Dawqdaq 9:1 - Akha

¹ Zaˬ siˬ tsawˇ gahˇ-aˬ, aˬ yawꞈ-euˬ nymˇ tsoˆ-euˬ meh. Aˬ yawꞈ kʼawˇ zeuˇ shiꞈ zeuˇ ka tuˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Zaqsiq tsawrganr, aqyawf-euq nymr tsov-euq mae. Aqyawf, aqyawf-euq khawrzeur shif zeur pyaf-euq mae.

Dawqdaq 9:1 ပူးပေါင်းရင်းမြစ်များ

1 Sahˬpaˬ 7:21

Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ, Huˇlamˬ neh kʼawˇ zeuˇ kʼoeˇ nyiˬ zeuˇ ka tuˇ taˬ-euˬ meh. Laꞈ oˆ paw pyawˬ-ahˇ jaˆ-eu zeuˇ-ahˇ Yaˬciˬ lehˇ myahˇ-awˇ, laꞈ taˆ paw pyawˬ-ahˇ jaˆ-eu zeuˇ-ahˇ Bawˇza lehˇ myahˇ-euˬ meh.

1 Sahˬpaˬ 7:6

Kʼawˇ zeuˇ-euˬ aˇ lawˆ lehˇ kuˇ-eu, yaw mahˇ paw tseˇ nyiꞈ lmˇ nui paˆ byah-awˇ, yaw jeˇ paw shiꞈ lmˇ nui paˆ byah-eu aˇ lawˆ tiˬ lawˆ aˬ yawꞈ tsoˆ-euˬ meh. Aˇ lawˆ kʼoeˇ lawˆ-euˬ mehˬ shi, uˇ leˇ duˬ tiˬ lawˆ paˇ tsoˆ doˆ taˬ-awˇ, kʼawˇ zeuˇ ka tuˇ-awˇ kʼoeˇ taˆ joe shmˇ taˬ-euˬ meh.

Dawqdaq 1:20

Naˇ haˬ sheˇ, meuˬ-eu gaˇ ma doe ni zaˬ siˬ tsawˇ gahˇ guˇ luꞈ meh. Lehˆ kawˆ doe ni yaw kʼaˆ-ehˇ guˇ luꞈ meh.

Dawqdaq 2:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 24:3

Nymˇ tsoˆ-eu jeˬ-aˬ, zaˬ siˬ nui gahˇ kʼoeˇ taˆ zeuˇ dahˇ ya ka-eu meh.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 8:1

Naˇ haˬ sheˇ. Zaˬ siˬ tsawˇ gahˇ aˬ dui-ahˇ kuˇ luꞈ meh. Noeˬ siˬ noeˬ mawˇ nya-eu jeˬ-euˬ teˇ saˇ gaˬ le luꞈ meh.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.