Dawˬ caˇ 5:16 - Akha

¹⁶ Aˬ yawꞈ dawˬ ngehˬ-eu naˇ haˬ muiˬ dui dui-awˇ, mawꞈ dui dui leˇ paˬ-ehˇ gʼeh-eu meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-euˬ zaˬ kʼaˬ pyeuꞈ-eu ngaˬ-euˬ cawˬ-aˬ, kʼoeˇ loꞈ-ehˇ gʼeh-eu tsawˇ haˬ ma.

Dawˬ caˇ 5:16 ပူးပေါင်းရင်းမြစ်များ

2 Saˬmeuˬlaˆ 1:23

Sawˇluˆ hawˇ-eu Yawˇnaˆshaˬ-ahˇ, gaˬ dui dui nya gʼoeˇ dui dui nya. Aˬ nyaꞈ dehꞈ ngeh maˬ gʼawˬ-iˇ-ehˇ, shiˇ ngeh kʼawꞈ maˬ gʼawˬ-iˇ kʼmˬ-aˇ. Kʼaˬ dzeˇ dzeˇ ma maˬ tseˇ kawˇ-awˇ, aˇ laˬ jaˬ shiˇ maˬ tseˇ kʼaˆ meh.

Jaceuq 119:103

Nawˬ neh mehˬ nehˬ tsoˆ nehˬ-euˬ jeˬ aˇ naˆ ni coeˇ-eu nga. Byaˬ byaˬ uiˇ naˆ maˬ tseˇ coeˇ-eu meh.

Jaceuq 148:13

Aˬ yawꞈ maꞈ dawˬ tawˆ luꞈ Sahˬpaˬ Miˬyehˇ-ahˇ ja ceuˬ luꞈ-uˇ. Tsawˇ myahˇ dawˬ tawˆ luꞈ kʼoeˇ taˆ aˬ yawꞈ-euˬ tsawˇ myahˇ huiˬ dzehˬ-awˇ, mˬ hawˇ-eu miˇ tsaˬ naˆ maˬ tseˇ, aˬ yawꞈ-euˬ yaw shehꞈ kʼahˬ sehˇ goˇ dzehˬ-eu meh.

Jaceuq 19:10

Shuiˇnaˆmaˬtseˇ poeˬdui dui-awˇ, byaˬuiˇmaˬtseˇ coeˇdzehˬ-eu meh.

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Dawˬ caˇ 1:16

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˇ-aˬ, aˬ diˇ gaˬ dui dui paˬ-ehˇ gʼeh-eu meh. Nyoeˇ jawꞈ ni gʼeh-awˇ di dehˬ ni dehꞈ-eu daˬ yawˬ-aˬ, aˇ nyaꞈ-euˬ yuꞈ zaˇ ma.

Dawˬ caˇ 1:2

Nawˬ-euˬ mehˬ luˬ neh mehˬ cuˇ tiˬ gʼoeˬ bi cuˇ mawꞈ nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ nya.

Dawˬ caˇ 1:5

Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Dawˬ caˇ 2:1

Ngaˇ-aˬ, Shaˬloˬ meuˬ dzeˇ dehꞈ-eu bawˇ tsahˬ aˇ yehˆ loˆ ni tehꞈ ma. Gʼaˬ lawˬ lawˬ mehˇ-ahˇ dehꞈ-eu ka paꞈ aˇ yehˆ loˆ ni tehꞈ ma.

Dawˬ caˇ 2:16

Ngaˇ gaˬ-eu gʼaˬ ngaˬ-euˬ pyeuꞈ-awˇ, ngaˇ aˬ yawꞈ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ yawˇ bo-eu meh.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Dawˬ caˇ 4:3

Nawˬ-euˬ mehˬ luˬ aˇ caˆ caˆ neˇ-ahˇ duˇ-awˇ, dawˬ ngehˬ ngeh haw muiˬ dui dui meh. Uˬ boeˬ tsahˇ kaˬ taˬ-eu naˇ kʼah, nawˬ-euˬ baˬ ba neˇ jiˆ poˬ ni jaˆ-eu meh.

Dawˬ caˇ 6:3

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ-euˬ yawˇ aˬ yawꞈ bo-eu meh.

Dawˬ caˇ 7:9

nawˬ-euˬ kʼaˬ meh aˬ gaꞈ dzaˇ uiˇ loꞈ-ehˇ coeˇ nya. Ngaˇ gaˬ-eu gʼaˬ jawˇ-eu nyiˬ paˆ-ehˇ aˬ gaꞈ dzaˇ uiˇ yoeˇ gʼeh luꞈ-uˇ. Aˬ yawꞈ-euˬ mehˬ luˬ hawˇ-eu seuˬ kʼoeˇ taˆ yoeˇ daˆ luꞈ-uˇ.

Yeˬlaˬmiˇ 15:16

Nawˇ ngaˬ-ahˇ dawˬ ngehˬ cawˬ le ngeh, yawˬ dawˬ na luꞈ ngaˇ naˇ haˬ-euˬ ma. Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ nawˬ-euˬ zaˬ pyeuꞈ-awˇ, nawˬ-euˬ dawˬ baˬ da neh ngaˬ-euˬ nui ma laꞈ kʼoeˇ laˬ kʼaˬ cehˇ-eu jeˬ byah-eu ma.

Yeˬlaˬmiˇ 3:20

Ehˇ kʼawꞈ, saˇ jaˇ maˬ ziꞈ-eu miˬ zaˬ tiˬ gʼaˬ loꞈ-ehˇ, nawˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 3:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nawˇ tiˬ poˆ paˇ iˇ-awˇ, zaˬ kʼaˬ tiˬ gʼaˬ nehˬ-ehˇ yuꞈ luꞈ-eu zaˬ miˬ zaˬ tiˬ gʼaˬ-ahˇ paˇ gaˬ-iˇ-awˬ. Iˇsaˬleˬlaˆ tsawˇ haˬ deuˬ miˬ yehˇ nui deuˬ mehˬ nah caw teh gʼeh-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ pyeuꞈ-eu aˬ gaꞈ aˇ siˬ aˇ yaˆ-ahˇ nui kʼahˇ jaˆ kʼawꞈ, aˬ yawꞈ maꞈ-ahˇ ngaˇ gaˬ-eu loꞈ-ehˇ, zaˬ miˬ zaˬ kʼoeˇ gʼaˬ-ahˇ nawˇ ya gaˬ meh.”

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

Yaˬkoˆ 2:23

Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.