Dawˬ caˇ 6:9 - Akha

⁹ Ehˇ kʼawꞈ, ngaˇ gaˬ-eu tiˬ gʼaˬ jawˇ-eu tehꞈ ma. Aˬ yawꞈ-aˬ, kʼaˬ kʼoeˬ loꞈ-ehˇ aˇ gʼehˇ muiˬ dui dui-eu meh. Aˬ yawꞈ aˬ ma o neh aˬ yawꞈ tiˬ gʼaˬ tehꞈ-ehˇ jawˇ-awˇ, aˬ ma gaˬ dui dui-eu aˬ buˇ meh. Zaˬ miˬ zaˬ kʼaˇ ngeuˇ-eu aˬ yawꞈ-ahˇ maˬ ja ceuˬ-ehˇ maˬ jawˇ coeˇ-a. Sahˬ paˬ-euˬ miˬ zaˬ deuˬ hawˇ-eu ma nyiˇ deuˬ, aˬ yawꞈ-ahˇ caˇ-awˇ ja ceuˬ-eu meh.

Dawˬ caˇ 6:9 ပူးပေါင်းရင်းမြစ်များ

Aˇ dahˬ 30:13

Kʼoeˇ ngeh, Leˇaˬ ehˇ-eu, “Ngaˇ laˬ kʼaˬ cehˇ dui dui nya. Aˬ kaˇ naˇ, zaˬ miˬ zaˬ deuˬ ngaˬ-ahˇ Laˬ kʼaˬ cehˇ-eu gʼaˬ” lehˇ kuˇ tehꞈ-a lehˇ ehˇ-awˇ, aˬ li kʼoeˇ li-ahˇ Aˬshaˬ lehˇ myahˇ nehˬ-euˬ meh.

1 Sahˬpaˬ 11:3

Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Jaceuq 45:9

Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Dawˬ caˇ 2:14

Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Dawˬ caˇ 5:2

Ngaˇ yuꞈ kʼaˆ luꞈ kʼawꞈ, ngaˬ-euˬ nui ma yaw noeˬ nya. Ngaˇ gaˬ-eu gʼaˬ laˇ gʼoˆ-ahˇ kʼoˆ luꞈ gaˇ yuꞈ maˆ maˆ mawˇ-euˬ ma. Ngaˇ gaˬ-eu gʼaˬ-oˇ, ngaˬ-ahˇ bi uˇ laˇ nehˬ laꞈ sheˇ. Ngaˇ gaˬ dui dui-eu ngaˬ-euˬ zaˬ kʼaˬ, muiˬ dui dui-eu gʼaˬ-oˇ, bi uˇ laˇ nehˬ laꞈ sheˇ. Ngaˬ-euˬ uˬ duˬ-ahˇ ceuˬ ga aˬ-awˇ, ngaˬ-euˬ uˬ duˬ tsehˇ kahˇ jaˇ yoe ni miˇ-a.

Bawˇtsahˬ 23:9

Lo guˇ uˬ gʼmˬ-ahˇ jawˇ-awˇ, aˬ yawꞈ maꞈ-ahˇ ngaˇ mawˇ-euˬ ma. Gawˬ duˇ uˬ du daˆ-awˇ, aˬ yawꞈ maꞈ-ahˇ ngaˇ haw-euˬ ma. Aˬ yawꞈ maꞈ aˬ cawˬ-ahˇ maˬ keuˬ leˇ ni, yawˬ haˇ yawˬ ha jawˇ-eu tsawˇ jeuˬ meh. Aˬ cawˬ tsawˇ jeuˬ naˆ maˬ tseˇ yawˬ ha guiˬ lahˬ za-euˬ, aˬ yawꞈ maꞈ siˬ nya luꞈ meh.

Gaˬlaˬtiˆ 4:26

Ehˇ kʼawꞈ, mˬ taˆ-euˬ Yeˬluˇsaˬlehˬ meuˬ-aˬ, buˬ-iˇ-euˬ meuˬ pyeuꞈ-eu meh. Meuˬ kʼoeˇ meuˬ-aˬ, aˬ dui-euˬ aˬ ma pyeuꞈ-eu meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.