Dawˬ tsoˆ 1:15 - Akha

¹⁵ Yaw gʼahˬ maˬ ngawˬ dawˇ geuꞈ nya-ehˇ. aˇ teˬ maˬ gui byah geuꞈ nya-a.

Dawˬ tsoˆ 1:15 ပူးပေါင်းရင်းမြစ်များ

Yawˇbaˆ 11:6

Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Dawˬ tsoˆ 3:14

Miˬyehˇ neh kʼaˇ mˇ kʼaˇ shaˇ-euˬ jeˬ mˬ maˬ maˬ byaˆ zaˇ ziˇ gmˬ meh lehˇ ngaˇ siˬ nya ma. Aˬ yawꞈ neh mˇ taˬ-euˬ jeˬ-ahˇ, tiˬ jeˬ-iˬ maˬ dawˆ lahˬ nya-eu uˬ taꞈ, tiˬ jeˬ-iˬ maˬ yuˇ teˬ nya-a. Tsawˇ haˬ zaˬ aˬ yawꞈ-ahˇ guˆ ni, Miˬyehˇ neh kʼoeˇ loꞈ-ehˇ jahˇ-euˬ meh.

Dawˬ tsoˆ 7:25

Ehˇ kʼawꞈ, zaˬ siˬ tsawˇ gahˇ poˆ-awˇ dzaw geuꞈ-eu gʼaˇ duˬ, ngaˇ noeˬ tsehˆ taˬ-euˬ ma. Ngaˬ-euˬ nui ma laꞈ kʼoeˇ maˬ noeˬ shaw-euˬ jeˬ shaw laˇ jiˇ-awˇ, aˬ dzawˬ dzawˬ-awˇ aˇ gah gah-eu jeˬ aˇ naˆ ni doeˇ-eu gaˇ kawˆ ciˇ tahˬ teh li nya ni, zaˬ siˬ tsawˇ gahˇ poˆ ma lehˇ ngaˇ noeˬ duˬ taˬ-euˬ ma.

Iˇsaˬyaˇ 40:4

Gʼaˬ lawˬ dawˬ tawˆ luꞈ duˬ dzm-awˇ, gawˬ jawˬ dawˬ tawˆ luꞈ duˬ byaˆ-awˬ. Gawˬ duˇ-ahˇ deh saˇ saˇ laˇ-awˇ, kuˬ kaˬ kuˬ hiˇ saˇ lehˆ ni pyeuꞈ laˇ tehꞈ-a.

Yeˬlaˬmiˇ 13:23

Yawˬ ha shaˬ jiˇ naˆ-eu pyuˇ laˇ ni jahˇ nya-awˇ, kʼaˬ zuiˬ aˇ boꞈ byoˆ-iˇ ni tsiˬ shawˇ geuꞈ nya law nmˇ-a. Yaw haiˬ jeˬ tehꞈ-ehˇ mˇ-eu naw maꞈ kʼawꞈ, yaw tsaˬ yaw dawˇ jeˬ mˇ-eu siˬ nya laˇ tehꞈ-a.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maꞈtehˬ 6:27

Kʼahˬ lahˇ-eu miˇ neh yawˬ ha-euˬ ziˇ tiˬ caˆ bi mahˇ dzehˬ laˇ nya-eu aˬ suˇ gʼaˬ jawˇ te.