Dawˬ tsoˆ 10:16 - Akha

¹⁶ Dzoeˬ dzaˬ-eu sahˬ paˬ aˇ kʼoꞈ nahˬ-awˇ, uˆ lahˇ-eu aˬ yuiꞈ aˬ tsu deuˬ uˬ ciꞈ miˇ lah-ehˇ dzaˬ byawˬ dawˇ byawˬ-eu miˇ kʼahˬ-aˬ, shaˬ zahˬ naꞈ-eu miˇ kʼahˬ meh.

Dawˬ tsoˆ 10:16 ပူးပေါင်းရင်းမြစ်များ

1 Sahˬpaˬ 12:11

Kah dui dui-eu kʼaˆ behˆ, ngaˬ da neh naw maꞈ-ahˇ ciˬ baꞈ ciˬ pi nehˬ-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ kʼoeˇ taˆ ciˬ pi nehˬ ma. Ngaˬ da-aˬ, naw maꞈ-ahˇ aˇ caˆ neh tehꞈ-ehˇ juiꞈ-euˬ meh. Ehˇ kʼawꞈ ngaˇ-aˬ, boeˬ kaˬ laˬ ma neh naw maꞈ-ahˇ nyehꞈ kawꞈ ma lehˇ ehˇ nehˬ-awˬ.”

2 Laˬsaˬbaˬ 13:7

Aˇ nah, gaˇ dahˇ maˬ tsoeˬ-eu haiˬ-eu tsawˇ haˬ deuˬ-ahˇ aˬ yawꞈ kuˇ uiˬ-awˇ, Sawˇlaˬmoˬ-euˬ aˬ li Leˬhawˇbamˬ-ahˇ yehˬ baw-ehˇ gʼeh-euˬ meh. Kʼoeˇ ngeh, Leˬhawˇbamˬ gʼaˬ aˇ kʼoꞈ nahˬ-awˇ maˬ mˇ maˬ shaˇ nya-euˬ miˇ neh, aˬ yawꞈ maꞈ-ahˇ maˬ ciˬ daˬ nya-aˬ.

2 Laˬsaˬbaˬ 36:11

Zeˬdaˬkiˇ-aˬ, nyiˬ tseˇ tiꞈ kʼoꞈ byah ngeh Yuˇdaˆ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ tiꞈ kʼoꞈ uˆ lahˇ-euˬ meh.

2 Laˬsaˬbaˬ 36:2

Yoˇaˬhaˆ-aˬ, nyiˬ tseˇ smˇ kʼoꞈ kʼawˆ ngeh Yuˇdaˆ miˇ kʼahˬ-euˬ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ ba la smˇ siˬ uˆ lahˇ-euˬ meh.

2 Laˬsaˬbaˬ 36:5

Yeˬhawˇyaˬkmˬ-aˬ, nyiˬ tseˇ ngaˬ kʼoꞈ kʼawˆ ngeh Yuˇdaˆ miˇ kʼahˬ-euˬ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ tiꞈ kʼoꞈ uˆ lahˇ-euˬ meh. Aˬ yawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 36:9

Yeˬhawˇyaˬciˬ-aˬ, tseˇ yehꞈ kʼoꞈ kʼawˆ ngeh Yuˇdaˆ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ ba la smˇ siˬ uˬ taꞈ tseˇ nah uˆ lahˇ-euˬ meh. Aˬ yawꞈ kʼawꞈ, Sahˬpaˬ Miˬyehˇ mehˬ shi iˬ baˇ mˇ-euˬ meh.

Dawqdaq 28:16

Nui ma-ahˇ maˬ noeˬ-eu sahˬ paˬ-aˬ, gʼawˬ shaˬ maˬ gaˬ ni kʼehˬ-eu kʼaˆ-euˬ meh. Maˬ sui maˬ dawˇ-eu jeˬ-ahˇ bye-eu sahˬ paˬ ziˇ baw-eu meh.

Dawˬ tsoˆ 10:15

Aˬ dzawˬ aˇ gah myawˬ yaˇ mˇ gaˇ kʼahˬ lahˇ-eu miˇ neh, pu-ahˇ gʼoꞈ leˇ-eu gaˇ ma maˬ siˬ nya-a.

Iˇsaˬyaˇ 3:12

Zaˬ guˬ deuˬ ngaˬ-euˬ tsawˇ haˬ deuˬ-ahˇ nawˬ tehˬ-awˇ, zaˬ miˬ zaˬ deuˬ aˬ yawꞈ maꞈ kʼoeˇ taˆ uˆ lahˇ-eu meh. Ngaˬ-euˬ tsawˇ haˬ deuˬ-oˇ, naw maꞈ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, naw maꞈ miˇ bahˬ bahˬ luꞈ meh.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.