Dawˬ tsoˆ 12:1 - Akha

¹ Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Dawˬ tsoˆ 12:1 ပူးပေါင်းရင်းမြစ်များ

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Aˇ dahˬ 39:23

Paꞈ kuˆ aˬ yuiꞈ geuꞈ-eu kʼoeˇ gʼaˬ Yoˇsehˆ-ahˇ gaˇ dawˬ tawˆ luꞈ a nehˬ jiˇ-awˇ, kʼahˬ lahˇ kʼaˇ maˬ za ni jawˇ-euˬ meh. Aˬ jeˬ miˇ neh ehˇ naˇ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ-euˬ jeˬ dawˬ tawˆ luꞈ bi huiˬ bi mahˇ laˇ luꞈ-eu meh.

2 Saˬmeuˬlaˆ 19:35

Ngaˬ-euˬ aˇ kʼoꞈ yehꞈ tseˇ byah laˇ gʼaˬ-awˇ, tiˬ jeˬ-ahˇ-iˬ byawˬ gʼa mawꞈ-eu nui ma maˬ paˇ ahˇ miˇ-a. Dzaˬ-eu dawˇ-eu jeˬ kʼawꞈ, dzaˇ kuiˇ dzaˇ myehˇ maˬ paˇ siˬ laˇ miˇ-a. Aˬ cawˬ caˇ dawˬ caˇ-eu teˇ saˇ kʼawꞈ, maˬ paˇ gaˬ duˬ laˇ miˇ-a. Kʼoeˇ miˇ neh, nawˬ nehˬ-ehˇ le-eu ehˇ-eu-aˬ, maˇ maˇ ni nawˬ-ahˇ laˆ bahˬ leˇ gaˇ duˇ-eu tehꞈ miˇ-a.

2 Saˬmeuˬlaˆ 19:36

Teu naˆ naˆ-ehˇ gʼeh-eu laꞈ sawˬ-ahˇ ngaˇ za-eu maˬ geuˇ nya. Yawˇdaˬ lawˇ baˬ ui cuiˆ le dzeuˇ gʼeh gaˇ keuˆ ni tehꞈ-ehˇ, nawˬ-euˬ mehˬ nah ngaˇ caw teh laˇ ma.

1 Sahˬpaˬ 14:13

Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ-ahˇ baꞈ pahˬ tehꞈ-a. Yeˬyawˇbamˬ-euˬ nymˇ jiˇ laꞈ kʼoeˇ, aˬ yawꞈ tiˬ gʼaˬ-ahˇ tehꞈ-ehˇ yaw muiˬ paˬ-ehˇ ya baꞈ pahˬ nehˬ tehꞈ-a. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ-eu aˬ yawꞈ tiˬ gʼaˬ jawˇ-eu tehꞈ meh.

1 Sahˬpaˬ 18:12

Ngaˇ iˇ-eu nehˬ-ehˇ, Sahˬpaˬ Miˬyehˇ-euˬ yaw sahˇ nawˬ-ahˇ tiˬ gaˇ paw sheuˬ byoˆ gʼeh naˇ aˬ joˆ-ehˇ jahˇ nmˇ. Nawˇ heu gaˇ jawˇ meh lehˇ Aˬhaˆ-ahˇ ngaˇ ehˇ nehˬ-awˇ, nawˬ-ahˇ aˬ yawꞈ maˬ poˆ mawˇ nya naˇ, aˬ yawꞈ ngaˬ-ahˇ sehꞈ tehꞈ-a. Ngaˇ-aˬ, yaw nyiˇ gʼeh ngeh neh Sahˬpaˬ Miˬyehˇ-ahˇ yaw zeu baw dui dui-eu laꞈ kʼoeˇ, uˬ duˬ tahˬ-euˬ tsawˇ haˬ tiˬ gʼaˬ pyeuꞈ gaˇ noeˬ keuˆ nehˬ laꞈ-awˬ.

Neˬhaˬmiˇ 4:14

Ngaˬ-euˬ tsawˇ haˬ deuˬ noeˬ shaˬ luꞈ gaˇ ngaˇ ya mawˇ-awˇ, aˬ yawꞈ maꞈ-ahˇ maˬ ehˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ maˬ ehˇ, ngaˇ heu loꞈ-ehˇ ehˇ nehˬ-euˬ ma. “Aˬ dui-ahˇ muiˇ-eu deuˬ-ahˇ taˬ guˆ. Sahˬpaˬ miˬyehˇ-aˬ, huiˬ dui mahˇ dui dui-awˇ guˆ laˇ paˬ-ehˇ gʼeh-eu gʼaˬ pyeuꞈ gaˇ noeˬ keuˆ-awˇ, yawˬ ha-euˬ cawˬ miˇ kʼahˬ zaˬ deuˬ, yawˬ ha-euˬ miˬ sawˇ zaˬ deuˬ hawˇ-eu, yawˬ ha-euˬ nymˇ jiˇ gʼaˇ duˬ guiˇ deuˆ-awˬ.”

