Dawˬ caˇ 5:15 - Akha

¹⁵ Aˬ yawꞈ-euˬ aˬ kuiˇ-aˬ, shuiˇ zeuˇ dahˇ kʼoeˇ taˆ ciˬ tuˇ taˬ-euˬ, kʼaw teuꞈ ba la kʼawˇ zeuˇ-ahˇ duˇ-eu meh. Aˬ yawꞈ-euˬ aˇ gʼehˇ-aˬ, goˇ dui dui-eu shuˬ liˇ aˇ bawˇ dehꞈ-eu, Leˬbaˬnoˬ gawˬ jawˬ loꞈ-ehˇ haw muiˬ-eu meh.

Dawˬ caˇ 5:15 ပူးပေါင်းရင်းမြစ်များ

1 Sahˬpaˬ 4:33

Leˬbaˬnoˬ miˇ kʼahˬ-ahˇ dehꞈ-eu shuˬ liˇ aˇ bawˇ-ahˇ neh, meuˬ meuˬ lahˇ kʼoeˇ taˆ dehꞈ-eu hiˇ soˆ baw duˆ-ahˇ keuˆ ni, aˇ bawˇ gaˇ kawˆ aˬ yawꞈ neh ehˇ taˬ yaꞈ-euˬ jaˆ-eu meh. Jeˬ zaˬ deuˬ, aˇ jiˇ deuˬ, miˇ tsaˬ-ahˇ joe joe-ehˇ cah-eu aˇ mawˇ deuˬ hawˇ-eu, ngaˬ shaˬ ngaˬ deˇ deuˬ gaˇ kawˆ kʼawꞈ, aˬ yawꞈ neh mehˬ taˬ tsoˆ taˬ yaꞈ-euˬ jaˆ-eu meh.

Jaceuq 80:10

Baw duˆ kʼoeˇ gawˬ jawˬ-ahˇ guˇ ba ba-awˇ, uˬ pyaˬ uˬ laꞈ sahˇ dui dui-awˇ, goˇ dui dui-eu shuˬ liˇ aˇ bawˇ-ahˇ uˆ tehˬ-euˬ meh.

Jaceuq 92:12

Yaw tsaˬ yaw dawˇ tsawˇ haˬ deuˬ daoˇ aˇ bawˇ loꞈ-ehˇ mehˇ laˇ-awˇ, Leˬbaˬnoˬ gawˬ jawˬ-ahˇ dehꞈ-eu siˬ daˬ miˬ shuˬ aˇ bawˇ loꞈ-ehˇ goˇ leˇ tehꞈ-a. Yaw tsaˬ yaw dawˇ tsawˇ haˬ deuˬ-aˬ,

Jaceuq 92:13

Sahˬpaˬ Miˬyehˇ-euˬ nymˇ laꞈ kʼoeˇ ka taˬ-awˇ, aˬ dui-euˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ mehˇ laˇ-eu laꞈ kʼoeˇ,

Doˆ-iˇ 26:19

Teˇ byaꞈ aˬ yawꞈ byaꞈ yawꞈ-euˬ aˬ kuiˇ cawˬ ahˇ-eu gʼaˇ duˬ, kaˇ pyawˇ dawˬ pehˬ-ahˇ pyuˇ laꞈ duꞈ nyiˬ hmˬ ya jahˇ tsoꞈ meh.

Dawˬ caˇ 2:14

Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Dawˬ caˇ 4:11

Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.

Dawˬ caˇ 7:4

Nawˬ-euˬ kawˬ lahˇ-aˬ, ya ma juiˇ neh tsoˆ taˬ-euˬ, loꞈ-eu nymˇ goˇ-ahˇ duˇ-eu meh. Nawˬ-euˬ myaˆ nuiˆ-aˬ, Heˬshaˬboˬ meuˬ meuˬ ma lahˇ kʼehˬ dawˬ peh jaˆ-eu lah deuˬ-ahˇ duˇ-eu meh. Nawˬ-euˬ naˇ mehˇ-aˬ, Daˬmaˬsehˇ meuˬ-ahˇ loꞈ piˇ-eu nymˇ pyeuꞈ-eu, Leˬbaˬnoˬ nymˇ goˇ-ahˇ duˇ-eu meh.

