Dawˬ caˇ 1:3 - Akha

³ Nawˬ-euˬ gʼawˇ mawˇ tiˬ jawˬ saw dui dui-awˇ, nawˬ-euˬ tsawˇ myahˇ tsiˇ yaw saw shehˆ kʼaˇ gaˇ duˇ nya. Nawˬ-ahˇ maˬ mawꞈ-eu zaˬ miˬ zaˬ maˬ jawˇ-a.

Dawˬ caˇ 1:3 ပူးပေါင်းရင်းမြစ်များ

Jaceuq 133:2

Kʼoeˇ loꞈ-ehˇ dehꞈ taꞈ jawˇ taꞈ-eu jeˬ-aˬ, Aˬloˬ-euˬ uˬ duˬ-ahˇ neh mehˬ mahˬ-ahˇ yoeˇ ka le-awˇ, aˬ yawꞈ-euˬ pehˇ kʼahˬ lahˇ baˆ-ahˇ yoeˇ lehꞈ le-euˬ, aˇ poeˬ kʼaˆ-eu tsiˇ-ahˇ duˇ-eu meh.

Jaceuq 45:14

Haw muiˬ dui dui-eu paˇ keuˬ ciˬ taˬ-euˬ pehˇ kʼahˬ pehˇ mahˇ aˬ yawꞈ dm-awˇ, aˬ yawꞈ-ahˇ sheuˬ ha-eu miˬ shuiꞈ deuˬ nehˬ-ehˇ tiˬ kawˆ loꞈ-ehˇ, sahˬ paˬ mehˬ shi sheuˬ gʼeh nehˬ-eu meh.

Doˆ-iˇ 33:12

Sahˬpaˬ Miˬyehˇ-ahˇ Moˇseˬ ehˇ nehˬ-eu, “Tsawˇ haˬ heu deuˬ-ahˇ miˇ kʼahˬ kʼoeˇ kʼahˬ-ahˇ sheuˬ gʼeh-awˬ lehˇ, nawˇ ngaˬ-ahˇ kʼehˇ-eu meh. Ehˇ kʼawꞈ, ngaˬ nehˬ-ehˇ aˬ suˇ gʼaˬ bi le-eu gaˇ kawˆ nawˇ maˬ ehˇ-a. Nawˇ ngaˬ-ahˇ yaw muiˬ paˬ-ehˇ siˬ nya-awˇ, nui ma tsaˬ-eu ma lehˇ ehˇ taˬ-euˬ meh.

Doˆ-iˇ 33:19

Sahˬpaˬ Miˬyehˇ ehˇ-eu, “Ngaˬ-euˬ yaw muiˬ yaw jaˬ jeˬ dawˬ tawˆ luꞈ nawˬ-euˬ dawˬ peh bi oe tsehˆ-awˇ, muiˬ-eu shawˇ-eu ngaˬ-euˬ tsawˇ myahˇ-ahˇ nawˬ-euˬ mehˬ shi ngaˇ kuˇ ma. Ngaˇ-aˬ, Sahˬpaˬ Miˬyehˇ pyeuꞈ-awˇ, ngaˇ caw ba mawꞈ-eu deuˬ-ahˇ ngaˇ caw ba-awˇ, ngaˇ gʼawˬ shaˬ gaˬ mawꞈ-eu deuˬ-ahˇ ngaˇ gʼawˬ shaˬ gaˬ ma.

Dawqdaq 27:9

Naˬ maˬ hawˇ hawˇ-eu tsiˇ yaw saw jeˬ nawˬ-ahˇ laˬ kʼaˬ bi cehˇ-awˇ, guˆ-eu gaˆ-eu jeˬ nawˬ-euˬ nui ma-ahˇ shaˬ zahˬ bi naꞈ-eu meh.

Dawˬ tsoˆ 7:1

Tsawˇ myahˇ muiˬ-eu jeˬ-aˬ, poeˬ-eu tsiˇ yaw saw naˆ maˬ tseˇ, aˇ poeˬ kʼaˆ dzehˬ-eu meh. Dehꞈ le-euˬ nah maˬ tseˇ, shiˇ nah poeˬ dzehˬ-eu meh.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 4:10

Ngaˇ gaˬ-eu ngaˬ-euˬ zaˬ kʼaˬ-oˇ, nawˬ-euˬ nui gaˬ-ahˇ ngaˇ nui kʼahˇ shiˇ dui dui nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ-awˇ, nawˬ-euˬ tsiˇ yaw saw jeˬ-aˬ, yaw saw jeˬ dawˬ tawˆ luꞈ naˆ maˬ tseˇ saw nya.

Dawˬ caˇ 5:13

Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Dawˬ caˇ 5:5

Aˬ yawꞈ bi uˇ laˇ law lehˇ ngaˇ lehˬ hmˬ taˬ-euˬ ma. Ngaˬ-euˬ aˬ laꞈ-ahˇ muˇ laˬ tsiˇ sawˆ-awˇ, ngaˬ-euˬ laꞈ noeˇ-ahˇ muˇ laˬ tsiˇ lehꞈ-awˇ, laˇ gʼoˆ sehˬ-ahˇ ngaˇ tuˆ tehˬ-euˬ ma.

Dawˬ caˇ 6:8

Sahˬ paˬ miˬ zaˬ koꞈ tseˇ gʼaˬ baw-awˇ, ma nyiˇ yehꞈ tseˇ gʼaˬ jawˇ-eu uˬ taꞈ, zaˬ miˬ aˬ buˇ maˬ gui jiˇ coeˇ ni cu taˬ luꞈ-uˇ.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Maꞈtehˬ 25:1

“Aˇ nah aˇ yamˬ kʼoeˇ yamˬ keuˆ le ngeh, Mˬtaˆ Miˇkʼahˬ-aˬ, heu loꞈ-ehˇ duˇ tehꞈ-a. Miˬ zaˬ sheuˬ le-eu kʼaˬ dzeˇ zaˬ-ahˇ ha laˬ leˇ-eu gʼaˇ duˬ, aˬ buˇ zaˬ guˬ tseˇ gʼaˬ yawˬ ha-euˬ tsiˇ kʼmˬ ciˬ-awˇ le-euˬ meh.

Yoˇhaˬ 12:3

Maˬliˇ-aˬ, naˬduˇ lehˇ kuˇ-eu aˇ bawˇ-euˬ tsiˇ neh jahˇ taˬ-euˬ aˇ poeˬ kʼaˆ dui dui-eu tsiˇ yaw saw jeˬ smˬ kaˇ byah ni yuˇ-awˇ, Yeˬsuˇ-euˬ aˬ kuiˇ-ahˇ shehˆ daˆ-awˇ, aˬ yawꞈ-euˬ uˬ duˬ tsehˇ kahˇ neh shiˆ shawˇ nehˬ-euˬ meh.

2 Gawˇliˬtu 11:2

Miˬyehˇ naw maꞈ-ahˇ nui ma maˬ shiˇ-eu loꞈ-ehˇ, ngaˇ kʼawꞈ naw maꞈ-ahˇ nui ma maˬ shiˇ nya. Naw maꞈ miˬ shuiꞈ tiˬ gʼaˬ loꞈ-ehˇ Ka li tiˬ gʼaˬ-ahˇ tehꞈ-ehˇ bi dahˬ dzaˬ-iˇ-eu gʼaˇ duˬ saˇ jaˇ dzaˬ nehˬ-euˬ gʼaˬ ngaˇ ma.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.