Dawˬ caˇ 1:7 - Akha

⁷ Ngaˇ gaˬ-eu gʼaˬ-oˇ, nawˇ yawˇ aˬ geu paw bo te lehˇ ehˇ nehˬ laꞈ sheˇ. Nah gʼahˇ paw aˬ geu tsahˇ-ahˇ naˇ shmˇ bi awˆ te lehˇ ehˇ nehˬ laꞈ sheˇ. Yawˇ bo-eu tsawˇ haˬ deuˬ teu myaˆ ni jawˇ-eu, nawˬ-ahˇ ngaˇ poˆ mawˇ nya nmˇ loˇ.

Dawˬ caˇ 1:7 ပူးပေါင်းရင်းမြစ်များ

Aˇ dahˬ 37:16

“Heu paw jeˬ zaˬ bi bo le-euˬ ngaˬ-euˬ aˇ doˆ deuˬ-ahˇ poˆ le-euˬ ma. Aˬ yawꞈ maꞈ aˬ geu tsahˇ jawˇ-eu nawˬ-ahˇ maˬ siˬ nya nya loˇ” lehˇ, tsawˇ haˬ kʼoeˇ gʼaˬ-ahˇ Yoˇsehˆ naˇ haˬ-euˬ meh.

Jaceuq 116:1

Ngaˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-eu miˇ neh, Sahˬpaˬ Miˬyehˇ-ahˇ ngaˇ gaˬ-eu ma.

Jaceuq 18:1

SahˬpaˬMiˬyehˇ-ahˇngaˇgaˬma. Nawˇ-aˬ, ngaˬ-euˬgʼaˬpyeuꞈ-eu ma.

Jaceuq 28:1

Ngaˇgʼoe-eu SahˬpaˬMiˬyehˇ-oˇ, ngaˇkuˇgaˇ naˇhaˬnehˬlaꞈ-awˬ. Ngaˬ-euˬ ziꞈ duˬlo guˇ-oˇ, maˬnaˇhaˬni taˬbyehˇnehˬlaꞈ. Ngaˇkuˇgaˇ maˬnaˇhaˬlaꞈnaˇ, shiˇ-eu duˬkʼahˬ-ahˇga ahˇ-awˇ, ya shaˬluꞈ-eu tsawˇhaˬnehˬ-ehˇ, ngaˇya shaˬ-eu yaw duˬbaw meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Dawˬ caˇ 2:16

Ngaˇ gaˬ-eu gʼaˬ ngaˬ-euˬ pyeuꞈ-awˇ, ngaˇ aˬ yawꞈ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ yawˇ bo-eu meh.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Dawˬ caˇ 5:10

Ngaˬ-euˬ zaˬ kʼaˬ aˬ lmˬ mehˇ-awˇ aˇ gʼehˇ muiˬ-eu ma. Aˬ yawꞈ loꞈ-ehˇ gʼeh-eu tiˬ muiˇ gʼaˬ-ahˇ tiˬ gʼaˬ maˬ keuˬ-a.

Dawˬ caˇ 5:16

Aˬ yawꞈ dawˬ ngehˬ-eu naˇ haˬ muiˬ dui dui-awˇ, mawꞈ dui dui leˇ paˬ-ehˇ gʼeh-eu meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-euˬ zaˬ kʼaˬ pyeuꞈ-eu ngaˬ-euˬ cawˬ-aˬ, kʼoeˇ loꞈ-ehˇ gʼeh-eu tsawˇ haˬ ma.

Dawˬ caˇ 5:8

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Ngaˬ-euˬ zaˬ kʼaˬ-ahˇ naw maꞈ ya mawˇ naˇ, ngaˇ aˬ yawꞈ-ahˇ gaˬ dui dui-eu miˇ neh, jawˇ saˇ tiˬ pawꞈ-iˬ maˬ doˆ nya lehˇ ehˇ nehˬ ma lehˇ, ngaˬ-ahˇ saˇ jaˇ dzaˬ-awˬ.

