Dawˬ caˇ 2:5 - Akha

⁵ Ngaˇ gaˬ-eu baˬ da neh, gʼaˬ gaˬ jiˇ-euˬ nya. Gʼaˬ kʼoꞈ laˇ ni aˬ gaꞈ aˇ siˬ yaw koˆ bi dzaˬ laꞈ-awˬ. Siˬ poeˬ tsaꞈ aˇ siˬ bi dzaˬ beuˇ nehˬ laꞈ-awˬ.

Dawˬ caˇ 2:5 ပူးပေါင်းရင်းမြစ်များ

2 Saˬmeuˬlaˆ 6:19

Kʼoeˇ naˇ, tsawˇ haˬ dawˬ tawˆ luꞈ-ahˇ aˬ yawꞈ dzaˬ dzaˬ dawˇ dawˇ biˇ nehˬ-euˬ meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu kʼaˬ dzeˇ zaˬ hawˇ-eu zaˬ miˬ zaˬ yawˬ gʼaˬ na luꞈ-ahˇ, tiˬ gʼaˬ-ahˇ kaˬ muˇ tiˬ siˬ, tehˬ ba jaꞈ-euˬ shaˬ jiˇ tiˬ jehꞈ hawˇ-eu, lawꞈ koˆ taˬ-euˬ aˬ gaꞈ aˇ siˬ ui cuiˆ biꞈ nehˬ-euˬ meh. Kʼoeˇ naˇ, yawˬ gʼaˬ na luꞈ gʼoꞈ-iˇ jiˇ-euˬ meh.

1 Laˬsaˬbaˬ 16:3

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ, aˬ yawꞈ dzaˬ dzaˬ dawˇ dawˇ biˇ nehˬ-euˬ meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu kʼaˬ dzeˇ zaˬ zaˬ miˬ zaˬ yawˬ gʼaˬ na luꞈ-ahˇ, kaˬ muˇ tiˬ siˬ, tehˬ ba jaꞈ-euˬ shaˬ jiˇ tiˬ jehꞈ hawˇ-eu, lawꞈ koˆ taˬ-euˬ aˬ gaꞈ aˇ siˬ ui cuiˆ aˬ yawꞈ biꞈ nehˬ-euˬ meh.

Jaceuq 63:8

Nawˬ-euˬ dawˬ peh ngaˇ tah uˇ laˇ ngeh, nawˬ-euˬ aˬ laꞈ ngaˬ-ahˇ byaˇ cuꞈ-eu meh.

Dawˬ caˇ 5:8

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Ngaˬ-euˬ zaˬ kʼaˬ-ahˇ naw maꞈ ya mawˇ naˇ, ngaˇ aˬ yawꞈ-ahˇ gaˬ dui dui-eu miˇ neh, jawˇ saˇ tiˬ pawꞈ-iˬ maˬ doˆ nya lehˇ ehˇ nehˬ ma lehˇ, ngaˬ-ahˇ saˇ jaˇ dzaˬ-awˬ.

Dawˬ caˇ 7:8

Daoˇ aˇ bawˇ-ahˇ ngaˇ daˆ leˇ-awˇ, aˇ siˬ pyaˆ leˇ ma. Nawˬ-euˬ kʼahˬ nyiˬ pyawˬ aˬ gaꞈ aˇ puˇ-ahˇ duˇ-awˇ, nawˇ saꞈ gʼawˇ-eu siˬyehˆ aˇ siˬ loꞈ-ehˇ saw-awˇ,

Hawˇseˬ 3:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nawˇ tiˬ poˆ paˇ iˇ-awˇ, zaˬ kʼaˬ tiˬ gʼaˬ nehˬ-ehˇ yuꞈ luꞈ-eu zaˬ miˬ zaˬ tiˬ gʼaˬ-ahˇ paˇ gaˬ-iˇ-awˬ. Iˇsaˬleˬlaˆ tsawˇ haˬ deuˬ miˬ yehˇ nui deuˬ mehˬ nah caw teh gʼeh-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ pyeuꞈ-eu aˬ gaꞈ aˇ siˬ aˇ yaˆ-ahˇ nui kʼahˇ jaˆ kʼawꞈ, aˬ yawꞈ maꞈ-ahˇ ngaˇ gaˬ-eu loꞈ-ehˇ, zaˬ miˬ zaˬ kʼoeˇ gʼaˬ-ahˇ nawˇ ya gaˬ meh.”

Luˇkaꞈ 24:32

Aˬ yawꞈ nyaꞈ yaw kaˬ ehˇ-eu, “Gaˇ pehˇ-ahˇ aˬ yawꞈ aˇ nyaꞈ-ahˇ dawˬ ngehˬ cawˬ laˇ-awˇ Jaˇliꞈ gaˇ kawˆ ja mehˬ nehˬ laꞈ ngeh, nui ma laꞈ kʼoeˇ miˬ dzaˬ doꞈ-eu loꞈ-ehˇ gʼeh law miˇ-a ehˇ lawˬ.”

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.