Dawqdaq 9:6 - Akha

⁶ Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yawdzawq yawgan jeq byaerdzae-awr, yawdaef daef-awq. Ghovshaw-eu garma-anr can’ghae-awq.”

Dawqdaq 9:6 ပူးပေါင်းရင်းမြစ်များ

Jaceuq 119:115

Yaw haiˬ jeˬ mˇ-eu tsawˇ haˬ deuˬ-oˇ, ngaˬ-euˬ dawˬ peh taˬ jawˇ. Ngaˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ ma.

Jaceuq 45:10

Sahˬ paˬ-euˬ miˬ shuiꞈ-oˇ, ngaˇ ehˇ gaˇ naˇ haˬ sheˇ. Nawˬ-euˬ aˇ jeuˬ aˇ ca hawˇ-eu aˬ yuiꞈ aˬ nyiˇ deuˬ-ahˇ, nawˇ ya ngehˇ byoˆ jiˇ meh.

Dawqdaq 10:17

Mehˬ-eu tsoˆ-eu jeˬ-ahˇ naˇ haˬ-eu tsawˇ haˬ-aˬ, dehꞈ-eu gaˇ ma-ahˇ cah luꞈ-awˇ, maˬ mehˬ maˬ tsoˆ paˇ nya-eu tsawˇ haˬ-aˬ, gaˇ bahˬ iˇ luꞈ-eu meh.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Dawqdaq 23:19

Ngaˬ li-oˇ, naˇ haˬ-awˬ. Yaw muiˬ paˬ-ehˇ dehꞈ-awˇ yaw gahˇ gahˇ-ehˇ shaˇ noeˬ-awˬ.

Dawqdaq 4:11

Ngaˇ nawˬ-ahˇ zaˬ siˬ tsawˇ gahˇ gaˇ ma mehˬ nehˬ-awˇ, dehꞈ-eu gaˇ ma yaw dawˇ kahˇ sheuˬ mehˬ-euˬ ma.

Dawqdaq 8:35

Ngaˬ-ahˇ mawˇ-euˬ tsawˇ haˬ dehꞈ-eu saꞈ laˇ mawˇ-awˇ, aˬ yawꞈ-ahˇ Sahˬpaˬ Miˬyehˇ nui kʼahˇ shiˇ tehꞈ-a.

Dawqdaq 9:11

Zaˬ siˬ tsawˇ gahˇ nawˬ-ahˇ ziˇ bi baw-awˇ, nawˬ-euˬ aˇ kʼoꞈ bi mahˇ dzehˬ laˇ tehꞈ-a.

Yeˬsaˬgeˬlaˇ 11:20

Kʼoeˇ ngeh jawˇ, ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ maꞈ caw teh-awˇ, ngaˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ tehꞈ-a. Aˬ yawꞈ maꞈ ngaˬ-euˬ tsawˇ jeuˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Yeˬsaˬgeˬlaˇ 37:24

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a. Sahˬ paˬ tiˬ gʼaˬ uˆ lahˇ-eu uˬ moˆ, aˬ yawꞈ maꞈ dawˬ tawˆ luꞈ nui ma gm-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ tehꞈ-a.

Luˇkaꞈ 13:24

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.