Dawˬ caˇ 3:7 - Akha

⁷ Sawˇlaˬmoˬ dzoeˬ dzaˬ nuiˇ mahˬ-ahˇ nuiˇ-awˇ laˇ luꞈ-eu meh. Iˇsaˬleˬlaˆ miˇ kʼahˬ-ahˇ aˬ cawˬ taꞈ-ehˇ nya dzehˬ-eu, yehˇ koꞈ tseˇ gʼaˬ bi loꞈ piˇ-awˇ laˇ luꞈ meh.

Dawˬ caˇ 3:7 ပူးပေါင်းရင်းမြစ်များ

1 Sahˬpaˬ 14:27

Dehˬ daˬ duˬ kʼoeˇ deuˬ-euˬ dah zaˇ, sahˬ paˬ Leˬhawˇbamˬ neh guiˬ shuiˇ dehˬ daˬ duˬ deuˬ paˇ jahˇ-awˇ, sahˬ paˬ-euˬ hawˇ nymˇ gʼoˆ kʼehˬ-ahˇ loꞈ-eu yaw huiˬ yaw mahˇ deuˬ-ahˇ a nehˬ-awˇ bi haw piˇ-euˬ meh.

1 Sahˬpaˬ 9:22

Sawˇlaˬmoˬ-aˬ, Iˇsaˬleˬlaˆ tsawˇ haˬ deuˬ-ahˇ zaˬ kʼaˆ maˬ bi geuꞈ ni, aˬ yawꞈ-euˬ yehˇ deuˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ, mahˬ laˆ lawˬ teh-eu yehˇ deuˬ hawˇ-eu, mahˬ bo saˆ-eu yehˇ deuˬ bi geuꞈ-euˬ meh.

2 Sahˬpaˬ 6:17

Kʼoeˇ naˇ, “Sahˬpaˬ Miˬyehˇ-oˇ, aˬ yawꞈ-ahˇ myaˆ nuiˆ pah nehˬ-awˇ bi mawˇ-awˬ” lehˇ Eˇliˇshehˇ guiˬ lahˬ shaˇ-euˬ meh. Aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-euˬ zaˬ kʼaˆ kʼoeˇ gʼaˬ haw gʼeh ngeh, Eˇliˇshehˇ-euˬ jawˬ jawˬ-ehˇ, miˬ dzaˬ mahˬ hawˇ-eu miˬ dzaˬ mahˬ laˆ lawˬ deuˬ, gawˬ jawˬ jawˬ lah-ehˇ jawˇ byah taˬ-euˬ gaˇ ya mawˇ-euˬ meh.

Neˬhaˬmiˇ 4:13

Kʼoeˇ miˇ neh, nga maꞈ-euˬ tsawˇ haˬ deuˬ-ahˇ, mi cehˇ, gahˬ hawˇ-eu kaˆ bi baꞈ-awˇ, yawˬ ha aˇ jeuˬ yawˬ ha, maˬ gawˬ goˇ keuˆ-euˬ meuˬ lahˇ aˇ deuˆ kʼaˇ jaˆ-eu naˇ kʼah bi loꞈ-euˬ ma.

Dawˬ caˇ 1:16

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˇ-aˬ, aˬ diˇ gaˬ dui dui paˬ-ehˇ gʼeh-eu meh. Nyoeˇ jawꞈ ni gʼeh-awˇ di dehˬ ni dehꞈ-eu daˬ yawˬ-aˬ, aˇ nyaꞈ-euˬ yuꞈ zaˇ ma.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 3:8

Aˬ yawꞈ maꞈ dawˬ tawˆ luꞈ mi cehˇ neh guiˇ deuˆ-eu nya suˇ suˇ-awˇ, guiˇ deuˆ myahˇ laꞈ-euˬ yehˇ tehꞈ meh. Yawˬ gʼaˬ na luꞈ mi cehˇ shaꞈ luꞈ-awˇ, uˬ ciꞈ paw laˆ bahˬ le gaˇ loꞈ piˇ-eu meh.

Dawˬ caˇ 3:9

Muiˬ dui dui-eu daˇ kawˬ neh jahˇ taˬ-euˬ nuiˇ mahˬ kʼoeˇ taˆ sahˬ paˬ Sawˇlaˬmoˬ nuiˇ-awˇ, miˇ kʼahˬ-ahˇ cah haw-eu meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

1 Saˬmeuˬlaˆ 14:52

Sawˇluˆ yaw dehꞈ dehꞈ-euˬ tiˬ ziˇ, Piˇliˇtiˆ tsawˇ haˬ deuˬ nehˬ-ehˇ guiˇ yaw kʼaˆ-ehˇ deuˆ-euˬ meh. Kʼoeˇ miˇ neh, gʼaˬ tsmˬ-eu tsawˇ haˬ hawˇ-eu nui ma kʼaˬ duˬ ni gʼeh-eu tsawˇ haˬ kʼaˇ mawˇ le ngeh, aˬ yawꞈ-euˬ taˆ laꞈ kʼoeˇ tsawˇ myahˇ bi dawˆ-awˇ, aˬ yawꞈ-euˬ yehˇ bi geuꞈ-euˬ meh.

1 Saˬmeuˬlaˆ 28:2

Daˬbiˇ ehˇ-eu, “Ngeuˇ tehꞈ-a. Ngaˇ nawˬ-euˬ zaˬ kʼaˆ ma. Ngaˇ guiˇ aˇ naˆ ni deuˆ nya-eu nawˇ ya mawˇ duˬ tehꞈ-a.” Aˬkiˇ ehˇ-eu, “Muiˬ tehꞈ-a. Nawˬ-ahˇ aˬ myah luꞈ ngaˬ-euˬ gʼawˇ mawˇ-ahˇ loꞈ piˇ-eu gʼaˬ bi geuꞈ ma.”

1 Saˬmeuˬlaˆ 8:16

Naw maꞈ-euˬ zaˬ kʼaˆ deuˬ maˬ ehˇ, muiˬ dui dui-eu naw maꞈ-euˬ mawˇ neˇ hawˇ-eu mahˬ tahˬ laˆ deuˬ maˬ ehˇ, aˬ yawꞈ yuˇ geuꞈ-awˇ, aˬ yawꞈ-euˬ gaˇ bi mˇ tehꞈ-a.