Dawˬ caˇ 1:2 - Akha

² Nawˬ-euˬ mehˬ luˬ neh mehˬ cuˇ tiˬ gʼoeˬ bi cuˇ mawꞈ nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ nya.

Dawˬ caˇ 1:2 ပူးပေါင်းရင်းမြစ်များ

Aˇ dahˬ 29:11

Kʼoeˇ naˇ, Laˬkeˬlaˇ-ahˇ mehˬ cuˇ cuˇ nehˬ gʼaˬ-awˇ, laˬ kʼaˬ cehˇ dui dui-eu miˇ neh, guˇ guˇ-ehˇ ngoeˇ-euˬ meh.

Aˇ dahˬ 45:15

Yoˇsehˆ ngoeˇ ngoeˇ-ehˇ, aˬ ha mehˇ nmˇ tiˬ gʼaˬ saˇ-iˬ tiˬ gʼaˬ-ahˇ byaˇ cuꞈ-awˇ, mehˬ cuˇ cuˇ nehˬ-euˬ meh. Kʼoeˇ naˇ, aˬ ha mehˇ nmˇ aˬ yawꞈ nehˬ-ehˇ dawˬ ja ja cawˬ-euˬ meh.

Jaceuq 36:7

Miˬyehˇnawˇ gʼoeˇ-eu gaˬ-eu jeˬ, aˇnaˆni poeˬ-eu lawˬ-eu nga. Nawˬ-euˬaˬdahˇnaˇshmˇuˬmoˆ, tsawˇhaˬzaˬ awˆkʼaˇza-eu meh.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Dawˬ caˇ 2:4

Dzaˬ byawˇ lawˇ-eu nymˇ ma laꞈ kʼoeˇ aˬ yawꞈ ngaˬ-ahˇ sheuˬ uˇ gʼeh-awˇ, aˬ yawꞈ-euˬ nui gaˬ paˇ loˬ paˇ lehˇ, ngaˬ-euˬ kʼoeˇ taˆ sheu taw nehˬ laꞈ-euˬ meh.

Dawˬ caˇ 4:10

Ngaˇ gaˬ-eu ngaˬ-euˬ zaˬ kʼaˬ-oˇ, nawˬ-euˬ nui gaˬ-ahˇ ngaˇ nui kʼahˇ shiˇ dui dui nya. Nawˬ-euˬ nui gaˬ aˬ gaꞈ dzaˇ uiˇ naˆ maˬ tseˇ coeˇ-awˇ, nawˬ-euˬ tsiˇ yaw saw jeˬ-aˬ, yaw saw jeˬ dawˬ tawˆ luꞈ naˆ maˬ tseˇ saw nya.

Dawˬ caˇ 5:16

Aˬ yawꞈ dawˬ ngehˬ-eu naˇ haˬ muiˬ dui dui-awˇ, mawꞈ dui dui leˇ paˬ-ehˇ gʼeh-eu meh. Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-euˬ zaˬ kʼaˬ pyeuꞈ-eu ngaˬ-euˬ cawˬ-aˬ, kʼoeˇ loꞈ-ehˇ gʼeh-eu tsawˇ haˬ ma.

Dawˬ caˇ 7:12

Aˇ nyaꞈ uˬ shawˬ yaw naꞈ-ehˇ tuˇ-awˇ, aˬ gaꞈ baw nmˬ nmˬ laˇ ngaˬ loˇ lehˇ haw-iˇ kaˇ-euˇ. Aˇ cuˬ cuˬ laˇ ngaˬ loˇ lehˇ haw-iˇ kaˇ-euˇ. Aˇ ka uˆ aˇ bawˇ aˇ yehˆ yehˆ laˇ ngaˬ loˇ lehˇ haw-iˇ kaˇ-euˇ. Kʼoeˇ gaˇ, ngaˬ-euˬ nui gaˬ nawˬ-ahˇ biꞈ ma.

Dawˬ caˇ 7:6

Nawˇ aˇ naˆ ni aˇ gʼehˇ muiˬ-eu nga. Aˇ naˆ ni mawꞈ leˇ paˬ-ehˇ gʼeh-eu nga. Nawˬ-euˬ nui gaˬ-ahˇ aˇ naˆ ni nui kʼahˇ shiˇ paˬ-ehˇ gʼeh-eu nga.

Dawˬ caˇ 7:9

nawˬ-euˬ kʼaˬ meh aˬ gaꞈ dzaˇ uiˇ loꞈ-ehˇ coeˇ nya. Ngaˇ gaˬ-eu gʼaˬ jawˇ-eu nyiˬ paˆ-ehˇ aˬ gaꞈ dzaˇ uiˇ yoeˇ gʼeh luꞈ-uˇ. Aˬ yawꞈ-euˬ mehˬ luˬ hawˇ-eu seuˬ kʼoeˇ taˆ yoeˇ daˆ luꞈ-uˇ.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Maꞈtehˬ 26:26

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, ngaˬ-euˬ gʼawˇ mawˇ ma. Yuˇ-awˇ dzaˬ-awˬ” lehˇ ehˇ-awˇ biˇ nehˬ-euˬ meh.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Gʼaˬkʼehˇ 21:7

Duˇlu meuˬ-ahˇ neh saˇ baoˬ dziˬ gʼeh-awˇ Baˬdawˇleˬ meuˬ-ahˇ nga maꞈ iˇ keuˆ-euˬ ma. Kʼoeˇ gaˇ jawˇ-eu jah-eu tsawˇ haˬ deuˬ-ahˇ tahˬ puˬ-awˇ, aˬ yawꞈ maꞈ nehˬ-ehˇ tiˬ nah jawˇ-euˬ ma.

1 Beˬtuˆluˆ 5:14

Ka li zaˬ cawˬ cawˬ gʼoeˇ-eu gaˬ-eu jeˬ-ahˇ taꞈ-eu shawˇ jehˆ ni gʼeh-eu mehˬ cuˇ cuˇ-eu jeˬ laꞈ kʼoeˇ, tiˬ gʼaˬ tiˇ gʼaˬ dawˬ cawˬ puˬ-awˇ ha-awˬ. Ka li-ahˇ taꞈ-eu tsawˇ haˬ pyeuꞈ-eu naw maꞈ dawˬ tawˆ luꞈ kʼoeˇ taˆ nui saˇ oꞈ-eu jeˬ jaˆ luꞈ-uˇ.