Yawˇbaˆ 30:2

Aˬ yawꞈ maꞈ gʼaˬ tiˬ pawꞈ-iˬ ma tsoꞈ-ehˇ, ngaˬ-euˬ gaˇ tiˬ jeˬ-iˬ maˬ mˇ pyeuꞈ nya-a.

Jaceuq 119:55

Sahˬpaˬ Miˬyehˇ-oˇ, uˬ ciꞈ paw nawˬ-ahˇ ngaˇ noeˬ mawˇ-awˇ, nawˬ-euˬ zahˇ dawˬ kʼoꞈ dawˬ gaˇ kawˆ shaˇ noeˬ-eu ma.

Jaceuq 34:11

Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

Jaceuq 63:6

Ngaˇ yuꞈ zaˇ-ahˇ yuꞈ luꞈ ngeh, nawˬ-ahˇ noeˬ mawˇ-eu ma. Uˬ ciꞈ miˇ lah-ehˇ nawˬ-euˬ gaˇ kawˆ ngaˇ shaˇ noeˬ-euˬ ma.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Dawqdaq 22:6

Zaˬ-ahˇ dehꞈ jeˬ dehꞈ kawˆ mehˬ nehˬ-awˬ. Aˬ yawꞈ-euˬ ziˇ jiˇ ngeh keuˆ ni maˬ ngehˇ leˇ-aˇ.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Dawˬ tsoˆ 11:10

Noeˬ shaˬ-eu jeˬ hawˇ-eu kʼahˬ lahˇ-eu jeˬ taˬ bi ahˇ. Nawˇ gʼawˬ myahˇ ni zaˬ guˬ ya guˬ-eu maˬ ngeuˇ-a.

Dawˬ tsoˆ 11:2

Nawˬ-euˬ pyuˇ gʼawˬ mya gaˇ pyehˬ kʼawˬ taˬ-awˬ. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ guiˬ lahˬ doeˇ-eu jeˬ maˬ keuˆ le-aˇ lehˇ nawˇ maˬ ehˇ tsehˆ nya-a.

Dawˬ tsoˆ 11:8

Aˬ yawꞈ kʼoꞈ yawꞈ nawˇ ya dehꞈ-eu guiˬ lahˬ-ahˇ taˬ ngehˇ. Nawˇ aˇ myah ni yaw dehꞈ ya dehꞈ-eu kʼawꞈ, yaw shiˇ aˇ yamˬ kʼoeˇ myah maˬ tseˇ myahˇ dzehˬ-eu meh. Mehˬ hu paw noeˬ tmˬ duˬ tiˬ jeˬ-iˬ maˬ jaˆ-a.

Iˇsaˬyaˇ 26:8

Nawˬ-euˬ nui kʼahˇ nga maꞈ poˆ-awˇ, nawˬ-ahˇ nga maꞈ noeˬ tmˬ-eu ma. Nga maꞈ nui kʼahˇ shiˇ duˬ nawˇ meh.

Ngoeˇ dawˬ 3:27

Nyiˇ ngeh oˇ dzaw daˬ dzaw-euˬ-aˬ, tsawˇ haˬ zaˬ gʼaˇ duˬ muiˬ-eu meh.

Daˬyeˬlaˇ 1:17

Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Hawˇseˬ 7:9

Aˬ cawˬ-ahˇ gʼoe-eu baˬ da neh, yawˬ ha-euˬ gʼaˬ-ahˇ teuꞈ laˇ-eu, aˬ yawꞈ maꞈ-ahˇ maˬ siˬ leˇ-a. Aˬ yawꞈ maꞈ-euˬ aˇ nah aˇ yamˬ, gʼawˬ myahˇ maˬ jaˆ ehˇ pyeuꞈ laˇ-euˬ, aˬ yawꞈ maꞈ maˬ noeˬ mawˇ nya-a.

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Luˇkaꞈ 18:16

Ehˇ kʼawꞈ, Yeˬsuˇ zaˬ kʼoeˇ deuˬ-ahˇ kuˇ-awˇ ehˇ-eu, “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

1 Saˬmeuˬlaˆ 1:28

Kʼoeˇ miˇ neh, Sahˬpaˬ Miˬyehˇ-ahˇ aˬ li heu li a nehˬ-eu ma. Aˬ yawꞈ kʼaˇ dehꞈ-eu tiˬ ziˇ Sahˬpaˬ Miˬyehˇ-ahˇ biꞈ tsehˆ nehˬ yaꞈ-eu ma.” Kʼoeˇ naˇ, aˬ yawꞈ maꞈ kʼoeˇ gaˇ Sahˬpaˬ Miˬyehˇ-ahˇ uˬ duˬ tahˬ-euˬ meh.

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 2:26

Aˬ li Saˬmeuˬlaˆ-aˬ, tiˬ nah saˇ-iˬ tiˬ nah huiˬ laˇ luꞈ-awˇ, Sahˬpaˬ Miˬyehˇ maˬ ehˇ, tsawˇ haˬ zaˬ maˬ ehˇ, aˬ yawꞈ-ahˇ nui kʼahˇ shiˇ-eu meh.