Dawˬ caˇ 5:9 - Akha

⁹ Zaˬ miˬ dawˬ tawˆ kʼoeˇ taˆ aˇ gʼehˇ muiˬ-eu gʼaˬ-oˇ, nawˬ-euˬ zaˬ kʼaˬ aˬ cawˬ-ahˇ aˬ joˆ-ehˇ beu gaˇ ta. Nga maꞈ nawˬ-ahˇ saˇ jaˇ dzaˬ paˬ-ehˇ, nawˬ-euˬ zaˬ kʼaˬ aˬ cawˬ taꞈ-ehˇ aˬ jeˬ dzehˬ ta.

Dawˬ caˇ 5:9 ပူးပေါင်းရင်းမြစ်များ

Jaceuq 45:13

Sahˬ paˬ-euˬ miˬ shuiꞈ gʼaˬ sahˬ paˬ-euˬ nymˇ-ahˇ jawˇ luꞈ meh. Aˬ yawꞈ aˇ naˆ ni muiˬ gaˇ haw sheˇ. Aˬ yawꞈ-euˬ pehˇ kʼahˬ pehˇ mahˇ shuiˇ neh zaꞈ taˬ-euˬ meh.

Jaceuq 87:3

Miˬyehˇ-euˬ meuˬ-oˇ, naˇ haˬ sheˇ. Miˬyehˇ nawˬ-ahˇ ciˬ huiˬ ciˬ mahˇ gaˇ naˇ haˬ sheˇ.

Dawˬ caˇ 1:8

Miˬ daꞈ dawˬ tawˆ kʼoeˇ taˆ muiˬ dzehˬ-eu gʼaˬ-oˇ, ngaˇ aˬ gaˇ jawˇ-eu maˬ siˬ nya te loˇ. Yawˇ yawˇ maꞈ-euˬ mehˬ nah caw teh-awˇ, yawˇ bo-eu deuˬ-euˬ sehˬ gʼawˆ dawˬ peh, nawˬ-euˬ ciꞈ myehꞈ bo le-awˬ.

Dawˬ caˇ 2:7

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Kʼaˬ tsehˆ ciˇ haˬ deuˬ-euˬ tsawˇ myahˇ kuˇ-awˇ, nga nyaꞈ gaˬ taꞈ-eu jeˬ-ahˇ maˬ laˆ gʼawˬ lehˇ saˇ jaˇ dzaˬ-awˬ.

Dawˬ caˇ 6:1

Zaˬ miˬ dawˬ tawˆ kʼoeˇ taˆ aˇ gʼehˇ muiˬ-eu gʼaˬ-oˇ, nawˬ-euˬ zaˬ kʼaˬ aˬ gaˇ iˇ taˬ. Aˬ geu paw iˇ taˬ lehˇ ehˇ nehˬ laꞈ-awˬ. Nga maꞈ nawˬ-ahˇ caw poˆ nehˬ nyaˇ.

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Maꞈtehˬ 21:10

Yeˬsuˇ Yeˬluˇsaˬlehˬ meuˬ-ahˇ uˇ leˇ ngeh, meuˬ meuˬ lah-ehˇ lawꞈ gʼa-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-a.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.