Dawˬ tsoˆ 12:2 - Akha

² Nahˇ ma, ba la hawˇ-eu aˬ guiˇ yaw shehꞈ deuˬ nawˬ-euˬ gʼaˇ duˬ maˬ bya-ehˇ pyeuꞈ-iˇ-awˇ, uˬ yehˇ bi yehˇ le-eu mˬ dmˇ iˇ dzeuˇ-euˬ maˬ baw-eu aˇ yamˬ kʼoeˇ yamˬ maˬ keuˆ le mi naˆ-ehˇ noeˬ keuˆ-awˬ.

Dawˬ tsoˆ 12:2 ပူးပေါင်းရင်းမြစ်များ

Aˇ dahˬ 27:1

Iˇtsaˆ mawˬ dui dui laˇ-awˇ myaˆ nuiˆ maˬ mawˇ nya-ehˇ pyeuꞈ laˇ ngeh, aˬ yawꞈ-euˬ aˬ li aˬ yuiꞈ gʼaˬ pyeuꞈ-eu Iˇsawˇ-ahˇ bi kuˇ laˬ-iˇ-awˇ, “Aˬ li-oˇ” lehˇ aˬ yawꞈ kuˇ ngeh, “Ngaˇ heu gaˇ jawˇ ma da-oˇ” lehˇ, Iˇsawˇ oˬ toˬ nehˬ-euˬ meh.

Aˇ dahˬ 48:10

Yaˬkoˆ tsawˇ mawˬ mawˬ dui dui laˇ-euˬ miˇ neh, myaˆ nuiˆ yaw muiˬ paˬ-ehˇ maˬ mawˇ nya-a. Yoˇsehˆ-euˬ aˬ li kʼoeˇ nyiˬ li-ahˇ aˬ yawꞈ jawˇ gaˇ sheuˬ laꞈ ngeh, aˬ yawꞈ ciˬ-awˇ mehˬ cuˇ cuˇ nehˬ-euˬ meh.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Jaceuq 77:16

Miˬyehˇ-oˇ, iˇ cuꞈ-ahˇ keuˆ ni nawˬ-ahˇ mawˇ ngeh guˆ-eu siˬ nya-awˇ, naꞈ dui dui-eu iˬ ma laˆ shaˆ yaw dzuˬ dzuˬ-eu meh.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Yawˇlaˆ 3:15

Nahˇ ma ba la zahˇ tsui iˇ-awˇ, aˬ guiˇ yaw shehꞈ maˬ paˇ bya meh.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

1 Saˬmeuˬlaˆ 3:2

Tiˬ miˇ keuˆ laˇ ngeh, myaˆ nuiˆ yaw kʼaˆ-ehˇ maˬ mawˇ shawˇ nya-ehˇ pyeuꞈ-iˇ-euˬ Eˇliˆ-aˬ, aˬ yawꞈ jawˇ-eu kuˆ lawˆ-ahˇ yuꞈ luꞈ-eu meh.

1 Saˬmeuˬlaˆ 4:15

Eˇliˆ-aˬ, gʼoeˬ tseˇ yehꞈ kʼoꞈ kʼawˆ laˇ-awˇ, myaˆ nuiˆ maˬ mawˇ nya-ehˇ pyeuꞈ laˇ taˬ-euˬ meh.

1 Saˬmeuˬlaˆ 4:18

Tsawˇ haˬ kʼoeˇ gʼaˬ Dawˬ ma saˇ jaˇ Bahˬ keuˆ gaˇ kawˆ dzawˇ ngeh, gʼoˆ kʼehˬ dawˬ peh jaˆ-eu nuiˇ duˬ-ahˇ nuiˇ luꞈ-eu Eˇliˆ sehˇ pyaˆ-ehˇ coˬ-iˇ-euˬ meh. Aˬ yawꞈ mawˬ dui dui laˇ-awˇ, tsuˇ dui dui-eu miˇ neh, kawˬ lahˇ coˬ kʼehꞈ-awˇ shiˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu oeˬ tseˇ kʼoꞈ geuꞈ-euˬ meh.