Dawˬ caˇ 6:10 - Akha

¹⁰ Uˬ bya bya laˇ-eu loꞈ-ehˇ bya cehˆ ni gʼeh-eu teu gʼaˬ aˬ suˇ gʼaˬ-a. Aˬ yawꞈ ba la loꞈ-ehˇ muiˬ-awˇ, nahˇ ma loꞈ-ehˇ yaw shehꞈ bya-eu meh. Paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ haw muiˬ-eu meh.

Dawˬ caˇ 6:10 ပူးပေါင်းရင်းမြစ်များ

2 Saˬmeuˬlaˆ 23:4

kʼahˬ zaˬ deh zaˬ deuˬ-euˬ kʼoeˇ taˆ, uˬ shaw yaw shehꞈ bya gaˇ duˇ meh. Juˬ kʼoeˬ maˬ tmˬ-eu uˬ shawˬ paw, nahˇ ma gʼa doˆ laˇ gaˇ duˇ-awˇ, Yaˇ moꞈ dehꞈ doˆ laˇ ni oe-eu, uˬ yehˇ tiˬ bahˬ-ahˇ duˇ-eu meh.”

Yawˇbaˆ 11:17

Nawˬ-euˬ dehꞈ jeˬ dehꞈ kawˆ nah gʼahˇ paw jaˆ-eu nahˇ ma yaw shehꞈ naˆ maˬ tseˇ bya-awˇ shaˬ zahˬ keuˆ le kʼawꞈ mˬ bya shawˇ laˇ ngeh loꞈ-ehˇ pyeuꞈ tehꞈ-a.

Yawˇbaˆ 31:26

Yaw shehꞈ bya-eu nahˇ ma hawˇ-eu aˇ gʼehˇ muiˬ-eu ba la-ahˇ, ngaˇ tiˬ jawˇ-iˬ uˬ duˬ maˬ tahˬ haw-aˬ.

Jaceuq 14:5

Aˬyawꞈmaꞈtsawˬguˆ-iˇtehꞈ-a. Aˬjeˬmiˇneh nga lehˇehˇnaˇ, yawꞈdawˬgaˬ-eu tsawˇhaˬdeuˬ-ahˇ, SahˬpaˬMiˬyehˇmaˬbyehˇdzeh-a.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Dawˬ caˇ 1:15

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˬ-euˬ myaˆ nuiˆ laꞈ kʼoeˇ, gaˬ-eu yaw shehꞈ bya luꞈ meh.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 6:4

Ngaˬ-euˬ zaˬ kʼaˬ-oˇ, nawˇ-aˬ Yeˬluˇsaˬlehˬ meuˬ loꞈ-ehˇ aˇ gʼehˇ muiˬ-awˇ, Teuˇzaˬ meuˬ loꞈ-ehˇ mawꞈ leˇ paˬ-ehˇ gʼeh-eu uˬ taꞈ, paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ, maˬ haw dehˆ coeˇ ni gʼeh-eu meh.

Dawˬ caˇ 8:5

Aˬ yawꞈ-euˬ zaˬ kʼaˬ-ahˇ byaˇ tawꞈ-awˇ, bawˇ tsahˬ bawˇ dahˇ paw neh laˇ luꞈ-eu kʼoeˇ aˬ suˇ gʼaˬ nga. Nawˬ-euˬ caˆ tahˬ tehˬ tsehˆ duˬ siˬ yehˆ aˇ bawˇ uˬ moˆ, nawˬ-ahˇ ngaˇ laˆ noeˬ-euˬ ma.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Iˇsaˬyaˇ 63:1

“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Maꞈtehˬ 13:43

Kʼoeˇ ngeh, Miˬyehˇ-euˬ tsawˇ haˬ deuˬ-aˬ, aˬ yawꞈ maꞈ-euˬ Aˬda-euˬ Miˇkʼahˬ laꞈ kʼoeˇ, nahˇ ma loꞈ-ehˇ yaw shehꞈ bya tehꞈ-a. Naˬ bawˇ kʼaˇ tsoꞈ-eu deuˬ naˇ haˬ-awˬ.

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

Eˇpeˇsu 5:27

Iˇ cuꞈ neh tsiˬ shawˇ-euˬ kʼoeˇ-aˬ, maˇ byawꞈ maˇ naˇ maˬ baw-ehˇ, ehˇ kʼaˇ maˬ za-eu uˬ taꞈ, shawˇ jehˆ ni gʼeh-awˇ iˬ baˇ taˬ kʼaˇ maˬ za-eu aˇ gʼehˇ muiˬ dui dui-eu Ka li zaˬ aˇ muˇ-ahˇ, aˬ yawꞈ-euˬ bi pyeuꞈ laˇ-eu gʼaˇ duˬ mˇ-euˬ jeˬ pyeuꞈ-eu meh.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Panmaeq 10:1

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Panmaeq 12:1

Kʼoeˇ naˇ, huiˬ dui dui-eu zahˬ leˇ paˬ-ehˇ gʼeh-eu jeˬ mˬ kʼoeˇ taˆ ya mawˇ-euˬ ma. Zaˬ miˬ zaˬ tiˬ gʼaˬ nahˇ ma-ahˇ dm-awˇ, ba la-ahˇ nawˬ tehˬ taˬ-awˇ, aˬ guiˇ tseˇ nyiꞈ siˬ tsoꞈ-eu shuiˇ uˬ kʼoˆ kʼoˆ luꞈ-eu meh.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.