Dawˬ caˇ 5:2 - Akha

² Ngaˇ yuꞈ kʼaˆ luꞈ kʼawꞈ, ngaˬ-euˬ nui ma yaw noeˬ nya. Ngaˇ gaˬ-eu gʼaˬ laˇ gʼoˆ-ahˇ kʼoˆ luꞈ gaˇ yuꞈ maˆ maˆ mawˇ-euˬ ma. Ngaˇ gaˬ-eu gʼaˬ-oˇ, ngaˬ-ahˇ bi uˇ laˇ nehˬ laꞈ sheˇ. Ngaˇ gaˬ dui dui-eu ngaˬ-euˬ zaˬ kʼaˬ, muiˬ dui dui-eu gʼaˬ-oˇ, bi uˇ laˇ nehˬ laꞈ sheˇ. Ngaˬ-euˬ uˬ duˬ-ahˇ ceuˬ ga aˬ-awˇ, ngaˬ-euˬ uˬ duˬ tsehˇ kahˇ jaˇ yoe ni miˇ-a.

Dawˬ caˇ 5:2 ပူးပေါင်းရင်းမြစ်များ

Aˇ dahˬ 29:20

Yaˬkoˆ-aˬ, Laˬkeˬlaˇ-ahˇ ya sheuˬ-eu gʼaˇ duˬ, shiꞈ kʼoꞈ keuˆ ni Laˬbaˬ-euˬ gaˇ mˇ nehˬ-euˬ meh. Laˬkeˬlaˇ-ahˇ aˬ yawꞈ gaˬ dui dui-eu miˇ neh, aˇ yamˬ kʼoeˇ myah ni ga-iˇ-euˬ kʼawꞈ, tiˬ kʼehˇ laˇ kʼehˬ tehꞈ nya lehˇ aˬ yawꞈ noeˬ-euˬ meh.

Jaceuq 119:1

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Jaceuq 81:10

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ gʼaˬ ngaˇ ma. Naw maꞈ-euˬ kʼaˬ meh mˇ nga-awˬ. Naw maꞈ-ahˇ ngaˇ bi dzaˬ bi dawˇ ma.

Dawqdaq 23:26

Ngaˬ li-oˇ, nui ma laꞈ kʼoeˇ ngaˬ-ahˇ haw tsoˆ taˬ-awˇ, ngaˬ-euˬ dehꞈ jeˬ dehꞈ kawˆ-ahˇ dzaw geuꞈ-awˬ.

Dawˬ caˇ 1:16

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˇ-aˬ, aˬ diˇ gaˬ dui dui paˬ-ehˇ gʼeh-eu meh. Nyoeˇ jawꞈ ni gʼeh-awˇ di dehˬ ni dehꞈ-eu daˬ yawˬ-aˬ, aˇ nyaꞈ-euˬ yuꞈ zaˇ ma.

Dawˬ caˇ 2:10

Ngaˇ gaˬ-eu gʼaˬ ngaˬ-ahˇ dawˬ ngehˬ cawˬ laˇ-eu meh. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Dawˬ caˇ 2:14

Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Dawˬ caˇ 2:8

Ngaˇ gaˬ-eu gʼa-euˬ teˇ saˇ-ahˇ naˇ haˬ sheˇ. Gawˬ jawˬ cehˆ kʼaˇ gawˬ duˇ cehˆ lehˆ-awˇ, ngaˇ jawˇ gaˇ oe miˇ-a.

Dawˬ caˇ 3:1

Aˬ yawꞈ miˇ yawꞈ ngaˬ-euˬ yuꞈ zaˇ-ahˇ ngaˇ yuꞈ-awˇ, ngaˇ gaˬ-eu gʼaˬ-ahˇ tehꞈ-ehˇ noeˬ luꞈ ma. Aˬ yawꞈ-ahˇ ngaˇ poˆ kʼawꞈ, maˬ poˆ mawˇ nya nya.

Dawˬ caˇ 4:7

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Ehˇ kʼaˇ za-eu tiˬ tsahˇ-iˬ maˬ baw-a.

