Dawˬ caˇ 1:5 - Akha

⁵ Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Dawˬ caˇ 1:5 ပူးပေါင်းရင်းမြစ်များ

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Jaceuq 45:9

Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Jaceuq 90:17

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ guiˬ lahˬ yaw dzahˇ bi keuˆ le-awˬ. Nga maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, guiˬ lahˬ bi baw le-awˬ.

Dawˬ caˇ 2:14

Nawˇ-aˬ, lo guˇ maˇ byoe-ahˇ dzuˇ zaꞈ luꞈ-eu kʼaˬ kʼoeˬ-ahˇ duˇ nga. Gʼawˬ shaˬ gaˬ dui dui paˬ-ehˇ gʼeh-eu nawˬ-euˬ myaˆ pyawˬ ciˬ mawˇ le-awˇ, naˇ haˬ muiˬ-eu nawˬ-euˬ teˇ saˇ bi gaˬ le sheˇ.

Dawˬ caˇ 2:7

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Kʼaˬ tsehˆ ciˇ haˬ deuˬ-euˬ tsawˇ myahˇ kuˇ-awˇ, nga nyaꞈ gaˬ taꞈ-eu jeˬ-ahˇ maˬ laˆ gʼawˬ lehˇ saˇ jaˇ dzaˬ-awˬ.

Dawˬ caˇ 3:10

Nuiˇ mahˬ-euˬ aˬ kuiˇ-ahˇ pyuˇ yaw-awˇ, naˇ kʼah kʼawˬ daˇ duˬ-ahˇ shuiˇ neh aˇ boꞈ boꞈ taˬ-euˬ saˬ paˇ tsahˬ taˬ-euˬ meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ neh zaꞈ taˬ-euˬ, neˇ tseuˆ ni gʼeh-eu muiˬ dui dui-eu saˬ paˇ nuiˇ daˬ duˬ-ahˇ kʼawˬ taˬ-euˬ meh.

Dawˬ caˇ 3:5

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Kʼaˬ tsehˆ ciˇ haˬ deuˬ-euˬ tsawˇ myahˇ kuˇ-awˇ, nga nyaꞈ gaˬ taꞈ-eu jeˬ-ahˇ maˬ laˆ gʼawˬ lehˇ saˇ jaˇ dzaˬ-awˬ.

Dawˬ caˇ 4:3

Nawˬ-euˬ mehˬ luˬ aˇ caˆ caˆ neˇ-ahˇ duˇ-awˇ, dawˬ ngehˬ ngeh haw muiˬ dui dui meh. Uˬ boeˬ tsahˇ kaˬ taˬ-eu naˇ kʼah, nawˬ-euˬ baˬ ba neˇ jiˆ poˬ ni jaˆ-eu meh.

Dawˬ caˇ 5:16

Aˬ yawꞈ dawˬ ngehˬ-eu naˇ haˬ muiˬ dui dui-awˇ, mawꞈ dui dui leˇ paˬ-ehˇ gʼeh-eu meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-euˬ zaˬ kʼaˬ pyeuꞈ-eu ngaˬ-euˬ cawˬ-aˬ, kʼoeˇ loꞈ-ehˇ gʼeh-eu tsawˇ haˬ ma.

Dawˬ caˇ 5:8

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Ngaˬ-euˬ zaˬ kʼaˬ-ahˇ naw maꞈ ya mawˇ naˇ, ngaˇ aˬ yawꞈ-ahˇ gaˬ dui dui-eu miˇ neh, jawˇ saˇ tiˬ pawꞈ-iˬ maˬ doˆ nya lehˇ ehˇ nehˬ ma lehˇ, ngaˬ-ahˇ saˇ jaˇ dzaˬ-awˬ.