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Dawˬ caˇ 6:3

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-euˬ ma. Ka paꞈ aˇ yehˆ yehˆ yaˇ-ahˇ aˬ yawꞈ-euˬ yawˇ aˬ yawꞈ bo-eu meh.

Dawˬ caˇ 8:13

Ngaˇ gaˬ-eu gʼaˬ-oˇ, yaˇ kmˇ-ahˇ nawˬ-euˬ teˇ saˇ bi gaˬ le sheˇ. Ngaˬ-euˬ cawˬ deuˬ nawˇ dawˬ ngehˬ gaˇ gaˬ mawꞈ-eu loꞈ luꞈ meh.

Iˇsaˬyaˇ 13:20

Tsawˇ haˬ tiˬ gʼaˬ-iˬ kʼoeˇ gaˇ maˬ jawˇ-ehˇ pyeuꞈ-iˇ-awˇ, Aˬlaˆ tsawˇ haˬ kʼoeˇ gaˇ sehˬ gʼawˆ gʼawˆ-awˇ maˬ paˇ naˬ-ehˇ, yawˇ bo laˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Iˇsaˬyaˇ 5:1

Ngaˬ-euˬ cawˬ hawˇ-eu aˬ yawꞈ-euˬ aˬ gaꞈ yaˇ kmˇ gaˇ kawˆ, ngaˇ caˇ gaˇ naˇ haˬ sheˇ. Miˇ muiˬ muiˬ dui dui-eu gawˬ duˇ kʼoeˇ taˆ, ngaˬ-eu cawˬ aˬ gaꞈ yaˇ kmˇ tiˬ kmˇ jaˆ meh.

Yeˬlaˬmiˇ 33:12

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Kʼaˇ shuiꞈ deh ga loꞈ-ehˇ jaˆ-awˇ, tsawˇ haˬ hawˇ-eu jeˬ zaˬ maˬ jawˇ-eu miˇ kʼahˬ heu kʼahˬ laꞈ kʼoeˇ, yawˇ bo-eu deuˬ yawˇ gaˆ kʼahˬ jaˆ laˇ tehꞈ-a.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Yoˇhaˬ 10:11

“Ngaˇ-aˬ, muiˬ-eu yawˇ bo-eu yaw sahˇ ma. Yawˇ deuˬ-euˬ gʼaˇ duˬ ngaˇ shiˇ dah peuˬ ma.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.

1 Beˬtuˆluˆ 2:7

Kʼaˬ lo heu-aˬ, jah-eu tsawˇ haˬ deuˬ pyeuꞈ-eu naw maꞈ gʼaˇ duˬ poeˬ dui lawˬ dui dui-eu meh. Ehˇ kʼawꞈ, maˬ jah-eu tsawˇ haˬ deuˬ gʼaˇ duˬ-aˬ, heu loꞈ-ehˇ ehˇ taˬ-euˬ meh. “Nymˇ tsoˆ-eu deuˬ maˬ geuꞈ nahˇ-ehˇ, byehˇ dzeh taˬ-euˬ kʼaˬ lo kʼoeˇ siˬ, dawˬ tawˆ luꞈ naˆ maˬ tseˇ poeˬ-eu, laˬ coeˇ lo ziꞈ pyeuꞈ laˇ-euˬ meh.”

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.

Luˇta 2:21

Luˇta ehˇ-eu, “Kʼoeˇ uˬ taꞈ, heu loꞈ-ehˇ aˬ yawꞈ paˇ ehˇ ta siˬ. Cehˇ maˬ laˆ luiˆ jiˇ kʼoeˇ keuˆ ni, aˬ yawꞈ-euˬ deh yaˇ-ahˇ oe-awˇ, cehˇ yehˬ-eu tsawˇ haˬ dawˬ peh, cehˇ nmˇ gʼoˆ le-awˬ lehˇ, aˬ yawꞈ ngaˬ-ahˇ paˇ ehˇ ta siˬ.”