞈ kʼoeˇ aˬ yawꞈ mˇ dzaˬ kʼawꞈ dawˇ luꞈ ngeh, aˬ yawꞈ kʼoeˇ loꞈ-ehˇ byawˬ gʼa mo gʼa nya-eu meh.

Iˇsaˬyaˇ 5:5

Ngaˬ-euˬ aˬ gaꞈ yaˇ kmˇ-ahˇ ngaˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ naw maꞈ-ahˇ ngaˇ ehˇ nehˬ nyaˇ. Aˬ gaꞈ baw duˆ mˇ lahˇ taˬ-euˬ pyaˆ dzeh nehˬ-awˇ, bawˇ tsahˬ jeˬ zaˬ neh bi dzaˬ jiˇ ma. Aˬ gaꞈ yaˇ kmˇ mˇ jawˬ taˬ-euˬ ngawˬ paˆ doˆ-awˇ, jeˬ zaˬ neh bi nawˬ byoˆ leꞈ ma.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Iˇsaˬyaˇ 50:5

Sahˬpaˬ Miˬyehˇ ngaˬ-ahˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh. Aˬ yawꞈ-ahˇ ngaˇ maˬ puiˬ. Aˬ yawꞈ-ahˇ ngaˇ maˬ byehˇ.

Luˇkaꞈ 12:19

Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 16:23

Shiˇ-eu miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ aˬ yawꞈ ya daˬ-awˇ, naˇ dui gawˇ dui dui-eu laꞈ kʼoeˇ gʼawˇ leuˇ haw leꞈ ngeh, gaˇ mahˇ kaˬ gaˇ Aˬbyaˬhaˬ-ahˇ haw mawˇ-awˇ, Aˬbyaˬhaˬ-euˬ bawˇ kʼahˇ-ahˇ Laˬzaˬluˇ nuiˇ luꞈ gaˇ ya mawˇ-euˬ meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yaˬkoˆ 4:13

“Iˬ nah maˬ ngeuˇ naˇ ni shawˬ meuˬ tiˬ meuˬ-ahˇ iˇ-awˇ, tiˬ kʼoꞈ byah ni jeˬ gaꞈ gaꞈ-awˇ pyuˇ gʼawˬ mya ni poˆ za ma” lehˇ ehˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.

Yaˬkoˆ 5:1

Smˇ muiˬ smˇ baw deuˬ-oˇ, ngaˇ ehˇ gaˇ naˇ haˬ sheˇ. Naw maꞈ kʼoeˇ taˆ shaˬ-eu zahˬ-eu jeˬ keuˆ le-eu lehˇ gʼeh-eu miˇ neh guˇ guˇ-ehˇ ngoeˇ-awˬ.

Yaˬkoˆ 5:5

Miˇ tsaˬ heu kʼoeˇ taˆ naw maꞈ yaw dehꞈ dehꞈ-euˬ-aˬ, laˬ kʼaˬ tiˬ cehˇ, nui kʼahˇ tiˬ shiˇ dehꞈ-euˬ meh. Bi sehꞈ dzaˬ-eu aˇ nah kʼoeˇ nah-euˬ gʼaˇ duˬ, naw maꞈ yawˬ haˇ yawˬ ha cu tsuˇ taˬ-euˬ meh.