Dawˬ caˇ 6:4

Ngaˬ-euˬ zaˬ kʼaˬ-oˇ, nawˇ-aˬ Yeˬluˇsaˬlehˬ meuˬ loꞈ-ehˇ aˇ gʼehˇ muiˬ-awˇ, Teuˇzaˬ meuˬ loꞈ-ehˇ mawꞈ leˇ paˬ-ehˇ gʼeh-eu uˬ taꞈ, paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ, maˬ haw dehˆ coeˇ ni gʼeh-eu meh.

Dawˬ caˇ 8:4

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Nga nyaꞈ gaˬ taꞈ-eu jeˬ-ahˇ maˬ laˆ gʼawˬ lehˇ saˇ jaˇ dzaˬ-awˬ.

Iˇsaˬyaˇ 21:16

Kʼoeˇ naˇ, Sahˬpaˬ Miˬyehˇ ngaˬ-ahˇ ehˇ-eu, “Tiˬ kʼoꞈ daw law ni byah laˇ ngeh, Geˬdaˬ tsawˇ jeuˬ-euˬ huiˬ-eu yaw shehꞈ kʼahˬ sehˇ, piˬ le byoˆ le tehꞈ-a.

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Iˇsaˬyaˇ 60:7

Geˬdaˬ meuˬ hawˇ-eu Neˬbaˬyoˇ meuˬ-ahˇ kʼaˇ jawˇ-eu yawˇ deuˬ, lawˇ-eu shehˇ-eu gʼaˇ duˬ nawˇ jawˇ gaˇ teh keuˆ laꞈ jiˇ-awˇ, lawˇ duˬ kʼoeˇ taˆ Sahˬpaˬ Miˬyehˇ-ahˇ ya lawˇ nehˬ tehꞈ-a. Sahˬpaˬ Miˬyehˇ aˬ yawꞈ-euˬ Uˬ duˬ tahˬ nymˇ nymˇ ma-ahˇ, dzeuˇ laˇ ngeh naˆ maˬ tseˇ yaw shehꞈ kʼahˬ sehˇ bi huiˬ tehꞈ-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Yeˬsaˬgeˬlaˇ 16:14

Nawˬ-ahˇ ngaˬ neh laˆ muiˬ nehˬ-euˬ miˇ neh, miˇ kʼahˬ yawˬ kʼahˬ na luꞈ laꞈ kʼoeˇ nawˇ aˇ gʼehˇ muiˬ-eu tsawˇ myahˇ doˆ dui dui meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 22:11

“Sahˬ paˬ kʼoeˇ gʼaˬ uˇ le-awˇ, daˬ yah deuˬ-ahˇ haw le ngeh, oeˇ mˇ baˇ gaˇ laˇ ngeh ya dm-eu mehˬ tsoeˬ maˬ dm taˬ-euˬ tsawˇ haˬ tiˬ gʼaˬ-ahˇ haw mawˇ-euˬ meh.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 4:26

Ehˇ kʼawꞈ, mˬ taˆ-euˬ Yeˬluˇsaˬlehˬ meuˬ-aˬ, buˬ-iˇ-euˬ meuˬ pyeuꞈ-eu meh. Meuˬ kʼoeˇ meuˬ-aˬ, aˬ dui-euˬ aˬ ma pyeuꞈ-eu meh.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

1 Yoˇhaˬ 3:1

Aˬda Miˬyehˇ aˬ dui-ahˇ aˇ naˆ ni gaˬ-eu gaˇ kawˆ shaˇ noeˬ haw sheˇ. Aˬ yawꞈ aˬ dui-ahˇ gaˬ dui dui-eu miˇ neh Miˬyehˇ-euˬ zaˬ lehˇ myahˇ nehˬ laꞈ-euˬ meh. Aˬ dui-aˬ, maˇ maˇ ni aˬ yawꞈ-euˬ zaˬ deuˬ ma. Kʼoeˇ miˇ neh, miˇ tsaˬ zaˬ deuˬ aˬ dui-ahˇ maˬ siˬ nya-a. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ maˬ siˬ nya-eu miˇ neh, aˬ dui-ahˇ maˬ siˬ nya-eu jeˬ pyeuꞈ-eu meh.