Dawˬ caˇ 2:4 - Akha

⁴ Dzaˬ byawˇ lawˇ-eu nymˇ ma laꞈ kʼoeˇ aˬ yawꞈ ngaˬ-ahˇ sheuˬ uˇ gʼeh-awˇ, aˬ yawꞈ-euˬ nui gaˬ paˇ loˬ paˇ lehˇ, ngaˬ-euˬ kʼoeˇ taˆ sheu taw nehˬ laꞈ-euˬ meh.

Dawˬ caˇ 2:4 ပူးပေါင်းရင်းမြစ်များ

Iˇsaˬtaˆ 7:7

Sahˬ paˬ nui ma pehˇ-eu laꞈ kʼoeˇ tuˇ-awˇ, laꞈ nyiˇ doˆ-iˇ-awˇ yaˇ kmˇ-ahˇ iˇ-euˬ meh. Gaˇ kawˆ kʼoeˇ baˬ da neh aˬ yawꞈ-ahˇ sahˬ paˬ kʼehˬ-eu lehˇ noeˬ tsehˆ taˬ-euˬ gaˇ Haˬmaˬ haw siˬ-awˇ, naˇ kʼah paw jawˇ yaꞈ-awˇ, aˬ yawꞈ maˬ ya shiˇ ni sahˬ paˬ miˬ zaˬ Iˇsaˬtaˆ-ahˇ shaˇ ju-euˬ meh.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Jaceuq 20:5

Nawˇguiˇdeuˆ-eu gʼaˬleˇ-euˬgaˇ, nga maꞈguˇguˇ-ehˇcehˇgʼa-awˇ, aˬdui Miˬyehˇtsawˇmyahˇlaꞈkʼoeˇ, paˇloˬpaˇlehˇka tuˇnehˬma. Nawˇkʼaˇshaˇ-eu yawˬjeˬna luꞈ, SahˬpaˬMiˬyehˇmˇbyah luꞈ-uˇ.

Jaceuq 60:4

Yaˬ kʼehˇ yaˬ nehˬ-eu jeˬ-ahˇ ya buˬ ya law-iˇ ni, nawˬ-ahˇ guˆ-eu tsawˇ haˬ deuˬ-ahˇ nawˇ ehˇ kʼmˬ taˬ-euˬ meh.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Dawˬ caˇ 1:1

Sawˇlaˬmoˬ-euˬ caˇ dawˬ deuˬ laꞈ kʼoeˇ, muiˬ dui dui-eu caˇ dawˬ deuˬ.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawˬ caˇ 6:4

Ngaˬ-euˬ zaˬ kʼaˬ-oˇ, nawˇ-aˬ Yeˬluˇsaˬlehˬ meuˬ loꞈ-ehˇ aˇ gʼehˇ muiˬ-awˇ, Teuˇzaˬ meuˬ loꞈ-ehˇ mawꞈ leˇ paˬ-ehˇ gʼeh-eu uˬ taꞈ, paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ, maˬ haw dehˆ coeˇ ni gʼeh-eu meh.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Panmaeq 3:20

Naˇ haˬ-awˬ, ngaˇ laˇ gʼoˆ-ahˇ yawꞈ-awˇ kʼoˆ luꞈ ma. Ngaˬ-euˬ teˇ saˇ gaˬ-awˇ laˇ gʼoˆ kʼaˇ pah nehˬ laꞈ-eu gʼaˬ-euˬ nymˇ-ahˇ ngaˇ uˇ-iˇ-awˇ, aˬ yawꞈ nehˬ-ehˇ dzaˬ taꞈ dawˇ taꞈ ma. Aˬ yawꞈ kʼawꞈ, ngaˬ nehˬ-ehˇ dzaˬ taꞈ dawˇ taꞈ tehꞈ-a.