Dawˬ caˇ 4:14 - Akha

¹⁴ Saˬ poˬ, gaˬ laˬ muˇ, siˬ naˬ moˬ aˇ bawˇ hawˇ-eu tsiˇ yaw saw aˇ bawˇ kʼaˇ ngeuˇ-eu jeˬ kʼoeˇ gaˇ dehꞈ-eu meh. Muˇ laˬ hawˇ-eu Aˇ jawˬ aˇ bawˇ maˬ ehˇ, saw dui dui-eu tsiˇ yaw saw aˇ bawˇ deuˬ kʼoeˇ gaˇ dehꞈ kuꞈ-eu meh.

Dawˬ caˇ 4:14 ပူးပေါင်းရင်းမြစ်များ

Aˇ dahˬ 43:11

Aˬ da gʼaˬ aˬ ha mehˇ nmˇ-ahˇ ehˇ nehˬ-eu, “Kʼoeˇ loꞈ-ehˇ maˬ jahˇ naˇ maˬ geuꞈ nya-eu jeˬ maˇ-iˬ, aˬ dui-euˬ miˇ kʼahˬ-ahˇ doˆ-eu aˇ poeˬ kʼaˆ-eu mˇ myawˬ deuˬ pyeuꞈ-eu, tsiˇ yaw saw jeˬ ui cuiˆ, byaˬ byaˬ uiˇ ui cuiˆ, dzaˇ muiˇ dzaˇ sawˇ, tsuiꞈ siˬ tsuiꞈ shehˇ hawˇ-eu, aˬlaˬmoˬ aˇ siˬ heu deuˬ yuˇ gʼeh-awˇ, Iˇjiˇtuˆ miˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu kʼoeˇ gʼaˬ-ahˇ biꞈ nehˬ-iˇ-awˬ.

1 Sahˬpaˬ 10:10

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, myaˬ dui dui-eu dzaˇ muiˇ dzaˇ sawˇ deuˬ hawˇ-eu tsiˇ yaw saw jeˬ maˬ ehˇ, aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Aˬ yawꞈ neh biꞈ-euˬ dzaˇ muiˇ dzaˇ sawˇ hawˇ-eu tsiˇ yaw saw kʼoeˇ deuˬ myaˆ ni myaˬ-eu laꞈ sawˬ deuˬ, sahˬ paˬ Sawˇlaˬmoˬ tiˬ jawˇ-iˬ maˬ za haw-aˬ.

2 Laˬsaˬbaˬ 9:9

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, dzaˇ muiˇ dzaˇ sawˇ deuˬ, tsiˇ yaw saw jeˬ hawˇ-eu aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Sheˬba sahˬ paˬ ma neh sahˬ paˬ Sawˇlaˬmoˬ-ahˇ biꞈ-euˬ loꞈ-ehˇ muiˬ-euˬ dzaˇ muiˇ dzaˇ sawˇ hawˇ-eu tsiˇ yaw saw jeˬ miˇ tsaˬ kʼoeˇ taˆ tiˬ gaˇ-iˬ maˬ jaˆ-a.

Jaceuq 45:8

Muˇ laˬ hawˇ-eu aˇ jawˬ tsiˇ yaw saw jeˬ, nawˬ-euˬ mehˬ tsoeˬ kʼoeˇ taˆ saw luꞈ-eu meh. Ya ma juiˇ neh laˆ muiˬ taˬ-euˬ sahˬ paˬ-euˬ hawˇ nymˇ laꞈ kʼoeˇ, dawˬ caˇ caˇ-eu deuˬ nawˬ-euˬ mehˬ shi caˇ mehˬ tehꞈ-a.

Doˆ-iˇ 30:23

“Muiˬ dui dui-eu yaw saw jeˬ pyeuꞈ-eu, muˇ laˬ dzaˇ uiˇ smˇ jawꞈ-i koꞈ kaˇ, saw dui dui-eu cawˬ kʼaˬ cawˬ piˇ tiˬ jawꞈ-i yehꞈ kaˇ, saw dui dui-eu pawˬ coeˇ tiˬ jawꞈ-i yehꞈ kaˇ,

Dawqdaq 7:17

Muˇ laˬ, aˬ loˬ, siˬ naˬ moˬ tsiˇ yaw saw deuˬ, yuꞈ zaˇ kʼoeˇ taˆ byaˆ shehˬ taˬ-euˬ ma.