Ngoeˇ dawˬ 4:7

Nga maꞈ-euˬ sahˬ paˬ sahˬ ma deuˬ, ngehˇ km maˬ tseˇ shawˇ dui dui-awˇ, mawˇ neˇ aˬ coeˇ maˬ tseˇ ba-awˇ, shaˬ jiˇ neˇ jiˆ poˬ ni gʼeh-awˇ, sehˇ naˆ maˬ tseˇ aˇ gʼehˇ muiˬ meh.

Yeˬsaˬgeˬlaˇ 17:23

Iˇsaˬleˬlaˆ gawˬ jawˬ laꞈ kʼoeˇ, goˇ dzehˬ-eu jawˬ kʼoeˇ taˆ ka ma. Uˬ laꞈ sahˇ-awˇ aˇ siˬ loˆ-eu, kʼahˬ sehˇ za-eu siˬ daˬ pyeuꞈ-awˇ, aˇ jiˇ yawˬ jeˬ na luꞈ kuꞈ ni, aˇ bawˇ naˇ shmˇ awˆ le tehꞈ-a.

Yeˬsaˬgeˬlaˇ 31:8

Miˬyehˇ yaˇ kmˇ shuˬ liˇ bawˇ kʼawꞈ, aˬ yawꞈ-ahˇ maˬ ciˬ cehˆ peuˬ-a. Aˬ yawꞈ loꞈ-ehˇ uˬ pyaˬ sahˇ-eu, siˬ guˬ aˇ bawˇ maˬ mawˇ haw-aˬ. Aˬ yawꞈ loꞈ-ehˇ uˬ laꞈ myaˬ-eu tsuiꞈ sehˇ bawˇ-eu maˬ gaˬ haw-aˬ. Miˬyehˇ yaˇ kmˇ dehꞈ-eu aˇ bawˇ, aˬ yawꞈ loꞈ-ehˇ maˬ muiˬ keuˆ-a.

Hawˇseˬ 14:7

Ngaˇ bo saˆ haw piˇ-eu uˬ moˆ. Aˬ yawꞈ maꞈ paˇ jawˇ poˆ laˇ-awˇ, dzaˬ la gʼo cehˇ paˇ ka poˆ-awˇ, aˬ gaꞈ siˬ dui dui-eu loꞈ-ehˇ, baw dui za dui dui le tehꞈ-a. Leˬbaˬnoˬ gawˬ jawˬ-ahˇ doˆ-eu, muiˬ-eu aˬ gaꞈ dzaˇ uiˇ loꞈ-ehˇ, aˬ yawꞈ maꞈ tsawˇ myahˇ doˆ tehꞈ-a.

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Maꞈtehˬ 28:3

Aˬ yawꞈ-euˬ gʼawˇ mawˇ-aˬ, mˬ myawꞈ myawꞈ-eu loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ-aˬ, ngehˇ loꞈ-ehˇ pyuˇ deuˬ ni gʼeh-eu meh.

Gʼaˬkʼehˇ 2:28

Dehꞈ-eu gaˇ ma nawˇ mehˬ laꞈ-awˇ, nawˇ ngaˬ nehˬ-ehˇ jawˇ-eu miˇ neh, ngaˇ laˬ kʼaˬ cehˇ-eu jeˬ byah ma.’

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Yaˇ kʼaˬ daˇ 13:6

Kʼoeˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ kʼaˬ dzeˇ zaˬ jawˇ gaˇ iˇ-awˇ ehˇ nehˬ-eu, “Mˬ taˆ gʼaˬ kʼehˇ loꞈ-ehˇ tsawˬ guˆ laˇ paˬ-ehˇ gʼeh-eu Miˬyehˇ-euˬ tsawˇ haˬ tiˬ gʼaˬ ngaˇ jawˇ gaˇ oe-euˬ meh. Aˬ geu gaˇ neh oe teˬ lehˇ aˬ yawꞈ-ahˇ ngaˇ maˬ naˇ haˬ ehˇ, aˬ yawꞈ-euˬ tsawˇ myahˇ kʼawꞈ maˬ ehˇ mehˬ nehˬ laꞈ-aˬ.