Dawˬ tsoˆ 10:2 - Akha

² Zaˬ siˬ tsawˇ gahˇ ahˇ-eu nui ma yaw tsaˬ yaw dawˇ jeˬ-ahˇ pyawˬ-awˇ, aˬ dzawˬ aˇ gah nui ma yaw lehˬ jeˬ toˆ-eu meh.

Dawˬ tsoˆ 10:2 ပူးပေါင်းရင်းမြစ်များ

Dawqdaq 14:8

Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawˬ tsoˆ 10:10

Deuˆ haˬ maˬ siˬ taˆ taˬ-euˬ tsawˇ haˬ kuˬ pyuˇ ya doˆ dzehˬ-awˇ, yaw beh neh noeˬ gahˇ-awˇ lehˬ hmˬ taˬ-euˬ tsawˇ haˬ yaw saˇ oꞈ tehꞈ-a.

Dawˬ tsoˆ 10:14

Aˬ dzawˬ aˇ gah dawˬ saˬ dawˬ li maˬ baw-a. Mehˬ hu paw pyeuꞈ laˇ-eu gaˇ kawˆ tsawˇ haˬ tiˬ gʼaˬ-iˬ maˬ siˬ nya-a. Aˬ dui shiˇ dzeuˇ naˇ kʼah pyeuꞈ laˇ-eu gaˇ kawˆ, ehˇ nehˬ laꞈ nya-eu gʼaˬ maˬ jawˇ-a.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Maꞈtehˬ 25:33

Yaw tsaˬ yaw dawˇ tsawˇ haˬ deuˬ-ahˇ aˬ yawꞈ-euˬ aˇ maˇ paw bi jawˇ-awˇ, maˬ tsaˬ maˬ dawˇ-eu tsawˇ haˬ deuˬ-ahˇ aˬ yawꞈ-euˬ aˇ caˇ paw bi jawˇ tehꞈ-a.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Gawˇlawˇsehˇ 3:1

Naw maꞈ-ahˇ Ka li nehˬ-ehˇ bi gʼoꞈ dehꞈ laˇ-euˬ meh. Kʼoeˇ miˇ neh, mˬ kʼoeˇ taˆ Miˬyehˇ neh naw maꞈ gʼaˇ duˬ lehˬ hmˬ taˬ-euˬ jeˬ-ahˇ nui kʼahˇ jaˆ-awˬ. Kʼoeˇ gaˇ, Miˬyehˇ-euˬ aˇ maˇ paw jaˆ-eu dzoeˬ dzaˬ nuiˇ mahˬ kʼoeˇ taˆ Ka li nuiˇ luꞈ-eu meh.