Dawˬ caˇ 2:12 - Akha

¹² Bawˇ tsahˬ-ahˇ sahˬ lahˬ aˇ yehˆ poˬ dui dui luꞈ-eu nga. Yaˇ dzeˇ kʼaˬ kʼoeˬ duˬ duˇ duˇ luꞈ miˇ-a. Dawˬ caˇ caˇ-eu aˇ yamˬ miˇ-a.

Dawˬ caˇ 2:12 ပူးပေါင်းရင်းမြစ်များ

Aˇ dahˬ 15:9

Kʼoeˇ ngeh, “Smˇ kʼoꞈ byah laˇ-euˬ mawˇ neˇ mawˇ kʼaˇ tiˬ mawˇ, smˇ kʼoꞈ byah laˇ-euˬ ciꞈ myehꞈ tiˬ mawˇ, smˇ kʼoꞈ byah laˇ-euˬ yawˇ aˬ buˬ tiˬ mawˇ, kʼaˬ kʼoeˬ tiˬ mawˇ, kʼaˬ guˬ tiˬ mawˇ, heu deuˬ ngaˬ-euˬ gʼaˇ duˬ yuˇ laꞈ-awˬ” lehˇ, Aˬbyaˬ-ahˇ Sahˬpaˬ Miˬyehˇ ehˇ nehˬ-euˬ meh.

Jaceuq 74:19

Laꞈ jeuˬ shaˇ kʼaˇ maˬ za-eu nawˬ-euˬ tsawˇ haˬ deuˬ-ahˇ, haiˬ dui dui-eu muiˇ-eu deuˬ-euˬ laꞈ-ahˇ taˬ byehˇ dzeh nehˬ laꞈ. Kʼehˬ-eu kʼaˆ-eu jeˬ-ahˇ ya daˬ luꞈ-eu nawˬ-euˬ tsawˇ haˬ deuˬ-ahˇ taˬ ngehˇ nehˬ laꞈ.

Jaceuq 89:15

Caˇ dawˬ caˇ-awˇ nawˬ-ahˇ uˬ duˬ tahˬ-eu tsawˇ haˬ deuˬ, nawˇ gʼawˬ shaˬ gaˬ-eu yaw shehꞈ laꞈ kʼoeˇ dehꞈ-eu deuˬ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Dawˬ caˇ 2:11

Yehˇ gʼahˇ dzeuˇ-awˇ tsahˬ gaˆ jiˇ le miˇ-a.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Yeˬlaˬmiˇ 8:7

Yawˬ ha bahˬ-ahˇ ya gʼoꞈ leˇ-eu yamˬ law, uiˇ dzoeˬ deuˬ kʼawꞈ siˬ nya luꞈ meh. Jawˬ jiˇ jawˬ gʼaꞈ hawˇ-eu kʼaˬ guˬ, miˇ kʼahˬ jawˇ paˇ yamˬ siˬ nya meh. Ehˇ kʼawꞈ, ngaˬ-euˬ tsawˇ haˬ pyeuꞈ-eu naw maꞈ, ngaˬ-euˬ zahˇ dawˬ maˬ siˬ nya-a.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.