Dawˬ caˇ 8:11 - Akha

¹¹ Baˬlaˇhaˬmoˬ lehˇ kuˇ-euˬ jawˇ duˬ-ahˇ, Sawˇlaˬmoˬ aˬ gaꞈ yaˇ kmˇ tiˬ kmˇ jaˆ meh. Yaˇ kmˇ mˇ dzaˬ-eu tsawˇ haˬ deuˬ tiˬ gʼaˬ maˇ byaˆ tiˬ heˇ biꞈ-awˇ, yaˇ kmˇ kʼoeˇ haw paˆ paˆ dzaˬ-eu meh.

Dawˬ caˇ 8:11 ပူးပေါင်းရင်းမြစ်များ

Aˇ dahˬ 20:16

Saˬlaˇ-ahˇ kʼawꞈ, “Nawˇ tiˬ jeˬ-iˬ maˬ dehꞈ bahˬ-euˬ gaˇ kawˆ, nawˬ nehˬ-ehˇ jawˇ-eu tsawˇ haˬ dawˬ tawˆ luꞈ ya siˬ ya mawˇ-eu gʼaˇ duˬ saˇ kiˇ pyeuꞈ ni, nawˬ-euˬ aˬ mahˇ aˬ da-ahˇ pyuˇ maˇ byaˆ tiˬ heˇ byaˆ ngaˇ biꞈ-eu ma. Nawˇ tiˬ jeˬ-iˬ maˬ bahˬ maˬ muˆ-eu gaˇ kawˆ tsawˇ haˬ dawˬ tawˆ luꞈ ya siˬ duˬ tehꞈ-a” lehˇ aˬ yawꞈ ehˇ nehˬ-euˬ meh.

Dawˬ tsoˆ 2:4

Huiˬ dui dui-eu gaˇ deuˬ ngaˇ mˇ-euˬ ma. Ngaˇ jawˇ-eu gʼaˇ duˬ nymˇ gʼawˬ mya nymˇ tsoˆ-awˇ, aˬ gaꞈ yaˇ kmˇ gʼawˬ mya kmˇ mˇ haw-euˬ ma.

Dawˬ caˇ 1:6

Shiˬ shaˬ yaw naˆ nga lehˇ ngaˬ-ahˇ taˬ haw teˬ, nahˇ tsaˇ lawꞈ-awˇ lawꞈ naˆ-euˬ ma. Ngaˬ-euˬ aˬ mahˇ aˬ da deuˬ ngaˬ-ahˇ nui ma pehˇ-awˇ, aˬ gaꞈ yaˇ kmˇ-ahˇ gaˇ bi mˇ laꞈ-euˬ baˬ da neh, gʼawˇ mawˇ laˆ muiˬ-eu maˬ dah nya.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Dawˬ caˇ 7:12

Aˇ nyaꞈ uˬ shawˬ yaw naꞈ-ehˇ tuˇ-awˇ, aˬ gaꞈ baw nmˬ nmˬ laˇ ngaˬ loˇ lehˇ haw-iˇ kaˇ-euˇ. Aˇ cuˬ cuˬ laˇ ngaˬ loˇ lehˇ haw-iˇ kaˇ-euˇ. Aˇ ka uˆ aˇ bawˇ aˇ yehˆ yehˆ laˇ ngaˬ loˇ lehˇ haw-iˇ kaˇ-euˇ. Kʼoeˇ gaˇ, ngaˬ-euˬ nui gaˬ nawˬ-ahˇ biꞈ ma.

Dawˬ caˇ 8:12

Sawˇlaˬmoˬ-ahˇ maˇ byaˆ tiˬ heˇ oꞈ-awˇ, yaˇ kmˇ haw paˆ paˆ-eu gʼaˬ-ahˇ nyiˬ yaˇ oꞈ kʼawꞈ, ngaˬ-euˬ aˬ gaꞈ yaˇ kmˇ ngaˬ-ahˇ taꞈ-eu tehꞈ ma.

Iˇsaˬyaˇ 7:23

“Aˇ nah aˇ yamˬ kʼoeˇ yamˬ keuˆ le ngeh, aˬ gaꞈ baw duˆ tiˬ heˇ duˆ duˆ-awˇ, pyuˇ maˇ byaˆ tiˬ heˇ byaˆ poeˬ-eu aˬ gaꞈ yaˇ kmˇ dawˬ tawˆ luꞈ, aˬ gah baw duˆ yaˇ saˬ pyeuꞈ jiˇ tehꞈ-a.

Maˬkuˆ 12:1

Kʼoeˇ naˇ, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. “Tsawˇ haˬ tiˬ gʼaˬ aˬ gaꞈ gaꞈ yaˇ tiˬ yaˇ ka-awˇ, yaˇ kmˇ mˇ jawˬ-awˇ, aˬ gaꞈ dzaˇ uiˇ nawˬ-eu duˬ kʼahˬ jahˇ-awˇ, yaˇ kmˇ-ahˇ loꞈ-eu nymˇ goˇ tiˬ nymˇ tsoˆ-euˬ meh. Kʼoeˇ naˇ, yaˇ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ iˇ-euˬ meh.