Dawˬ caˇ 2:14 - Akha

¹⁴ Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Dawˬ caˇ 2:14 ပူးပေါင်းရင်းမြစ်များ

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Jaceuq 22:3

Ehˇkʼawꞈnawˇ Muiˬ-eu shawˇ-eu Gʼaˬ, Iˇsaˬleˬlaˆ ja ceuˬduˬmeh.

Jaceuq 45:11

Nawˇ seuˆ jeuꞈ aˇ gʼehˇ muiˬ-eu miˇ neh, sahˬ paˬ nawˬ-ahˇ mawꞈ-eu meh. Aˬ yawꞈ nawˬ-ahˇ uˆ lahˇ-eu gʼaˬ pyeuꞈ-awˇ, aˬ yawꞈ laꞈ oˆ nawˇ ya jawˇ meh.

Jaceuq 45:12

Duˇlu miˇ kʼahˬ-ahˇ jawˇ-eu tsawˇ haˬ deuˬ nawˬ-ahˇ laꞈ sawˬ yuˇ ha laˇ-awˇ, smˇ muiˬ aˬ da deuˬ nawˬ-ahˇ myaˆ pyawˬ pyuˇ ni leh jeh tehꞈ-a.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Jaceuq 68:13

Aˬ dahˇ guiˇ nyiˬ ni shuiˇ yaw taˬ-awˇ, gʼawˇ mawˇ pyuˇ yaw taˬ-euˬ kʼaˬ kʼoeˬ mawˇ kawˇ deuˬ aˬ yawꞈ maꞈ biˇ geuꞈ-eu meh. (Aˬ jeˬ miˇ neh naw maꞈ tiˬ paˆ na deuˬ, aˬ cawˬ guiˇ deuˆ-eu tehˬ gʼa luꞈ ngeh, yawˇ kuˆ laꞈ kʼoeˇ jawˇ byoˆ yaꞈ te.)

Jaceuq 74:19

Laꞈ jeuˬ shaˇ kʼaˇ maˬ za-eu nawˬ-euˬ tsawˇ haˬ deuˬ-ahˇ, haiˬ dui dui-eu muiˇ-eu deuˬ-euˬ laꞈ-ahˇ taˬ byehˇ dzeh nehˬ laꞈ. Kʼehˬ-eu kʼaˆ-eu jeˬ-ahˇ ya daˬ luꞈ-eu nawˬ-euˬ tsawˇ haˬ deuˬ-ahˇ taˬ ngehˇ nehˬ laꞈ.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawˬ caˇ 1:15

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˬ-euˬ myaˆ nuiˆ laꞈ kʼoeˇ, gaˬ-eu yaw shehꞈ bya luꞈ meh.

Dawˬ caˇ 1:5

Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Dawˬ caˇ 1:8

Miˬ daꞈ dawˬ tawˆ kʼoeˇ taˆ muiˬ dzehˬ-eu gʼaˬ-oˇ, ngaˇ aˬ gaˇ jawˇ-eu maˬ siˬ nya te loˇ. Yawˇ yawˇ maꞈ-euˬ mehˬ nah caw teh-awˇ, yawˇ bo-eu deuˬ-euˬ sehˬ gʼawˆ dawˬ peh, nawˬ-euˬ ciꞈ myehꞈ bo le-awˬ.

Dawˬ caˇ 5:2

Ngaˇ yuꞈ kʼaˆ luꞈ kʼawꞈ, ngaˬ-euˬ nui ma yaw noeˬ nya. Ngaˇ gaˬ-eu gʼaˬ laˇ gʼoˆ-ahˇ kʼoˆ luꞈ gaˇ yuꞈ maˆ maˆ mawˇ-euˬ ma. Ngaˇ gaˬ-eu gʼaˬ-oˇ, ngaˬ-ahˇ bi uˇ laˇ nehˬ laꞈ sheˇ. Ngaˇ gaˬ dui dui-eu ngaˬ-euˬ zaˬ kʼaˬ, muiˬ dui dui-eu gʼaˬ-oˇ, bi uˇ laˇ nehˬ laꞈ sheˇ. Ngaˬ-euˬ uˬ duˬ-ahˇ ceuˬ ga aˬ-awˇ, ngaˬ-euˬ uˬ duˬ tsehˇ kahˇ jaˇ yoe ni miˇ-a.

