Dawˬ caˇ 2:1 - Akha

¹ Ngaˇ-aˬ, Shaˬloˬ meuˬ dzeˇ dehꞈ-eu bawˇ tsahˬ aˇ yehˆ loˆ ni tehꞈ ma. Gʼaˬ lawˬ lawˬ mehˇ-ahˇ dehꞈ-eu ka paꞈ aˇ yehˆ loˆ ni tehꞈ ma.

Dawˬ caˇ 2:1 ပူးပေါင်းရင်းမြစ်များ

1 Laˬsaˬbaˬ 5:16

Gaˆ tsawˇ jeuˬ-aˬ, Baˬshaˬ miˇ kʼahˬ hawˇ-eu Giˇlaˆ miˇ kʼahˬ-ahˇ jaˆ-eu meuˬ deuˬ-ahˇ jawˇ-awˇ, Shaˬloˬ meuˬ-euˬ jeˬ zaˬ gaˆ kʼahˬ doe ni jawˇ byah jiˇ-euˬ meh.

Jaceuq 85:11

Tsawˇ haˬ zaˬ-euˬ saˇ jaˇ ziꞈ-eu jeˬ mˬ kʼoeˇ taˆ le keuˆ-awˇ, Miˬyehˇ-euˬ yaw tsaˬ yaw dawˇ jeˬ miˇ tsaˬ kʼoeˇ taˆ haw ka leꞈ tehꞈ-a.

Dawˬ caˇ 2:16

Ngaˇ gaˬ-eu gʼaˬ ngaˬ-euˬ pyeuꞈ-awˇ, ngaˇ aˬ yawꞈ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ yawˇ bo-eu meh.

Dawˬ caˇ 5:13

Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Dawˬ caˇ 6:3

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ-euˬ yawˇ aˬ yawꞈ bo-eu meh.

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.