Dawˬ caˇ 7:4 - Akha

⁴ Nawˬ-euˬ kawˬ lahˇ-aˬ, ya ma juiˇ neh tsoˆ taˬ-euˬ, loꞈ-eu nymˇ goˇ-ahˇ duˇ-eu meh. Nawˬ-euˬ myaˆ nuiˆ-aˬ, Heˬshaˬboˬ meuˬ meuˬ ma lahˇ kʼehˬ dawˬ peh jaˆ-eu lah deuˬ-ahˇ duˇ-eu meh. Nawˬ-euˬ naˇ mehˇ-aˬ, Daˬmaˬsehˇ meuˬ-ahˇ loꞈ piˇ-eu nymˇ pyeuꞈ-eu, Leˬbaˬnoˬ nymˇ goˇ-ahˇ duˇ-eu meh.

Dawˬ caˇ 7:4 ပူးပေါင်းရင်းမြစ်များ

Aˇ dahˬ 15:2

Ehˇ kʼawꞈ, Sahˬpaˬ Miˬyehˇ-ahˇ Aˬbyaˬ ehˇ kʼoꞈ nehˬ-eu, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ zaˬ maˬ jawˇ. Ngaˬ-euˬ jeˬ biˇ-ahˇ za paˬ-ehˇ gʼeh-eu tsawˇ haˬ-aˬ, Daˬmaˬsehˇ meuˬ-ahˇ neh oe-euˬ Eˇliˇzaˬ tiˬ gʼaˬ jawˇ-eu tehꞈ ma.

2 Saˬmeuˬlaˆ 8:6

Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

1 Sahˬpaˬ 10:18

Sahˬ paˬ nuiˇ-eu dzoeˬ dzaˬ nuiˇ mahˬ mahˬ ma tiˬ mahˬ ya ma juiˇ neh aˬ yawꞈ jahˇ-awˇ, nuiˇ mahˬ kʼoeˇ mahˬ-ahˇ maˇ jawˆ ni gʼeh-eu shuiˇ yaw-euˬ meh.

1 Sahˬpaˬ 10:22

Hiˇlamˬ-euˬ saˇ baoˬ aˇ maꞈ nehˬ-ehˇ iˇ luꞈ laˇ luꞈ-eu, iˬ ma laˆ shaˆ-ahˇ cah-eu saˇ baoˬ aˇ maꞈ tiˬ maꞈ aˬ yawꞈ jaˆ-eu meh. Aˬ yawꞈ-euˬ saˇ baoˬ kʼoeˇ maꞈ-aˬ, smˇ kʼoꞈ tiˬ poˆ gʼoꞈ doˆ laˇ-awˇ, shuiˇ deuˬ, pyuˇ deuˬ, ya ma juiˇ deuˬ hawˇ-eu, aˇ myoꞈ deuˬ tawˬ kʼoꞈ laꞈ-eu meh.

1 Sahˬpaˬ 22:39

Aˬ yawꞈ jawˇ-eu nymˇ-ahˇ ya ma juiˇ taꞈ tsoꞈ taˬ-euˬ gaˇ kawˆ hawˇ-eu, aˬ yawꞈ neh tsoˆ-euˬ meuˬ deuˬ gaˇ kawˆ ahˇ leˇ-ehˇ, sahˬ paˬ Aˬhaˆ neh kʼaˇ mˇ kʼaˇ shaˇ yaꞈ-euˬ yawˬ jeˬ na luꞈ, Iˇsaˬleˬlaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

1 Sahˬpaˬ 7:2

Leˬbaˬnoˬ aˇ bawˇ sahˬ kʼaˆ lehˇ myahˇ-euˬ aˇ lawˆ lawˆ ma tiˬ lawˆ aˬ yawꞈ tsoˆ ahˇ-euˬ meh. Aˇ lawˆ kʼoeˇ lawˆ-aˬ, yaw mahˇ paw nyiˬ tseˇ ngaˬ lmˇ, yaw jeˇ paw tseˇ nyiꞈ lmˇ nui paˆ, yaw goˇ paw shiꞈ lmˇ nui paˆ byah-awˇ, shuˬ liˇ kʼawˇ zeuˇ oeˬ cehˆ ka tuˇ-awˇ, shuˬ liˇ pyaꞈ dmˬ tsahˬ-awˇ tsoˆ-euˬ meh.

1 Sahˬpaˬ 9:19

Aˬ yawꞈ-euˬ myawˬ gahˬ deuˬ bi jaˆ-euˬ meuˬ deuˬ, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ taˬ-euˬ meuˬ deuˬ, Yeˬluˇsaˬlehˬ meuˬ laꞈ kʼoeˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ neh kʼaˇ uˆ lahˇ-euˬ miˇ kʼahˬ yawˬ gaˇ na luꞈ maˬ ehˇ, aˬ yawꞈ neh kʼaˇ tsoˆ-euˬ jeˬ hawˇ-eu kʼaˇ mˇ kʼaˇ shaˇ-euˬ jeˬ laꞈ kʼoeˇ, tsawˇ haˬ paˆ-awˇ myawˬ kʼaˆ bi mˇ-euˬ meh.