Dawˬ caˇ 8:13

Ngaˇ gaˬ-eu gʼaˬ-oˇ, yaˇ kmˇ-ahˇ nawˬ-euˬ teˇ saˇ bi gaˬ le sheˇ. Ngaˬ-euˬ cawˬ deuˬ nawˇ dawˬ ngehˬ gaˇ gaˬ mawꞈ-eu loꞈ luꞈ meh.

Iˇsaˬyaˇ 2:21

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo kʼahˬ lo guˇ zaꞈ gʼaˇ doe ni, tsawˇ haˬ zaˬ deuˬ cehˆ zaꞈ tehꞈ-a.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Iˇsaˬyaˇ 60:8

Mˬ dmˇ loꞈ-ehˇ zaw gaˇ duˇ-awˇ, yaˇ miˇ kʼaˬ kʼoeˬ nymˇ-ahˇ gʼoꞈ uˇ leˇ gaˇ duˇ-eu, saˇ baoˬ kʼoeˇ deuˬ aˬ gaˇ-euˬ saˇ baoˬ-a.

Yeˬlaˬmiˇ 48:28

“Mawˇbaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-oˇ, yawˬ ha jawˇ-eu meuˬ-ahˇ byehˇ dzeh-awˇ, lo guˇ-ahˇ cehˆ jawˇ leˇ-awˬ. Lo kʼahˬ mehˬ kʼehˬ-ahˇ bahˬ bahˬ-eu kʼaˬ kʼoeˬ loꞈ-ehˇ noeˬ gahˇ-awˬ.

Yeˬlaˬmiˇ 49:16

Nawˇ nui ma huiˬ-eu mahˇ-eu jeˬ, nawˬ-ahˇ mehˇ shuiˇ shuiˇ-euˬ meh. Nawˬ neh noeˬ-euˬ loꞈ-ehˇ, aˬ cawˬ tiˬ gʼaˬ-iˬ nawˬ-ahˇ maˬ guˆ-a. Gawˬ jawˬ uˬ du jaˆ-eu lo guˇ uˬ gʼmˬ-ahˇ nawˇ jawˇ-eu meh. Kʼaˬ dzeˇ loꞈ-ehˇ goˇ dui dui-eu tsahˇ-ahˇ jawˇ kʼawꞈ, Sahˬpaˬ Miˬyehˇ nawˬ-ahˇ dehˬ ka nya meh lehˇ, Sahˬpaˬ Miˬyehˇ ehˇ taˬ-euˬ dawˬ jaˆ meh.”

Yeˬsaˬgeˬlaˇ 7:16

Tiˬ paˆ na deuˬ-aˬ, deh ga-ahˇ bi teh tuˇ-euˬ kʼaˬ kʼoeˬ loꞈ-ehˇ, gawˬ jawˬ paw cehˆ dzeuˇ tehꞈ-a. Yawˬ gʼaˬ na luꞈ yawˬ ha-euˬ iˬ baˇ gaˇ kawˆ toˇ toˇ-ehˇ ya jawˇ tehꞈ-a.

Daˬyeˬlaˇ 9:7

Sahˬpaˬ Miˬyehˇ-oˇ, nawˇ-aˬ, aˬ myah luꞈ yaw tsaˬ yaw dawˇ jeˬ tehꞈ-ehˇ mˇ-eu meh. Ehˇ kʼawꞈ, nga maꞈ-aˬ, yawˬ ha-euˬ myaˆ pyawˬ naˇ mehˇ cawˆ-eu jeˬ tehꞈ-ehˇ mˇ-euˬ ma. Yuˇdaˆ miˇ kʼahˬ-ahˇ jawˇ-eu deuˬ maˬ ehˇ, Yeˬluˇsaˬlehˬ meuˬ-ahˇ jawˇ-eu deuˬ maˬ ehˇ, dawˬ peh gaˇ mahˇ jaˆ-eu miˇ kʼahˬ deuˬ-ahˇ nawˬ neh teh byaˆ-awˇ bi jawˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, nawˬ-ahˇ saˇ jaˇ maˬ ziꞈ-eu miˇ neh, aˬ yawꞈ maꞈ kʼoeˇ taˆ shaꞈ dawˇ-eu jeˬ keuˆ le taˬ-euˬ meh.