Dawˬ caˇ 4:9

Ngaˇ gaˬ-eu gʼaˬ-oˇ, nawˬ-euˬ myaˆ nuiˆ haw cawˬ laˇ ngeh, ngaˬ-euˬ myaˆ nuiˆ kʼeuꞈ doˆ geuꞈ gaˇ duˇ nya. Nawˬ-euˬ kawˬ lahˇ-ahˇ dah luꞈ-eu lawˇ dah-ahˇ haw ngeh, ngaˬ-euˬ nui ma-ahˇ deuˬ laˇ nya.

Dawˬ caˇ 5:11

Aˬ yawꞈ-euˬ myaˆ pyawˬ muiˬ dui dui-eu shuiˇ-ahˇ duˇ-eu meh. Aˬ yawꞈ-euˬ uˬ duˬ tsehˇ kahˇ yaw gʼahˬ yaw diˆ-ehˇ gʼeh-awˇ, awꞈ-aˬ loꞈ-ehˇ naˆ-eu meh.

Dawˬ caˇ 5:6

Ngaˇ gaˬ-eu gʼaˬ bi uˇ laˇ-eu lehˇ laˇ gʼoˆ dehˬ pah ngeh, aˬ yawꞈ maˬ jawˇ ni iˇ dzeuˇ-euˬ meh. Aˬ yawꞈ-euˬ teˇ saˇ-ahˇ gaˬ mawꞈ dui dui nya. Aˬ yawꞈ-ahˇ ngaˇ poˆ kʼawꞈ, maˬ poˆ mawˇ nya nya. Aˬ yawꞈ-ahˇ kuˇ kʼawꞈ oˬ maˬ toˬ-a.

Dawˬ caˇ 6:9

Ehˇ kʼawꞈ, ngaˇ gaˬ-eu tiˬ gʼaˬ jawˇ-eu tehꞈ ma. Aˬ yawꞈ-aˬ, kʼaˬ kʼoeˬ loꞈ-ehˇ aˇ gʼehˇ muiˬ dui dui-eu meh. Aˬ yawꞈ aˬ ma o neh aˬ yawꞈ tiˬ gʼaˬ tehꞈ-ehˇ jawˇ-awˇ, aˬ ma gaˬ dui dui-eu aˬ buˇ meh. Zaˬ miˬ zaˬ kʼaˇ ngeuˇ-eu aˬ yawꞈ-ahˇ maˬ ja ceuˬ-ehˇ maˬ jawˇ coeˇ-a. Sahˬ paˬ-euˬ miˬ zaˬ deuˬ hawˇ-eu ma nyiˇ deuˬ, aˬ yawꞈ-ahˇ caˇ-awˇ ja ceuˬ-eu meh.

Dawˬ caˇ 7:9

nawˬ-euˬ kʼaˬ meh aˬ gaꞈ dzaˇ uiˇ loꞈ-ehˇ coeˇ nya. Ngaˇ gaˬ-eu gʼaˬ jawˇ-eu nyiˬ paˆ-ehˇ aˬ gaꞈ dzaˇ uiˇ yoeˇ gʼeh luꞈ-uˇ. Aˬ yawꞈ-euˬ mehˬ luˬ hawˇ-eu seuˬ kʼoeˇ taˆ yoeˇ daˆ luꞈ-uˇ.

Dawˬ caˇ 8:7

Iˇ cuꞈ neh maˬ shehˬ miˆ nya-ehˇ, iˇ jeuˬ neh maˬ dahˬ pymˬ nya-a. Ehˇ kʼawꞈ, tsawˇ haˬ tiˬ gʼaˬ na, pyuˇ shuiˇ neh gaˬ-eu jeˬ zeuˇ geuꞈ mawꞈ naˇ, yehˬ bawˬ sehˇ lu-ehˇ jahˇ nehˬ gaˇ ya daˬ tehꞈ-a.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Iˇsaˬyaˇ 52:14

Tsawˇ haˬ gʼawˬ mya ni aˬ yawꞈ-ahˇ ya tsawˬ guˆ-iˇ tehꞈ-a. Aˬ yawꞈ-euˬ shiˬ shaˬ cawˆ dui dui-iˇ-awˇ, tsawˇ haˬ-ahˇ tiˬ pawꞈ-iˬ maˬ duˇ leˇ-a.

