Dawˬ caˇ 2:17 - Akha

¹⁷ Mˬ bya laˇ-awˇ yaw zahˇ byoˆ-iˇ ngeh keuˆ ni bo-eu meh. Ngaˇ gaˬ-eu gʼaˬ-oˇ, ciˇ haˬ loꞈ-ehˇ cehˆ gʼoꞈ gʼeh-awˬ. Kʼaˬ lo gahˬ-ahˇ cehˆ-eu yaˬ loꞈ-ehˇ gʼoꞈ-iˇ-awˬ.

Dawˬ caˇ 2:17 ပူးပေါင်းရင်းမြစ်များ

Dawqdaq 5:19

Kʼaˬ tsehˆ tsehˆ kʼaˇ loꞈ-ehˇ aˇ gʼehˇ muiˬ dui dui-eu, nawˬ-euˬ miˬ zaˬ nawˬ-ahˇ muˇ gaˇ cehˇ gʼa-awˬ, aˬ yawꞈ-euˬ nui gaˬ neh nawˬ-ahˇ bi tsahˇ lahˇ-awˬ.

Dawˬ caˇ 2:7

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Kʼaˬ tsehˆ ciˇ haˬ deuˬ-euˬ tsawˇ myahˇ kuˇ-awˇ, nga nyaꞈ gaˬ taꞈ-eu jeˬ-ahˇ maˬ laˆ gʼawˬ lehˇ saˇ jaˇ dzaˬ-awˬ.

Dawˬ caˇ 4:6

Mˬ bya laˇ-awˇ yaw zahˇ byoˆ-iˇ ngeh keuˆ ni, muˇ laˬ gawˬ jawˬ-ahˇ ngaˇ jawˇ ma. Tsiˇ yaw saw jeˬ-euˬ gawˬ jawˬ-ahˇ jawˇ ma.

Dawˬ caˇ 8:14

Ngaˇ gaˬ-eu gʼaˬ-oˇ, kʼaˬ tsehˆ loꞈ-ehˇ ngaˇ jawˇ gaˇ coeˬ gʼeh leꞈ-awˬ. Aˇ bawˇ yaw saw gʼawˬ mya ni dehꞈ-eu gawˬ jawˬ-ahˇ jawˇ-eu kʼaˬ tsehˆ zaˬ loꞈ-ehˇ, yaw kawˇ-ehˇ coeˬ gʼeh leꞈ-awˬ.

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

Lormav 13:12

Uˬ ciꞈ buˬ-iˇ-awˇ nah gʼahˇ keuˆ le-eu dawˬ peh peh laˇ-euˬ meh. Yaw zahˇ-ahˇ taꞈ-eu gaˇ deuˬ aˬ dui maˬ mˇ ni naˬ leˇ-awˇ, yaw bya laꞈ kʼoeˇ deuˆ ceh ceh-eu keu ka deuˬ-ahˇ dm kaˇ-euˇ.

HeˬByehˇ 10:1

Yuˇdaˆ tsawˇ haˬ-euˬ Zahˇ dawˬ kʼoꞈ dawˬ-aˬ, maˇ maˇ ni gʼeh-eu jeˬ maˬ ngeuˇ-a. Keuˆ le luꞈ-eu maˇ maˇ ni gʼeh-eu yaw muiˬ jeˬ-euˬ aˇ baˇ naˇ shmˇ loˆ ni tehꞈ meh. Tiˬ jawˇ-iˬ lawˇ gʼaˬ shehˇ gʼaˬ-euˬ maˬ baw ni, aˬ yawꞈ tiˬ jeˬ tehꞈ-ehˇ gʼawˬ mya kʼoꞈ gʼawˬ mya la ya lawˇ ya shehˇ poˆ-eu meh. Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ, kʼoeˇ loꞈ-ehˇ lawˇ poˆ shehˇ poˆ poˆ-eu laꞈ kʼoeˇ, Miˬyehˇ jawˇ gaˇ laˇ-eu tsawˇ haˬ deuˬ-ahˇ byah-eu tsawˇ haˬ aˬ joˆ-ehˇ bi pyeuꞈ laˇ nya nmˇ.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.