Dawˬ caˇ 4:3 - Akha

³ Nawˬ-euˬ mehˬ luˬ aˇ caˆ caˆ neˇ-ahˇ duˇ-awˇ, dawˬ ngehˬ ngeh haw muiˬ dui dui meh. Uˬ boeˬ tsahˇ kaˬ taˬ-eu naˇ kʼah, nawˬ-euˬ baˬ ba neˇ jiˆ poˬ ni jaˆ-eu meh.

Dawˬ caˇ 4:3 ပူးပေါင်းရင်းမြစ်များ

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Eˇzaˬlaˬ 9:6

Ngaˇ heu loꞈ-ehˇ shaˇ-euˬ ma. “Miˬyehˇ-oˇ, nawˬ-euˬ mehˬ shi ngaˇ myaˆ pyawˬ maˬ ciˬ daˬ saˇ nya. Nga maꞈ-euˬ iˬ baˇ-aˬ, nga maꞈ-euˬ uˬ duˬ jaˆ dzeuˇ-awˇ, mˬ-ahˇ keuˆ ni jaˆ keuˆ taˬ-euˬ meh.

Jaceuq 119:13

Nawˬ neh biꞈ laꞈ-euˬ zahˇ dawˬ kʼoꞈ dawˬ dawˬ tawˆ luꞈ, ngaˇ gui poˆ poˆ ma.

Jaceuq 37:30

Tsawˇmuiˬtiˬgʼaˬ-euˬkʼaˬmeh-ahˇ, tsawˇgahˇahˇ-eu dawˬdoˆle-awˇ, mehˬlaˇneh kʼaˇngehˬ-euˬdawˬdeuˬ, tsaˬ-eu dawˇ-eu dawˬ pyeuꞈ-eu meh.

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Dawqdaq 10:13

Noeˬ dahˇ doe-eu deuˬ-euˬ mehˬ luˬ, tsawˇ gahˇ ahˇ-eu dawˬ doˆ le-awˇ, aˬ dzawˬ aˇ gah dahˇ teˇ daˇ cuiˇ oꞈ meh.

Dawqdaq 31:26

Zaˬ siˬ tsawˇ gahˇ ahˇ-eu nahˬ yu ni gʼeh-eu dawˬ aˬ yawꞈ ngehˬ-eu meh.

Dawˬ caˇ 1:5

Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Dawˬ caˇ 4:11

Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.

Dawˬ caˇ 5:13

Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Dawˬ caˇ 5:16

Aˬ yawꞈ dawˬ ngehˬ-eu naˇ haˬ muiˬ dui dui-awˇ, mawꞈ dui dui leˇ paˬ-ehˇ gʼeh-eu meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-euˬ zaˬ kʼaˬ pyeuꞈ-eu ngaˬ-euˬ cawˬ-aˬ, kʼoeˇ loꞈ-ehˇ gʼeh-eu tsawˇ haˬ ma.

Dawˬ caˇ 6:7

Uˬ boeˬ tsahˇ kaˬ taˬ-euˬ naˇ kʼah, nawˬ-euˬ baˬ ba yaw shehꞈ bya-eu meh.

Dawˬ caˇ 7:9

nawˬ-euˬ kʼaˬ meh aˬ gaꞈ dzaˇ uiˇ loꞈ-ehˇ coeˇ nya. Ngaˇ gaˬ-eu gʼaˬ jawˇ-eu nyiˬ paˆ-ehˇ aˬ gaꞈ dzaˇ uiˇ yoeˇ gʼeh luꞈ-uˇ. Aˬ yawꞈ-euˬ mehˬ luˬ hawˇ-eu seuˬ kʼoeˇ taˆ yoeˇ daˆ luꞈ-uˇ.

Yeˬsaˬgeˬlaˇ 16:63

Nawˬ neh kʼaˇ mˇ kʼaˇ shaˇ lehˬ-euˬ jeˬ-ahˇ ngaˇ iˬ baˇ pyehˬ nehˬ ma. Ehˇ kʼawꞈ nawˬ-euˬ yaw lehˬ-ahˇ nawˇ noeˬ mawˇ-awˇ, kʼaˬ meh maˬ mˇ nga peuˬ ni shaꞈ dawˇ dui dui tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Uˬ duˬ 14:4

zahˇ jahˇ gaˇ geuꞈ nya-eu aˇ jiˇ nyiˬ mawˇ, siˬ daˬ miˬ shuˬ, saˬ kahˇ kahˇ neˇ, hiˇ soˆ baw nmˬ, heu deuˬ yuˇ laꞈ-awˬ lehˇ, piˇ ma gʼaˬ tsawˇ haˬ kʼoeˇ gʼaˬ-ahˇ ya ehˇ nehˬ meh.

Uˬ duˬ 14:6

Kʼoeˇ naˇ, siˬ daˬ miˬ shuˬ, saˬ kahˇ kahˇ neˇ hawˇ-eu, hiˇ soˆ baw nmˬ ui cuiˆ yuˇ-awˇ, aˇ jiˇ yawˬ mawˇ yawˬ nehˬ-ehˇ tiˬ kawˆ loꞈ-ehˇ, diˬ sehꞈ-euˬ aˇ jiˇ kʼoeˇ mawˇ-euˬ shiˬ laꞈ kʼoeˇ ya dawˆ duiˆ meh.

Bawˇtsahˬ 19:6

Kʼoeˇ naˇ, siˬ daˬ miˬ shuˬ, hiˇ soˆ baw nmˬ, saˬ kahˇ neˇ, heu deuˬ yuˇ-awˇ, miˬ dzaˬ-ahˇ ya dzeh puiˆ meh.

Bawˇtsahˬ 4:8

Kʼoeˇ deuˬ dawˬ tawˆ luꞈ kʼoeˇ taˆ saˬ paˇ paˇ neˇ dehˬ kaˬ-awˇ, shawˇ jehˆ ni gʼeh-eu shaˬ kʼoˆ paˇ ya dehˬ kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ taˬ meh.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

HeˬByehˇ 9:19

Aˇ dahˬ beh ngeh Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˇ tsawˇ haˬ deuˬ-ahˇ Moˇseˬ ehˇ nehˬ-euˬ meh. Kʼoeˇ naˇ, mawˇ neˇ hawˇ-eu ciꞈ myehꞈ-euˬ shiˬ iˇ cuꞈ nehˬ-ehˇ keuˬ-awˇ, hiˇsoˆ baw nmˬ hawˇ-eu yawˇ caꞈ hm laˆ duiˆ-awˇ, Zahˇ dawˬ kʼoꞈ dawˬ hawˇ-eu Iˇsaˬleˬlaˇ tsawˇ haˬ dawˬ tawˆ luꞈ-ahˇ byaˆ shehˬ-euˬ meh.

Yawˇshuˆ 2:18

Naw maꞈ-euˬ miˇ kʼahˬ-ahˇ nga maꞈ guiˇ deuˆ uˇ laꞈ ngeh, nga nyaꞈ-ahˇ bi zaꞈ ka-iˇ laꞈ-euˬ laˇ gʼoˆ gʼoˆ zaˬ kʼoeˇ gʼoˆ-ahˇ aˇ caˆ caˆ neˇ heu caˆ paꞈ gʼeu taˬ-awˬ. Nawˬ da, nawˬ ma, nawˬ-euˬ aˬ mahˇ aˬ da deuˬ hawˇ-eu, nawˬ da-euˬ miˬ sawˇ zaˬ dawˬ tawˆ luꞈ, nawˬ-euˬ nymˇ laꞈ kʼoeˇ bi jawˇ-awˬ.