Dawˬ caˇ 2:13 - Akha

¹³ Siˬ guˬ aˇ siˬ awꞈ yamˬ keuˆ laˇ-awˇ, jaˬ lehˇ baw ngeh aˬ gaꞈ aˇ yehˆ saw dui dui nya. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Dawˬ caˇ 2:13 ပူးပေါင်းရင်းမြစ်များ

Dawˬ caˇ 1:15

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Nawˬ-euˬ myaˆ nuiˆ laꞈ kʼoeˇ, gaˬ-eu yaw shehꞈ bya luꞈ meh.

Dawˬ caˇ 2:10

Ngaˇ gaˬ-eu gʼaˬ ngaˬ-ahˇ dawˬ ngehˬ cawˬ laˇ-eu meh. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Dawˬ caˇ 2:15

Kʼaˬ yehˇ deuˬ-ahˇ nyehꞈ-awˬ. Aˇ yehˆ yehˆ luꞈ-eu aˬ dui-euˬ aˬ gaꞈ yaˇ kmˇ maˬ bi laˆ cawˆ mi naˆ-ehˇ, kʼaˬ yehˇ zaˬ kʼoeˇ deuˬ-ahˇ nyehꞈ-awˬ.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Dawˬ caˇ 7:8

Daoˇ aˇ bawˇ-ahˇ ngaˇ daˆ leˇ-awˇ, aˇ siˬ pyaˆ leˇ ma. Nawˬ-euˬ kʼahˬ nyiˬ pyawˬ aˬ gaꞈ aˇ puˇ-ahˇ duˇ-awˇ, nawˇ saꞈ gʼawˇ-eu siˬyehˆ aˇ siˬ loꞈ-ehˇ saw-awˇ,

Iˇsaˬyaˇ 18:5

Aˬ gaꞈ aˇ paꞈ ga jiˇ-awˇ aˇ siˬ awꞈ laˇ ngeh, aˬ gaꞈ aˇ siˬ maˬ pyaˆ uiˬ dah mi naˆ-ehˇ, aˬ gaꞈ ciˇ ni-ahˇ tsoꞈ-eu uˬ laꞈ-ahˇ, mi cehˇ tawˆ jeˇ neh pyehˆ tsehˆ-eu loꞈ-ehˇ, muiˇ-eu deuˬ Suˬdaˬ tsawˇ haˬ-ahˇ, yaw awˇ laꞈ-ehˇ laˆ cawˆ tehꞈ-a.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Hawˇseˬ 14:6

Aˬ yawꞈ maꞈ baw nmˬ nmˬ laˇ-awˇ, saˬ loˬ aˇ bawˇ loꞈ-ehˇ muiˬ-awˇ, Leˬbaˬnoˬ gawˬ jawˬ-ahˇ dehꞈ-eu, shuˬ liˇ aˇ bawˇ kʼoeˇ deuˬ loꞈ-ehˇ, yaw saꞈ saw dui dui laˇ tehꞈ-a.

Haˬgaiˇ 2:19

Naw maꞈ dzaˬ-eu cehˇ maˬ paˇ ahˇ-ehˇ, aˬ gaꞈ baw duˆ, siˬ guˬ aˇ bawˇ, aˇ ka uˆ aˇ bawˇ hawˇ-eu, saˬ loˬ aˇ bawˇ heu deuˬ aˇ siˬ maˬ siˬ le dah-euˬ kʼawꞈ, nymˬ-mˇ neh dahˬ beh-awˇ naw maꞈ-ahˇ ngaˇ guiˬ lahˬ biꞈ ma.”

Maꞈtehˬ 24:32

“Siˬ guˬ aˇ bawˇ-ahˇ haw-awˇ, yamˬ law toꞈ-awˬ. Laꞈ myaˆ myaˆ laˇ-awˇ baw nmˬ nmˬ doˆ laˇ naˇ, jawˇ la doˆ le meh lehˇ naw maꞈ siˬ nya meh.

Luˇkaꞈ 19:42

heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.