Dawqdaq 9:8 - Akha

⁸ Kʼahˬ sehˇ jehˆ-eu tsawˇ haˬ-ahˇ tiˬ jawˇ-iˬ taˬ mehˬ taˬ tsoˆ. Aˬ yawꞈ nawˬ-ahˇ bye tehꞈ-a. Tsawˇ gahˇ ahˇ-eu tsawˇ haˬ-ahˇ mehˬ nehˬ tsoˆ nehˬ-awˬ. Aˬ yawꞈ nawˬ-ahˇ yaw zeu baw tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqjaf jaf-eu tsawrhaq-anr maeqpar-eu laer taqghae. Khoerlof-aer janr nar-aq, aqyawf, nawq-anr byae taef-a. Tsawrganr anr-eu tsawrhaq-anr dzawpar naeq-awq. Khoerlof-aer janr nar-aq, aqyawf, nawq-anr gaq taef-a.

Dawqdaq 9:8 ပူးပေါင်းရင်းမြစ်များ

1 Sahˬpaˬ 1:23

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ laˇ keuˆ-euˬ gaˇ kawˆ sahˬ paˬ-ahˇ tsaꞈ gaˬ gʼaˬ ngeh, Naˬdaˬ uˇ leˇ-awˇ, sahˬ paˬ-euˬ mehˬ shi awˆ byaˆ-awˇ yaw zeu baw nehˬ-euˬ meh.

1 Sahˬpaˬ 1:32

Kʼoeˇ naˇ, piˇ ma Zaˬdoˆ , Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ hawˇ-eu, Yeˬhawˇyaˬdaˬ-euˬ aˬ li Baˬnaˇyaˬ aˬ ha smˇ gʼaˬ-ahˇ sahˬ paˬ neh bi kuˇ laˬ-iˇ-awˇ, aˬ yawꞈ maꞈ laˇ keuˆ-euˬ meh.

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Dawqdaq 1:5

Dawˬ daˬ heu deuˬ-aˬ, nui gahˇ ahˇ-eu deuˬ-ahˇ bi gahˇ dzehˬ laˇ-awˇ, zaˬ siˬ tsawˇ gahˇ byah-eu tsawˇ haˬ deuˬ-ahˇ bi byah dzehˬ laˇ-eu miˇ neh,

Dawqdaq 10:8

Tsawˇ gahˇ ahˇ-eu deuˬ dawˬ mehˬ dawˬ tsoˆ-ahˇ naˇ haˬ geuꞈ-eu meh. Ehˇ kʼawꞈ, kʼahˬ sehˇ jehˆ-eu tsawˇ haˬ deuˬ ya cawˆ-iˇ tehꞈ-a.

Dawqdaq 13:1

Aˬ li yaw gahˇ aˬ da mehˬ gaˇ naˇ haˬ-awˇ, aˬ dzawˬ gʼaˬ yaw lehˬ maˬ geuꞈ mawꞈ-a.

Dawqdaq 13:18

Mehˬ nehˬ tsoˆ nehˬ gaˇ maˬ naˇ haˬ-eu tsawˇ haˬ shaˬ le zahˬ le-awˇ, mehˬ gaˇ tsoˆ gaˇ naˇ haˬ-eu tsawˇ haˬ-ahˇ aˬ cawˬ yaw zeu baw tehꞈ-a.

Dawqdaq 15:12

Aˬ dzawˬ aˇ gah-ahˇ maˬ mehˬ paˇ nya-a. Siˬ dzehˬ nya dzehˬ gaˇ maˬ gʼoe-a.

Dawqdaq 19:25

Zaˬ siˬ zaˬ dawˬ mehˬ dawˬ tsoˆ gʼoˆ geuꞈ nya kʼawꞈ, dawˇ ga deuˬ dzaw geuꞈ nya ni, naˬ lehˬ-ahˇ ya diˬ-eu meh.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Dawqdaq 23:9

Tsawˇ uˬ-ahˇ aˇ poeˬ kʼaˆ-eu dawˬ taˬ ngehˬ nehˬ. Dawˬ yaw poeˬ aˬ yawꞈ maˬ siˬ nya-a. -10-

Dawqdaq 28:23

Ja poeˬ nya-eu gʼaˬ-ahˇ naˆ maˬ tseˇ, mehˬ paˇ tsoˆ paˇ nehˬ-eu gʼaˬ-ahˇ aˬ cawˬ guiˬ lahˬ huiˬ-eu meh.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Iˇsaˬyaˇ 36:21

Sahˬ paˬ Heˬsaˬgiˇ neh ehˇ nehˬ taˬ-euˬ loꞈ-ehˇ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ ni ciˬ cuˇ ni jawˇ-eu meh.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.