Daˬyeˬlaˇ 8:18

Aˬ yawꞈ kʼoeˇ loꞈ-ehˇ ehˇ luꞈ ngeh, ngaˇ miˇ tsa coˬ dzeh-awˇ maˬ noeˬ-ehˇ pyeuꞈ-iˇ-euˬ ma. Ehˇ kʼawꞈ, aˬ yawꞈ ngaˬ-ahˇ baꞈ tuˇ nehˬ laꞈ-euˬ meh.

Zaˬkaˬliˇ 4:1

Ngaˬ-ahˇ dawˬ ngehˬ cawˬ le-euˬ mˬ taˆ gʼaˬ kʼehˇ kʼoeˇ gʼaˬ tiˬ poˆ paˇ oe-awˇ, yuꞈ kʼaˆ luꞈ-eu tsawˇ haˬ-ahˇ laˆ noeˬ-eu loꞈ-ehˇ, ngaˬ-ahˇ laˆ noeˬ le-eu meh.

Maꞈtehˬ 7:8

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ poˆ mawˇ nya ni, Miˬyehˇ caw ba tehꞈ-a. Laˇ gʼoˆ-ahˇ kʼoˆ-eu tsawˇ haˬ yawˬ gʼaˬ na luꞈ-ahˇ kʼawꞈ, Miˬyehˇ pah nehˬ tehꞈ-a.

Maꞈtehˬ 8:17

Aˬ yawꞈ kʼoeˇ loꞈ-ehˇ mˇ-euˬ-aˬ,“Aˬ dui jawˇ saˇ maˬ doˆ-eu jeˬ-ahˇ aˬ yawꞈ yuˇ dzeh-awˇ, aˬ dui-euˬ naˇ gawˇ-ahˇ aˬ yawꞈ pi dzeh-euˬ meh” lehˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Luˇkaꞈ 9:32

Beˬtuˆluˆ aˬ ha maꞈ yuꞈ kʼaˆ jiˇ taˬ-euˬ meh. Aˬ yawꞈ maꞈ noeˬ laˇ ngeh, Yeˬsuˇ-euˬ yaw shehꞈ kʼahˬ sehˇ-ahˇ maˬ ehˇ, aˬ yawꞈ nehˬ-ehˇ yawꞈ luꞈ-eu tsawˇ haˬ nyiˬ gʼaˬ-ahˇ maˬ ehˇ, ya mawˇ-euˬ meh.

Yoˇhaˬ 10:4

Yawˇ deuˬ-ahˇ laꞈ nyiˇ sheuˬ doˆ jiˇ ngeh, aˬ yawꞈ mehˬ hu paw cah-awˇ, yawˇ deuˬ aˬ yawꞈ-euˬ mehˬ nah caw teh-eu meh. Aˬ jeˬ miˇ neh ehˇ naˇ, aˬ yawꞈ-euˬ teˇ saˇ-ahˇ yawˇ deuˬ siˬ nya-eu meh.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Panmaeq 3:20

Naˇ haˬ-awˬ, ngaˇ laˇ gʼoˆ-ahˇ yawꞈ-awˇ kʼoˆ luꞈ ma. Ngaˬ-euˬ teˇ saˇ gaˬ-awˇ laˇ gʼoˆ kʼaˇ pah nehˬ laꞈ-eu gʼaˬ-euˬ nymˇ-ahˇ ngaˇ uˇ-iˇ-awˇ, aˬ yawꞈ nehˬ-ehˇ dzaˬ taꞈ dawˇ taꞈ ma. Aˬ yawꞈ kʼawꞈ, ngaˬ nehˬ-ehˇ dzaˬ taꞈ dawˇ taꞈ tehꞈ-a.

Panmaeq 3:4

Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.