Dawˬ caˇ 1:12

Ngaˬ-euˬ sahˬ paˬ ja ciˬ-ahˇ yuꞈ luꞈ ngeh, ngaˬ-euˬ saw dui dui-eu tsiˇ jaˬ lehˇ-ahˇ byah luꞈ meh.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 4:6

Mˬ bya laˇ-awˇ yaw zahˇ byoˆ-iˇ ngeh keuˆ ni, muˇ laˬ gawˬ jawˬ-ahˇ ngaˇ jawˇ ma. Tsiˇ yaw saw jeˬ-euˬ gawˬ jawˬ-ahˇ jawˇ ma.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Yeˬsaˬgeˬlaˇ 27:19

Uˇzaˬlaˇ meuˬ-ahˇ jawˇ-eu Daˬniˇ tsawˇ haˬ hawˇ-eu Heˬlaˬshaˆ tsawˇ haˬ deuˬ, maˇ dui dui-eu shmˇ hawˇ-eu, tsiˇ yaw saw gʼawˬ mya jeˬ hehˇ leꞈ-awˇ, nawˬ-euˬ myawˬ zeuˇ geuꞈ le-eu meh.

Bawˇtsahˬ 24:6

yaw cehˆ yaw cehˆ-ehˇ jaˆ-eu daoˇ aˇ bawˬ-ahˇ maˬ ehˇ, lawˇ baˬ dawˬ peh jaˆ-eu yaˇ kmˇ-ahˇ maˬ ehˇ, Sahˬpaˬ Miˬyehˇ neh ka taˬ-euˬ aˇ jawˬ aˇ bawˇ-ahˇ maˬ ehˇ, Lawˇ baˬ dawˬ peh dehꞈ-eu siˬ daˬ miˬ shuˬ aˇ bawˇ-ahˇ maˬ ehˇ, duˇ-eu meh.

Maˬkuˆ 16:1

Jawˇ nah dzeuˇ ngeh, Maˬliˇ Maˬgaˬdaˬlaˇ, Yaˬkoˆ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ, Yeˬsuˇ-euˬ gʼawˇ mawˇ-ahˇ shehˆ daˆ nehˬ-iˇ-eu gʼaˇ duˬ, tsiˇ yaw saw gʼawˬ mya jeˬ zeuˇ-euˬ meh.

Yoˇhaˬ 19:39

Yaw beh Yeˬsuˇ-ahˇ uˬ ciꞈ tiˬ miˇ tahˬ puˬ leˇ haw-euˬ Niˇgawˇdeˬ kʼoeˇ gʼaˬ kʼawꞈ, muˇlaˬ hawˇ-eu aˇjawˬ keuˬ-awˇ jahˇ taˬ-euˬ mawˇ tawˆ tawˆ gaˇ zmˬ-eu tsiˇ yaw saw jeˬ nyiˬ tseˇ jawꞈ-i ehˇ gʼaˬ ni yuˇ-awˇ, Yoˇsehˆ nehˬ-ehˇ iˇ-euˬ meh.

Panmaeq 18:13

cawˬ kʼaˬ cawˬ piˇ deuˬ, tsaˬ gawˬ baˬ gawˬ deuˬ, dzaˇ muiˇ dzaˇ sawˇ deuˬ, aˬ gaꞈ dzaˇ uiˇ deuˬ, dzaˬ-eu tsiˇ deuˬ, cehˇ meu hawˇ-eu cehˇ deuˬ, mawˇ neˇ hawˇ-eu yawˇ deuˬ, mahˬ hawˇ-eu mahˬ laˆ lawˬ deuˬ, zaˬ kʼaˆ deuˬ, tsawˇ haˬ-euˬ saꞈ laˇ deuˬ, heu deuˬ-ahˇ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.