Dawˬ caˇ 5:13 - Akha

¹³ Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Dawˬ caˇ 5:13 ပူးပေါင်းရင်းမြစ်များ

Jaceuq 27:4

SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Jaceuq 45:3

Baoˬ huiˬ-eu sahˬ paˬ-oˇ, nawˬ-euˬ mi cehˇ shaꞈ-awˇ, baoˬ hawˇ-eu yaw shehꞈ kʼahˬ sehˇ-ahˇ dm-awˬ.

Jaceuq 89:15

Caˇ dawˬ caˇ-awˇ nawˬ-ahˇ uˬ duˬ tahˬ-eu tsawˇ haˬ deuˬ, nawˇ gʼawˬ shaˬ gaˬ-eu yaw shehꞈ laꞈ kʼoeˇ dehꞈ-eu deuˬ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Dawˬ caˇ 1:10

Nawˬ-euˬ baˬ ba kʼoeˇ taˆ jaˆ-eu uˬ duˬ tsehˇ kahˇ muiˬ dui dui-awˇ, shuiˇ caˆ sehˇ caˆ loꞈ-ehˇ kawˬ lahˇ kʼoeˇ taˆ ga gʼeu-eu meh.

Dawˬ caˇ 1:16

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˇ-aˬ, aˬ diˇ gaˬ dui dui paˬ-ehˇ gʼeh-eu meh. Nyoeˇ jawꞈ ni gʼeh-awˇ di dehˬ ni dehꞈ-eu daˬ yawˬ-aˬ, aˇ nyaꞈ-euˬ yuꞈ zaˇ ma.

Dawˬ caˇ 2:1

Ngaˇ-aˬ, Shaˬloˬ meuˬ dzeˇ dehꞈ-eu bawˇ tsahˬ aˇ yehˆ loˆ ni tehꞈ ma. Gʼaˬ lawˬ lawˬ mehˇ-ahˇ dehꞈ-eu ka paꞈ aˇ yehˆ loˆ ni tehꞈ ma.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 4:11

Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.

Dawˬ caˇ 5:5

Aˬ yawꞈ bi uˇ laˇ law lehˇ ngaˇ lehˬ hmˬ taˬ-euˬ ma. Ngaˬ-euˬ aˬ laꞈ-ahˇ muˇ laˬ tsiˇ sawˆ-awˇ, ngaˬ-euˬ laꞈ noeˇ-ahˇ muˇ laˬ tsiˇ lehꞈ-awˇ, laˇ gʼoˆ sehˬ-ahˇ ngaˇ tuˆ tehˬ-euˬ ma.

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.