2 Laˬsaˬbaˬ 8:6

Baˬlaˆ meuˬ, aˬ yawꞈ neh myawˬ gahˬ hawˇ-eu dzaˬ dzaˬ dawˇ dawˇ tawˬ taˬ-awˇ jeˬ hmˬ-euˬ meuˬ dawˬ tawˆ luꞈ hawˇ-eu, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ bi jawˇ-euˬ meuˬ deuˬ meh. Yeˬluˇsaˬlehˬ meuˬ-ahˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ kʼaˇ uˆ lahˇ keuˆ-eu miˇ kʼahˬ deuˬ doe ni maˬ ehˇ, aˬ yawꞈ neh kʼaˇ lehˬ hmˬ taˬ-euˬ loꞈ-ehˇ, meuˬ tsoˆ pu tsoˆ-eu gaˇ aˬ yawꞈ mˇ doˆ gʼeh-euˬ meh.

Jaceuq 144:12

Nga maꞈ-euˬ aˬ li zaˬ guˬ deuˬ, mehˇ laˇ luꞈ-eu sahˬ lahˬ aˇ bawˇ loꞈ-ehˇ bi pyeuꞈ laꞈ. Nga maꞈ-euˬ aˬ buˇ deuˬ-aˬ, sahˬ paˬ-euˬ nymˇ laꞈ coeˇ-ahˇ toˆ tehˬ taˬ-euˬ, kʼawˇ zeuˇ loꞈ-ehˇ bi pyeuꞈ laꞈ.

Jaceuq 45:8

Muˇ laˬ hawˇ-eu aˇ jawˬ tsiˇ yaw saw jeˬ, nawˬ-euˬ mehˬ tsoeˬ kʼoeˇ taˆ saw luꞈ-eu meh. Ya ma juiˇ neh laˆ muiˬ taˬ-euˬ sahˬ paˬ-euˬ hawˇ nymˇ laꞈ kʼoeˇ, dawˬ caˇ caˇ-eu deuˬ nawˬ-euˬ mehˬ shi caˇ mehˬ tehꞈ-a.

Dawˬ caˇ 1:10

Nawˬ-euˬ baˬ ba kʼoeˇ taˆ jaˆ-eu uˬ duˬ tsehˇ kahˇ muiˬ dui dui-awˇ, shuiˇ caˆ sehˇ caˆ loꞈ-ehˇ kawˬ lahˇ kʼoeˇ taˆ ga gʼeu-eu meh.

Dawˬ caˇ 4:1

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Uˬ boeˬ tsahˇ kaˬ taˬ-euˬ naˇ kʼah jaˆ-eu, nawˬ-euˬ myaˆ nuiˆ gaˬ-eu yaw shehꞈ aˇ naˆ ni bya-eu nga. Nawˬ-euˬ uˬ duˬ tsehˇ kahˇ-aˬ, Giˇlaˆ gawˬ jawˬ baˬ gʼa-ahˇ cehˆ ka leꞈ-eu, ciꞈ myehꞈ baˬ maꞈ-ahˇ duˇ-eu meh.

Dawˬ caˇ 4:4

Nawˬ-euˬ kawˬ lahˇ Daˬbiˇ neh tsoˆ-euˬ loꞈ-eu nymˇ goˇ-ahˇ duˇ-awˇ, lah joˆ ni gʼeh-awˇ juˇ gaꞈ ni jaˆ-eu meh.

Dawˬ caˇ 4:5

Nawˬ-euˬ kʼahˬ nyiˬ pyawˬ-aˬ, boeˬ nmˬ tseuˆ dzaˬ luꞈ-eu kʼaˬ tsehˆ zaˬ nyiˬ mawˇ-ahˇ duˇ-eu meh.

Dawˬ caˇ 6:5

Nawˬ-euˬ myaˆ nuiˆ ngaˬ-ahˇ taˬ haw cawˬ nehˬ laꞈ. Ngaˬ-ahˇ paꞈ tawꞈ taˬ gaˇ duˇ nya. Nawˬ-euˬ uˬ duˬ tsehˇ kahˇ-aˬ, Giˇlaˆ gawˬ jawˬ-ahˇ tsawˬ ka leꞈ luꞈ-eu, ciꞈ myehꞈ ciꞈ maꞈ-ahˇ duˇ-eu meh.

Iˇsaˬyaˇ 54:4

Maˬ guˆ ni jawˇ-awˬ. Nawˇ ya shaꞈ dawˇ-eu jeˬ maˬ paˇ jaˆ meh. Maˬ noeˬ shaˬ ni dehꞈ-awˬ. Nawˇ daˬ maˬ paˇ ga meh. Miˬ daꞈ daꞈ ngeh nawˇ ya shaꞈ dawˇ-euˬ jeˬ hawˇ-eu, miˬ coeˬ miˬ ma pyeuꞈ ngeh daˬ ga-euˬ jeˬ dawˬ tawˆ, ya ngehˇ byoˆ jiˇ tehꞈ-a.

HeˬByehˇ 5:14

Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.