Dawqdaq 8:9 - Akha

⁹ noeˬ siˬ noeˬ mawˇ nya-eu deuˬ gʼoˆ shaw nya-awˇ, zaˬ siˬ tsawˇ gahˇ ahˇ-eu deuˬ mehˬ shi tsaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Dawq heudeuq-aq, ghovshaw nya-eu deuq-euq gharduq dawrler-awr, Siqnya-eu tsawrganr povmawr-euq deuq-euq gharduq-aq tsaq-eu mae.

Dawqdaq 8:9 ပူးပေါင်းရင်းမြစ်များ

Dawqdaq 14:6

Kʼahˬ sehˇ jehˆ-eu tsawˇ haˬ tsawˇ gahˇ maˬ ahˇ laˇ-a. Noeˬ mawˇ nya-eu tsawˇ haˬ tsawˇ gahˇ ahˇ laˇ-eu yaw awˬ meh.

Dawqdaq 15:14

Zaˬ siˬ zaˬ, tsawˇ gahˇ poˆ, aˇ gah zaˬ, aˬ jaꞈ jaꞈ.

Dawqdaq 15:24

Zaˬ siˬ gaˇ ma dehꞈ-eu saꞈ laˇ, shiˇ-eu miˇ kʼahˬ jaw dzeuˇ-eu meh.

Dawqdaq 17:24

Noeˬ siˬ noeˬ mawˇ nya-eu gʼaˬ zaˬ siˬ tsawˇ gahˇ-ahˇ haw tsoˆ taˬ-awˇ, dawˇ ga gʼaˬ mˬ dzeˇ miˇ dzeˇ-ahˇ baꞈ leuˇ haw-eu meh.

Dawqdaq 18:15

Nui noeˬ dehꞈ-eu tsawˇ haˬ tsawˇ gahˇ za-awˇ, zaˬ siˬ naˬ bawˇ tsawˇ gahˇ ciˬ kʼmˇ-eu meh.

Dawqdaq 3:13

Zaˬ siˬ tsawˇ gahˇ-ahˇ poˆ mawˇ-awˇ, noeˬ siˬ noeˬ mawˇ nya-eu jeˬ-ahˇ za-euˬ tsawˇ haˬ, guiˬ lahˬ huiˬ-eu meh.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Miˇkaˬ 2:7

Iˇsaˬleˬlaˆ tsawˇ haˬ deuˬ yaˬ kʼehˇ yaˬ-eu jeˬ-ahˇ ya daˬ meh lehˇ nawˇ noeˬ te loˇ. Sahˬpaˬ Miˬyehˇ maˬ oˇ oꞈ coeˇ-ehˇ pyeuꞈ laˇ taˬ loˇ. Kʼoeˇ loꞈ-ehˇ gʼeh-eu jeˬ aˬ yawꞈ aˬ diˇ aˬ maˇ mˇ tehꞈ-a loˇ. Yaw tsaˬ yaw dawˇ dawˇ-ehˇ dehꞈ-eu deuˬ-ahˇ aˬ yawꞈ dawˬ yaw muiˬ ngehˬ cawˬ-eu maˬ ngeuˇ-a loˇ.”

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Yoˇhaˬ 7:17

Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.