Aaˇbaˬdiˇ 1:3

Nawˇ nui ma huiˬ-eu mahˇ-eu jeˬ nawˬ-ahˇ mehˇshuiˇshuiˇ gʼaˬ-euˬ meh. Lo guˇ uˬ gʼmˬ-ahˇ jawˇ-eu nawˇ, gawˬ jawˬ uˬ du ziꞈ luꞈ-eu nawˇ, ‘Ngaˬ-ahˇ gʼeu ka nya nmˇ loˇ’ lehˇ nui ma laꞈ kʼoeˇ lmˬ luꞈ-eu meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Eˇpeˇsu 5:27

Iˇ cuꞈ neh tsiˬ shawˇ-euˬ kʼoeˇ-aˬ, maˇ byawꞈ maˇ naˇ maˬ baw-ehˇ, ehˇ kʼaˇ maˬ za-eu uˬ taꞈ, shawˇ jehˆ ni gʼeh-awˇ iˬ baˇ taˬ kʼaˇ maˬ za-eu aˇ gʼehˇ muiˬ dui dui-eu Ka li zaˬ aˇ muˇ-ahˇ, aˬ yawꞈ-euˬ bi pyeuꞈ laˇ-eu gʼaˇ duˬ mˇ-euˬ jeˬ pyeuꞈ-eu meh.

Gawˇlawˇsehˇ 1:22

Ehˇ kʼawꞈ, naw maꞈ-ahˇ muiˬ-eu shawˇ-eu laꞈ kʼoeˇ iˬ baˇ taˬ kʼaˇ maˬ za ni Miˬyehˇ mehˬ shi bi sheuˬ keuˆ gʼeh-eu gʼaˇ duˬ, aˬ yawꞈ-euˬ Zaˬmaˇ-euˬ shiˬ shaˬ jiˇ gʼawˇ mawˇ bi shiˇ dah-eu laꞈ kʼoeˇ, naw maꞈ Miˬyehˇ-ahˇ tsaˬ leˇ dzoeˇ leˇ nya ni Miˬyehˇ jahˇ-euˬ meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

1 Beˬtuˆluˆ 3:4

Kʼoeˇ loꞈ-ehˇ maˬ ngeuˇ ni, naw maꞈ aˇ gʼehˇ muiˬ-eu jeˬ-aˬ, laꞈ kʼoeˇ gʼawˇ mawˇ pyeuꞈ-eu nui ma aˇ gʼehˇ muiˬ-eu jeˬ ya bi ahˇ meh. Miˬyehˇ mehˬ shi dawˬ tawˆ luꞈ naˆ maˬ tseˇ poeˬ-eu aˇ gʼehˇ muiˬ-eu jeˬ-aˬ, nui ma nahˬ yu ni taˬ-awˇ ciˬ cuˇ ni dehꞈ-eu jeˬ pyeuꞈ-eu meh. Kʼoeˇ-aˬ, tiˬ ziˇ jiˇ tiˬ yehˆ juˬ ni maˬ poˆ maˬ paˇ laˇ nya-eu aˇ gʼehˇ muiˬ-eu jeˬ pyeuꞈ-eu meh.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Panmaeq 5:8

Kʼoeˇ loꞈ-ehˇ yuˇ laˬ leˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, Yawˇzaˬ-euˬ mehˬ shi awˆ byaˆ-euˬ meh. Aˬ yawꞈ maꞈ yawˬ gʼaˬ na luꞈ, deuˇ-mˬ tiˬ siˬ hawˇ-eu tsiˇ yaw saw jeˬ tiˬ byah ni dahˬ-eu shuiˇ naˬ bo deuˬ ahˇ-eu meh.