Dawˬ caˇ 1:4 - Akha

⁴ Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Dawˬ caˇ 1:4 ပူးပေါင်းရင်းမြစ်များ

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 119:32

Nawˬ-euˬ zahˇ dawˬ kʼoꞈ dawˬ-ahˇ ngaˇ nui ma keuˆ-awˇ naˇ haˬ geuꞈ-eu ma. Aˬ jeˬ miˇ neh ehˇ naˇ, nawˇ ngaˬ-ahˇ noeˬ siˬ noeˬ mawˇ nya-eu guiˬ lahˬ biꞈ laꞈ tehꞈ-a.

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 42:4

Miˬyehˇ-euˬUˬduˬtahˬnymˇ-ahˇ, tsawˇhaˬaˇmaꞈsheuˬawˇle-awˇ, laˬkʼaˬcehˇ-awˇguˇ-eu laꞈkʼoeˇ, Miˬyehˇguiˬlahˬ-ahˇja ceuˬ-euˬ, gaˇkawˆkʼoeˇdeuˬnoeˬmawˇlaˇngeh, ngaˬ-euˬnui ma tsawˬpaˆ-iˇnya.

Jaceuq 48:9

Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma laꞈ kʼoeˇ, maˬ tsehˆ leˇ-eu nawˬ-euˬ gʼoeˇ-eu gaˬ-eu jeˬ-ahˇ, nga maˬ shaˇ noeˬ-eu ma.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Dawˬ caˇ 3:4

Aˬ yawꞈ maꞈ jawˇ-eu iˇ dzeuˇ-eu nehˬ-ehˇ, ngaˇ gaˬ-eu gʼaˬ-ahˇ poˆ mawˇ-euˬ ma. Ngaˬ ma-euˬ nymˇ laꞈ kʼoeˇ ngaˇ dehꞈ le-euˬ kuˆ lawˆ-ahˇ, aˬ yawꞈ-ahˇ maˬ sheuˬ uˇ keuˆ kʼoeˇ keuˆ ni, maˬ pyehˬ nehˬ ni byaˇ cuꞈ taˬ-euˬ ma.

Dawˬ caˇ 4:10

Ngaˇ gaˬ-eu ngaˬ-euˬ zaˬ kʼaˬ-oˇ, nawˬ-euˬ nui gaˬ-ahˇ ngaˇ nui kʼahˇ shiˇ dui dui nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ-awˇ, nawˬ-euˬ tsiˇ yaw saw jeˬ-aˬ, yaw saw jeˬ dawˬ tawˆ luꞈ naˆ maˬ tseˇ saw nya.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Hawˇseˬ 11:4

Nui gaˬ shaˬ coeˇ byah-eu laꞈ kʼoeˇ, aˬ yawꞈ maꞈ-ahˇ ngaˇ tsahˇ-euˬ ma. Aˬ yawꞈ maꞈ-ahˇ ciˬ cuˇ cuˇ-awˇ, baˬ ba tiˬ gaˇ ciˬ tawꞈ-euˬ ma. Ngaˬ-euˬ gʼawˇ mawˇ awˆ kʼoꞈ nehˬ-awˇ, aˬ yawꞈ maꞈ-ahˇ bi dzaˬ-euˬ ma.

Zeˬpaˬniˇ 3:14

Iˇsaˬleˬlaˆ tsawˇ haˬ deuˬ-oˇ, laˬ kʼaˬ cehˇ dawˬ guˇ-awˇ caˇ-awˬ. Nui ma gʼawˇ mawˇ laꞈ kʼoeˇ keuˆ ni, Yeˬluˇsaˬlehˬ laˬ kʼaˬ cehˇ-awˬ.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 25:10

Kʼoeˇ ngeh, aˬ buˇ zaˬ guˬ yaw laiꞈ kʼoeˇ deuˬ tsiˇ zeuˇ-eu lehˇ doˆ-iˇ-euˬ meh. Aˬ yawꞈ maꞈ iˇ dzeuˇ ngeh, miˬ zaˬ sheuˬ le-eu gʼaˬ oe keuˆ-euˬ meh. Lehˬ hmˬ dah taˬ-euˬ aˬ buˇ zaˬ guˬ kʼoeˇ ngaˬ gʼaˬ-aˬ, aˬ yawꞈ nehˬ-ehˇ oeˇ mˇ baˇ-eu bawˬ-iˬ gʼeh gaˇ uˇ leˇ-euˬ meh. Kʼoeˇ naˇ, laˇ gʼoˆ piˬ tehˬ-euˬ meh.

Luˇkaꞈ 2:10

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, ‘Taˬ guˆ. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ laˬ kʼaˬ cehˇ dui dui paˬ-ehˇ gʼeh-eu laˬ kʼaˬ cehˇ-eu guiˬ lahˬ dawˬ naw maꞈ-ahˇ ngaˇ tsaꞈ gaˬ le-euˬ ma.

Luˇkaꞈ 22:19

Kʼoeˇ loꞈ-ehˇ ehˇ gʼaˬ ngeh, aˬ yawꞈ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ ngawˬ pyehˬ-euˬ meh. Kʼoeˇ naˇ, aˬ yawꞈ maꞈ-ahˇ biˇ nehˬ-awˇ ehˇ-eu, “Heu-aˬ, naw maꞈ gʼaˇ duˬ lawˇ nehˬ-euˬ ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ.”

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

Yoˇhaˬ 6:44

Aˬda neh sheuˬ ha laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a. Aˬda neh sheuˬ ha laˇ-euˬ tsawˇ haˬ-ahˇ, aˇ saˬ saˬ ngeh nah ngaˇ bi gʼoꞈ dehꞈ laˇ ma.

Eˇpeˇsu 2:6

Mˬ kʼoeˇ taˆ jaˆ-eu miˇ kʼahˬ-ahˇ Yeˬsuˇ Ka li nehˬ-ehˇ aˬ dui ya uˆ lahˇ ni, Miˬyehˇ neh aˬ dui-ahˇ Ka li nehˬ-ehˇ bi gʼoꞈ dehꞈ laˇ-euˬ meh.

Eˇpeˇsu 6:24

Aˬ dui-euˬ Sahˬpaˬ Yeˬsuˇ ka li-ahˇ tiˬ jawˇ-iˬ maˬ piˬ maˬ byoˆ-iˇ nya-eu gʼoeˇ-eu gaˬ-eu jeˬ neh kʼaˇ gaˬ-eu tsawˇ haˬ dawˬ tawˆ luꞈ kʼoeˇ taˆ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ jaˆ luꞈ-uˇ.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.