Dawˬ tsoˆ 12:5 - Akha

⁵ Yaw goˇ-ahˇ nawˇ maˬ daˆ peuˬ-ehˇ, nawˇ gaˇ ma cah-eu kʼahˬ lahˇ paˬ-ehˇ pyeuꞈ-iˇ tehꞈ-a. Nawˬ-euˬ uˬ duˬ pyuˇ le-awˇ, yawˬ ha-euˬ gʼawˇ mawˇ maˬ laˆ luˆ coeˇ-eu uˬ taꞈ, nui kʼahˇ dawˬ tawˆ luꞈ byoˆ jiˇ tehꞈ-a. Aˇ saˬ saˬ-eu naˬ duˬ-ahˇ aˬ dui le luꞈ-awˇ, poˆ kaˬ lehˆ kawˆ-ahˇ tsawˇ ngoeˇ ngoeˇ-eu teˇ saˇ gaˬ doˆ laˇ tehꞈ-a.

Dawˬ tsoˆ 12:5 ပူးပေါင်းရင်းမြစ်များ

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 44:29

Heu gʼaˬ-ahˇ kʼawꞈ ngaˬ-euˬ mehˬ shi naw maꞈ paˇ sheuˬ doˆ gʼeh-awˇ, tiˬ jeˬ paˬ paˇ bi ca laˇ-eu laꞈ kʼoeˇ, ngaˇ shaˬ zahˬ naꞈ dzehˬ laˇ ni naw maꞈ paˇ jahˇ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ nehˬ laꞈ gaˇ duˇ-eu ngaˇ’ lehˇ ehˇ-eu meh.

Aˇ dahˬ 44:31

Aˬ nyiˇ nyiˇ saˬ gʼaˬ-ahˇ maˬ sheuˬ-ehˇ, aˬ da jawˇ gaˇ ngaˇ gʼoꞈ leˇ naˇ, aˬ yawꞈ-euˬ aˬ li maˬ gʼoꞈ laˇ ngaˬ lehˇ aˬ yawꞈ ya siˬ-eu nehˬ-ehˇ, tiˬ poˆ tehꞈ-ehˇ shiˇ tsehˆ tehꞈ-a. Kʼoeˇ loꞈ-ehˇ pyeuꞈ laˇ naˇ, ngaˬ ha mehˇ nmˇ-aˬ, uˬ duˬ pyuˇ laˇ taˬ-euˬ yawˬ ha aˬ da-ahˇ shiˇ-eu miˇ kʼahˬ-ahˇ dehˬ uˇ nehˬ gaˇ duˇ tehꞈ-a.

Yawˇbaˆ 15:10

Nawˬ da maˬ dehꞈ le mi naˆ-ehˇ jawˇ luꞈ-eu, uˬ duˬ pyuˇ laˇ-euˬ tsawˇ haˬ deuˬ jawˇ gaˇ nga maꞈ tsawˇ gahˇ dzaw nya taˬ-euˬ ma.

Yawˇbaˆ 17:13

Ngaˇ noeˬ tmˬ duˬ tiˬ tsahˇ jaˆ-eu tehꞈ ma. Kʼoeˇ-aˬ, zahˇ tsui ni gʼeh gaˇ ngaˇ ya coˬ yuꞈ-eu, shiˇ-eu miˇ kʼahˬ kʼoeˇ tsahˇ meh.

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Jaceuq 71:18

Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Dawqdaq 16:31

Yaw tsaˬ yaw dawˇ tsawˇ haˬ ziˇ baw-awˇ, uˬ duˬ dehꞈ pyuˇ-eu jeˬ yaw shehꞈ kʼahˬ sehˇ tiˬ jeˬ meh.

Dawqdaq 20:29

Zaˬ guˬ kʼahˬ sehˇ aˬ lmˬ, tsawˇ kʼaˆ kʼahˬ sehˇ uˬ pyuˇ.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Iˇsaˬyaˇ 46:4

Ngaˇ naw maꞈ-euˬ Miˬyehˇ pyeuꞈ-awˇ, naw maꞈ mawˬ le-awˇ uˬ duˬ pyuˇ le ngeh keuˆ ni, naw maꞈ-ahˇ ngaˇ bo saˆ haw piˇ nehˬ ma. Naw maꞈ-ahˇ beh-euˬ gʼaˬ ngaˇ ma. Naw maꞈ-ahˇ ngaˇ haw piˇ nehˬ ma. Naw maꞈ-ahˇ ngaˇ ngehˬ gʼeh-awˇ ka kʼoꞈ ma.

Yeˬlaˬmiˇ 1:11

“Yeˬlaˬmiˇ-oˇ, nawˬ-ahˇ aˬ jeˬ mawˇ laˇ-eu nya” lehˇ Sahˬpaˬ Miˬyehˇ ngaˬ-ahˇ naˇ haˬ laˇ ngeh, “Aˬlaˬmoˬ aˇ bawˇ uˬ laꞈ tiˬ laꞈ mawˇ-euˬ ma” lehˇ ngaˇ ehˇ kʼoꞈ nehˬ-euˬ ma.

Yeˬlaˬmiˇ 9:16

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”

Uˬ duˬ 19:32

“Tsawˇ mawˬ tsawˇ kʼaˆ deuˬ-ahˇ yaw zeu baw-awˇ, taˬ huiˬ taˬ mahˇ-awˬ.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.