Dawˬ caˇ 3:10 - Akha

¹⁰ Nuiˇ mahˬ-euˬ aˬ kuiˇ-ahˇ pyuˇ yaw-awˇ, naˇ kʼah kʼawˬ daˇ duˬ-ahˇ shuiˇ neh aˇ boꞈ boꞈ taˬ-euˬ saˬ paˇ tsahˬ taˬ-euˬ meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ neh zaꞈ taˬ-euˬ, neˇ tseuˆ ni gʼeh-eu muiˬ dui dui-eu saˬ paˇ nuiˇ daˬ duˬ-ahˇ kʼawˬ taˬ-euˬ meh.

Dawˬ caˇ 3:10 ပူးပေါင်းရင်းမြစ်များ

Jaceuq 87:3

Miˬyehˇ-euˬ meuˬ-oˇ, naˇ haˬ sheˇ. Miˬyehˇ nawˬ-ahˇ ciˬ huiˬ ciˬ mahˇ gaˇ naˇ haˬ sheˇ.

Dawˬ caˇ 1:5

Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Dawˬ caˇ 3:9

Muiˬ dui dui-eu daˇ kawˬ neh jahˇ taˬ-euˬ nuiˇ mahˬ kʼoeˇ taˆ sahˬ paˬ Sawˇlaˬmoˬ nuiˇ-awˇ, miˇ kʼahˬ-ahˇ cah haw-eu meh.

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.