Dawˬ caˇ 4:11 - Akha

¹¹ Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.

Dawˬ caˇ 4:11 ပူးပေါင်းရင်းမြစ်များ

Aˇ dahˬ 27:27

Yaˬkoˆ dawˬ peh jiˆ tuˆ leˇ-awˇ, Iˇtsaˆ-ahˇ mehˬ cuˇ cuˇ nehˬ-eu lehˇ mˇ jeh ngeh, aˬ yawꞈ dm luꞈ-eu mehˬ tsoeˬ-ahˇ Iˇtsaˆ laˆ haw-euˬ meh. Kʼoeˇ naˇ, Yaˬkoˆ-ahˇ Iˇtsaˆ heu loꞈ-ehˇ dawˬ ngehˬ gʼeh nehˬ-euˬ meh. “Yaw zawˇ-ehˇ saw-eu ngaˬ li-euˬ yaw saꞈ-aˬ, Sahˬpaˬ Miˬyehˇ neh guiˬ lahˬ biꞈ nehˬ-euˬ deh yaˇ tiˬ kawˬ-euˬ yaw saꞈ-ahˇ duˇ miˇ-a.

Jaceuq 19:10

Shuiˇnaˆmaˬtseˇ poeˬdui dui-awˇ, byaˬuiˇmaˬtseˇ coeˇdzehˬ-eu meh.

Jaceuq 45:8

Muˇ laˬ hawˇ-eu aˇ jawˬ tsiˇ yaw saw jeˬ, nawˬ-euˬ mehˬ tsoeˬ kʼoeˇ taˆ saw luꞈ-eu meh. Ya ma juiˇ neh laˆ muiˬ taˬ-euˬ sahˬ paˬ-euˬ hawˇ nymˇ laꞈ kʼoeˇ, dawˬ caˇ caˇ-eu deuˬ nawˬ-euˬ mehˬ shi caˇ mehˬ tehꞈ-a.

Jaceuq 92:13

Sahˬpaˬ Miˬyehˇ-euˬ nymˇ laꞈ kʼoeˇ ka taˬ-awˇ, aˬ dui-euˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ mehˇ laˇ-eu laꞈ kʼoeˇ,

Dawqdaq 16:24

Dawˬ muiˬ tmˇ-eu byaˬ byaˬ uiˇ-ahˇ duˇ-awˇ, nui ma-ahˇ laˬ kʼaˬ bi cehˇ-awˇ, gʼawˇ mawˇ-ahˇ jawˇ saˇ bi doˆ-eu meh.

Dawqdaq 5:2

Kʼoeˇ loꞈ-ehˇ jahˇ naˇ, nawˇ yaw muiˬ yaw doeˇ tseˇ paˆ nya laˇ-awˇ, nawˬ neh ngehˬ-euˬ dawˬ zaˬ siˬ tsawˇ gahˇ ahˇ tehꞈ-a.

Dawqdaq 5:3

Aˬ cawˬ aˬ ma-euˬ mehˬ luˬ byaˬ byaˬ uiˇ loꞈ-ehˇ coeˇ-awˇ, aˬ yawꞈ ngehˬ-eu dawˬ tsiˇ lehꞈ taˬ-euˬ loꞈ-ehˇ naˇ haˬ muiˬ tehꞈ-a.

Dawˬ caˇ 4:10

Ngaˇ gaˬ-eu ngaˬ-euˬ zaˬ kʼaˬ-oˇ, nawˬ-euˬ nui gaˬ-ahˇ ngaˇ nui kʼahˇ shiˇ dui dui nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ-awˇ, nawˬ-euˬ tsiˇ yaw saw jeˬ-aˬ, yaw saw jeˬ dawˬ tawˆ luꞈ naˆ maˬ tseˇ saw nya.

Dawˬ caˇ 4:3

Nawˬ-euˬ mehˬ luˬ aˇ caˆ caˆ neˇ-ahˇ duˇ-awˇ, dawˬ ngehˬ ngeh haw muiˬ dui dui meh. Uˬ boeˬ tsahˇ kaˬ taˬ-eu naˇ kʼah, nawˬ-euˬ baˬ ba neˇ jiˆ poˬ ni jaˆ-eu meh.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawˬ caˇ 5:13

Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Dawˬ caˇ 7:9

nawˬ-euˬ kʼaˬ meh aˬ gaꞈ dzaˇ uiˇ loꞈ-ehˇ coeˇ nya. Ngaˇ gaˬ-eu gʼaˬ jawˇ-eu nyiˬ paˆ-ehˇ aˬ gaꞈ dzaˇ uiˇ yoeˇ gʼeh luꞈ-uˇ. Aˬ yawꞈ-euˬ mehˬ luˬ hawˇ-eu seuˬ kʼoeˇ taˆ yoeˇ daˆ luꞈ-uˇ.

Iˇsaˬyaˇ 7:15

Aˬ yawꞈ huiˬ loˆ laˇ-awˇ, yaw muiˬ yaw doeˇ tseˇ paˆ geuꞈ nya laˇ ngeh, miˇ kʼahˬ zaˬ deuˬ mawˇ neˇ aˬ coeˇ dawˇ-awˇ byaˬ byaˬ uiˇ dzaˬ luꞈ tehꞈ-a.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.