Dawˬ tsoˆ 10:20 - Akha

²⁰ Ciˬ cuˇ ni sahˬ paˬ-ahˇ yaw doeˇ taˬ ehˇ kʼoeˬ. Yuꞈ zaˇ kuˆ lawˆ-ahˇ uˇ-awˇ smˇ muiˬ aˬ da-ahˇ taˬ ja doeˇ. Mˬ taˆ zaw-eu aˇ jiˇ neh bi tsaꞈ gaˬ-iˇ nmˬ-mˇ.

Dawˬ tsoˆ 10:20 ပူးပေါင်းရင်းမြစ်များ

2 Sahˬpaˬ 6:12

Aˬ yawꞈ maꞈ laꞈ kʼoeˇ tiˬ gʼaˬ ehˇ-eu, “Sahˬ paˬ-oˇ, nga maꞈ tiˬ gʼaˬ-iˬ Iˇsaˬleˬlaˆ sahˬ paˬ jawˇ paw pyawˬ-eu maˬ ngeuˇ, Miˬyehˇ gʼaˇ duˬ ngehˬ dah-eu Eˇliˇshehˇ kʼoeˇ gʼaˬ-aˬ, nawˬ-euˬ naˬ suˬ laꞈ kʼoeˇ nawˬ neh ngehˬ-euˬ dawˬ-ahˇ keuˆ ni, Iˇsaˬleˬlaˆ sahˬ paˬ-ahˇ ehˇ nehˬ luꞈ-eu meh.”

Iˇsaˬtaˆ 2:22

Gaˇ kawˆ kʼoeˇ Mawˬdaˬkehˇ ya siˬ-awˇ, sahˬ paˬ miˬ zaˬ Iˇsaˬtaˆ-ahˇ ehˇ nehˬ-awˇ, Iˇsaˬtaˆ gʼaˬ Mawˬdaˬkehˇ neh ya siˬ ya mawˇ-euˬ gaˇ kawˆ kʼoeˇ sahˬ paˬ-ahˇ tiˬ poˆ paˇ dzawˇ nehˬ-euˬ meh.

Doˆ-iˇ 22:27

Aˬ jeˬ miˇ neh ehˇ naˇ, aˬ yawꞈ yaw gaˆ gaˆ ngeh dm-eu gʼaˇ duˬ, aˇ bui kʼoeˇ tiˬ kahˇ jaˆ-eu tehꞈ meh. Maˬ ngeuˇ naˇ, aˬ yawˬ aˬ joˆ-ehˇ yuꞈ nmˇ. Caw ba nehˬ laꞈ-awˬ lehˇ aˬ yawꞈ ngoeˇ-awˇ ngaˬ-ahˇ shaˇ ngeh, ngaˇ naˇ haˬ ma. Aˬ jeˬ miˇ neh ehˇ naˇ, ngaˇ-aˬ, gʼawˬ shaˬ gaˬ nya-eu nui ma ahˇ-eu ma.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Doˆ-iˇ 8:3

Niˬlaˇ lawˇ baˬ laꞈ kʼoeˇ kʼaˬ paˬ myaˬ dui dui laˇ-eu miˇ neh, kʼaˬ paˬ kʼoeˇ deuˬ nawˬ-euˬ nymˇ-ahˇ keuˆ niˆ laˇ keuˆ-awˇ, nawˇ yuꞈ-eu kuˆ lawˆ laꞈ kʼoeˇ maˬ ehˇ, nawˬ-euˬ yuꞈ zaˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˇ kʼahˬ zaˬ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˬ dzaˬ tsawˬ bu-ahˇ maˬ ehˇ, nawˬ-euˬ guiˬ ba oeˬ lahˬ deuˬ hawˇ-eu kʼmˬ maˬ oeˬ tsaꞈ deuˬ laꞈ kʼoeˇ maˬ ehˇ, jawˇ byah jiˇ tehꞈ-a.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

Luˇkaꞈ 10:40

Ehˇ kʼawꞈ, Maˬta-aˬ, dzaˬ dzaˬ dawˇ dawˇ laˆ saˆ-eu tehˬ gʼa luꞈ-eu baˬ da neh, nui ma maˬ saˇ-ehˇ, Yeˬsuˇ jawˇ gaˇ iˇ-awˇ ehˇ-eu, “Sahˬpaˬ-oˇ, ngaˬ-euˬ aˬ nyiˇ teu gʼaˬ ngaˬ-ahˇ tehꞈ-ehˇ byehˇ dzeh-awˇ dzaˬ dzaˬ dawˇ dawˇ bi laˆ saˆ laꞈ-euˬ gaˇ nawˇ tiˬ jeˬ-iˬ maˬ ehˇ te loˇ. Ngaˬ-ahˇ caw mˇ nehˬ le-awˬ lehˇ tiˬ poˆ ehˇ nehˬ-iˬ sheˇ.”

Luˇkaꞈ 19:40

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”

Gʼaˬkʼehˇ 23:5

Pawˇluˆ ehˇ-eu, “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ yawꞈ Piˇ ma Yaw huiˬ gʼaˬ pyeuꞈ-eu ngaˇ maˬ siˬ nya-aˬ. ‘Nawˬ-euˬ tsawˇ jeuˬ-ahˇ uˆ lahˇ-eu gʼaˬ-ahˇ dawˬ yaw doeˇ taˬ ngehˬ’ lehˇ, Jaˇliꞈ laꞈ kʼoeˇ boꞈ taˬ-euˬ jaˆ-eu meh.”